Actividades nas aulas

O Meco, dun lado, agardando as acusacións e Celio, no outro, presidindo a Feira.

Benvidos e benvidas á feira: postos de comidas, bebidas, xogos, artesanía e intercambio de libros; exposición de apeiros de labranza, paseos a cabalo, inchables, visitas aos animais da feira, actuacións musicais, bailes, conexións coa tele...

O alumnado da EEI Cristo da Victoria acompañounos neste día de troula e, ao igual que o noso alumnado, deu boa conta dos billetes e vales, acuñados para a ocasión, para realizar as súas compras e participar das atraccións. Tamén tivemos a visita dos familiares que non se quixeron perder este día de feira.

Contamos, ademais, coa presenza do noso inspector, o xefe territorial e o alcalde que compartiron connosco este día de entroido e aos que agradecemos que tivesen a xentileza de aceptar a nosa invitación.

O noso total agradecemento a todas as persoas que colaboraron na organización e desenvolvemento do evento, sen as que non sería posible levar a cabo esta festa. Grazas pola vosa inestimable axuda e amabilidade.

E chegou o  esperado momento! O Meco foi sentenciado, unha vez máis, a arder no lume ata quedar reducido a cinzas que o vento espallou ata que, no próximo entroido, volvan xuntarse e renaza para impoñer de novo a súa lei.

Viva o entroido! Festa rachada!!!

O alumnado de cuarto dirixiuse a realizar os seus labores de mantemento e coidado no galiñeiro e, tras comprobar que as nosas invitadas non sufriran ningún dano polo temporal, atoparon unha grata sorpresa: o primeiro ovo!!!

E a afortunada foi Nora de 4ºB que, como podedes comprobar nas fotos, ceou ese día un delicioso ovo frito.

Ver fotos na galería

No inverno o noso horto tamén dá o seu froito. No verán transplantamos porros e sementamos grelos.
Hoxe, voluntarios de 6º recolleron os porros. Logo, organizáronse os paquetes e entregáronse ao alumnado de 2º e 3º.
Os porros están espectaculares!

Á volta de Nadal colleitaremos as navizas ou grelos.

Dende o horto escolar desexámosvos un Bo Nadal!

Ver fotos na galería fotográfica

O Club Baloncesto Seis do Nadal-Coia organizou a quinta das edicións do Torneo Interclases no noso centro coa colaboración da área de Educación Física.

Os alumnos e alumnas das clases de cuarto, quinto e sexto de educación primaria participaron nesta edición do tradicional Torneo Interclases co obxectivo de coñecer e achegarse á actividad do baloncesto, actividade que se desenvolve no centro os luns e martes de 16:00 a 17:00 horas.

Bágoas e bágoas encheron o salón de actos! Outro curso máis que despedimos ao alumnado de 6º que afronta un novo reto no instituto.

E comezou a cerimonia coa intervención do director e dunha representante da ANPA, ademais dunha representación do alumnado de sexto, contando cunha actuación musical de 5º.  A emoción inundou o salón e as bágoas foron o acompañamento musical da entrega de diplomas e orlas!

6º A

Ver fotos na galería fotográfica

 6º B

Ver fotos na galería fotográfica