CONTOS CON PEDRO BRANDARIZ

Co gallo do Día das Letras Galegas dedicado este ano 2018 á escritora María Victoria Moreno, o cómico Pedro Brandariz, de man da compañía DINAMOteatro, acudiu ao noso centro para agasallarnos coa súa posta en escena dalgúns contos da escritora como Cataventos, A festa no faiado.

Os nenos e nenas gozaron moito desta actuación.

  

LETRAS GALEGAS 2016

Manuel María Fernández Teixeiro naceu en Outeiro de Rei (Lugo) o 6 de outubro de 1929. No 1942 trasládase a Lugo para cursar o bacharelato e alí comeza a súa carreira literaria participando, con 20 anos, no ciclo de conferencias "Jóvenes valores lucenses". Esta primeira conferencia serviulle para entrar en contacto cos integrantes do faladoiro do café Méndez Núñez (Pimentel, Fole, Rof Codina...) e empaparse da realidade galega, tanto do interior como do exilio. Nesta etapa da súa vida publica o seu primeiro poemario Muiñeiro de brétemas (1950), co que se inaugura a denominada "Escola da Tebra". No1958 instálase en Monforte como Procurador dos Tribunais e ao ano seguinte casa con Saleta Goi. Durante os anos sesenta e setenta participou na organización dos partidos políticos nacionalistas na clandestinidade e chegou a ser elixido concelleiro. No 1985 abandonou a militancia política para dedicarse á actividade literaria e cultural e, desde a súa xubilación, residiu en A Coruña onde faleceu o 8 de Setembro de 2004 aos 75 anos. Consideráselle unha referencia no panorama literario galego. Estas son as portadas dalgunhas das obras máis representativas do autor debuxadas polos nenos e nenas de 6º A Fai clic no debuxo

EVENTOS LETRAS GALEGAS

Co gallo da celebración do día das Letras Galegas, o noso cole contou coa presenza da actriz e contacontos Raquel Queizás que nos fixo pasar un rato moi agradable contándonos as súas divertidas historias, nesta ocasión, escritas por Castelao.

O director do centro preparou un baile para o día das Letras Galegas este ano dedicado ao escritor Manuel María. Pasámolo moi ben!

LETRAS GALEGAS 2015

PREMIAMOS AOS QUE FALAN  MOITO EN GALEGO!!!
Como en cursos anteriores neste mes de maio, profesores e alumnos/as de 6º nivel, saímos ao recreo con moitas ganas de premiar cos "Galepuntos" aos nenos e nenas que se distinguen por falar de xeito habitual galego ou por esforzarse en facelo. Deste xeito cremos que o noso alumnado conciénciase mellor da gran valoración que se fai no noso colexio a falar nesta lingua.         Podedes ver algunhas fotos dun día de "reconto de galepuntos" nos que elixen agasallos segundo a maior ou menor cantidade de "galepuntos" que conseguiron.

 

 

---

   

GÚSTAME  GÚSTAME…

que o noso colexio participara nesta campaña do fomento da lingua galega.

Os nenos e nenas e o profesorado, quixo apoiar deste xeito tan orixinal, o uso do galego nos diversos ámbitos e situacións.

Parabéns á Coordinadora de Traballadores/as de Normalización da Lingua por esta marabillosa idea.

Fai clic na imaxe para ver as fotografías do evento.

Se queredes ver máis fotografías, ide á sección

 GALERÍAS

---

 

Co gallo da celebración deste día, o alumnado de 1º de primaria, realizou esta fermosa homenaxe á nosa terra e ao noso idioma, que queremos compartir con vós. Agardamos que vos guste. 

O EDL PROPUXO FACER CON XORNAIS UNHA GRAN BUFANDA QUE RODEASE O COLEXIO  E ASÍ RESALTAR A IMPORTANCIA DA PRENSA PARA UN MELLOR COÑECEMENTO DO NOSO MUNDO. AÍNDA QUE A PRENSA É UN MEDIO UTILIZADO CON ASIDUIDADE NA NOSA ESCOLA, QUIXEMOS DESTACALO ESPECIALMENTE NA SEMANA DA PRENSA ESCOLAR.

AQUÍ TEDES ALGUNHAS FOTOS DESTA EXPERIENCIA MOTIVADORA.

VOTACIÓN PARA ELEXIR O NOME DO GATO 

No curso 2010-11, o Equipo de Dinamización  Lingüística propuxo que un gran gato nos faga  de mascota do  Equipo e vaia pedindo aos alumnos/as actividades durante o curso.

Cando xa tiñamos ao noso gato presidindo a entrada ao colexio decidimos que o noso alumnado elexise o seu nome mediante unha actividade de concienciación democrática: a votación libre dos nenos e nenas.

Pedimos aos alumnos de 6º que organizasen as listas do censo electoral e a composición das mesas.

ESTE É O RELATO E AS FOTOS DA EXPERIENCIA QUE VIVIRON

O venres 12 de novembro foron as votacións para asignarlle o nome ao gato.Durante toda a semana anterior estivemos preparando carteis e deixamos o colexio empapelado de propaganda.

Cando tocou o timbre do recreo esa mañá, baixamos ao vestíbulo e os responsables sentámonos detrás das urnas. Había tres urnas: unha para o primeiro ciclo, outra para o segundo e outra para o terceiro. Cada ciclo tiña tres persoass encargadas: un presidente, un vogal e un secretario.

Foi entón cando os demais alumnos empezaron a baixar e fixeron cola ata que o local quedou cheo.

Os nomes que había para escoller, despois de moitas e variadas propostas eran: Michiño, Pintas, Raspas e Larpeiro. OS NENOS E NENAS ESTABAN ANSIOSOS/AS POR VOTAR!

A votación foi emocionante e divertida. Finalmente gañou Michiño  por unha gran maioría.

AQUI ESTÁN OS VOTOS. 

DECIDINDO QUE NOME ESCOLLER.

COMO VEDES HOUBO MOITÍSIMA PARTICIPACIÓN.

FACENDO O RECONTO DOS VOTOS EMITIDOS. ASI QUEDARON AS ACTAS.

XA TEMOS AO NOSO GATO MOI CONTENTO CO SEU NOME!

Despois de firmadas e expostas a toda a comunidade escolar as actas do escrutinio, arrincamos os carteis de publicidade que enchían a colexio e anunciamos polas clases o nome gañador. Por último colgamos carteis novos co nome de Michiño e cunha foto en cada cartel.

Todo O COLEXIO nos sentimos moi orgullosos de vivir esta experiencia.

 O marro, o brilé, as tabas, as chapas, os carozos, pase misí, escondite inglés, a goma, os fíos, o cacho...

Un ano máis o Equipo de Dinamización Lingüística organiza unhas xornadas de xogos populares.

Este curso contamos coa colaboración especial do alumnado de 6º. Fixeron un traballo fantástico!! Moitas grazas!!

Organizáronse por grupos, prepararon cadanseu xogo (material, normas, carteis...) e fixeron de monitores e monitoras dos seus compañeiros de colexio.

Así o día que puxemos para xogar, eles mesmos se encargaban de explicarlles a todos cómo tiñan que facer e foron os responsables de que todo saíse tan ben como saíu. Agora a ver se continúa a práctica.

Aquí tedes unha mostra da xornada, se queredes ver máis fotos ide á galería.