VIDEOCONFERENCIAS NO IV DÍA DA CIENCIA EN GALEGO

O martes 12 de novembro celebrouse o IV Día da Ciencia en Galego e con ese fin a Coordinadora Galega de Equipos de Normalización Lingüística promoveu, nos centros educativos de primaria e secundaria, o acceso ao vivo e simultaneamente a dúas videoconferencias.

A primeira, impartida por Marilar Aleixandre e dirixida a alumnado de 5º e 6º de primaria, titulábase Benqueridos insectos; a segunda, impartida por Jorge Mira a alumnado de 3º e 4º de ESO, Como medir tamaños e distancias da Terra, a Lúa e o Sol.

O noso centro participou este ano por primeira vez nesta aventura que moito desfrutamos. Agora podemos volver vivir esa experiencia nesta ligazón e achegala a quen non tivo a fortuna de nos acompañar naquela xornada de descuberta científico-tecnolóxica.