Este mércores 4 de decembro, a partir das 08:45 horas, o alumnado de 3º e 4º de ESO desprazarase a Outeiro de Rei (Lugo) para visitar a Casa Museo Manuel María, o autor que dá nome á sala da biblioteca de secundaria e que foron descubrindo nas últimas semanas a partir da exposición situada no primeiro andar baixo o título "Manuel María. A palabra viva".
Ademais desta visita, o alumnado realizará unha homenaxe poético-floral a Manuel María no cemiterio parroquial do seu Outeiro de Rei natal e deseguido desprazarase á cidade de Lugo para visitar a muralla romana, Patrimonio da Humanidade.
O retorno está previsto para as 18 horas aproximadamente.
Profesorado acompañante: Mercedes Queixas, Pilar Espido e Concha Martínez.
