Skip to Content

Impreso autodeclaración comedor curso 2024-25 Enlace

Información fin de curso Enlace

Actividades nas aulas

Escola de tenis 2016

Ven, 07/10/2016 - 13:46 — admin

PRESENTACIÓN DA ACTIVIDADE DA ESCOLA

DE TENIS AO ALUMNADO DE 3º, 4º, 5º E 6º

O pasado 19, 20 e 21 de setembro pasaron polo noso centro representantes da Federación Galega de Tenis para presentarlle aos alumnos e alumnas do centro esta nova actividade: quecementos especiais, xogos adaptados e pequenos partidiños.

Os nenos e nenas quedaron compracidos pola nova actividade que se vai desenvolver no pavillón todos os luns ás 17 horas.

Desexámoslle un bo futuro a esta nova actividade!!!!

 

Ver fotos na galería fotográfica

graduación 2016

Lun, 27/06/2016 - 13:39 — admin

CERIMONIA DE GRADUACIÓN ALUMNADO DE 6ºE ENTREGA DE AGASALLOS E MEDALLAS

2016

Bágoas e bágoas encheron o salón de actos! Outro curso máis que despedimos ao alumnado de 6º que afronta un novo reto no instituto.
Pero antes realizouse a entrega de agasallos ao alumnado que participou no programa de mediación e ao que colaborou como axudante de biblioteca, ademais de realizar a entrega de medallas aos gañadores e gañadoras do torneo de badminton de 5º e 6º. Aplausos e recoñecemento polo traballo ben feito entre os asistentes.
 Ver fotos na galería fotográfica
 

E comezou a cerimonia coa intervención do director e dunha representante da ANPA, ademais dunha representación do alumnado de sexto, contando cunha actuación musical de 5º.  A emoción inundou o salón e as bágoas foron o acompañamento musical da entrega de diplomas e orlas!
Remata unha etapa e comeza outra chea de desafíos e proxectos para ese alumnado ao que vimos crecer e ao que desexamos todo o mellor. Moita sorte!!!

 

6º A

Ver fotos na galería fotográfica
 

 6º B

Ver fotos na galería fotográfica
 
 

Badminton 2016

Mar, 14/06/2016 - 09:29 — admin

TORNEOS DE BADMINTON DE 5º E 6º

Durante o mes de maio desenvolvéronse dous torneos de bádminton entre o alumnado de 5º e 6º de primaria. Previamente, nas clases de Educación Física, fixéronse as clasificacións dos alumnos e alumnas que pasarían á fase final e que se ía disputar en varios recreos.Durante o mes de maio desenvolvéronse dous torneos de bádminton entre o alumnado de 5º e 6º de primaria. Previamente, nas clases de Educación Física, fixéronse as clasificacións dos alumnos e alumnas que pasarían á fase final e que se ía disputar en varios recreos.
O torneo de quinto foi individual, masculino e feminino. As finais foron moi disputadas chegando, nalgún caso, ao terceiro set.

O torneo de sexto fíxose na modalidade de parellas mixtas. Tivemos unha final moi disputada que se resolveu no terceiro set cun resultado de 11-9.

Pasárono moi ben, fixeron deporte e o bádminton cada vez lles gusta máis.

VER FOTOS

 

A clasificación foi a seguinte:

 

5º MASCULINO


1º Lema

(5º A)


2º Antón

(5º B)


3º Noah

(5º B)


4º Iago Noya

(5º B)


5º Iago Cabral

(5º A)


6º Brais Prado

(5º A)


7º Brais Castrelos

(5º A)


8º Gael

(5º B)
5º FEMININO

1º Lucía Tejero

(5º B)

2º Aitana

(5º B)

3º Erea

(5º A)

4º Gabriela

(5º A)

5º Diana

(5º A)

6º Alba

(5º B)

7º Sabela

(5º A)

8º Selenia

(5º B)
6º PARELLAS MIXTAS

1º Jonathan/ Nerea Collazo

(6ºB)

2º Eloi/ Nayra

(6º A)

 3º Quique/ Daniela

(6º A)

 4º Uxía Tomé/ Iago

(6º A)

5º Dulce / José Carlos

(6º B)

 6º Diego/ Carla Pérez

(6º B)

 7º David/Uxía Prieto

(6º A)

 8º Carolina/Edgar

(6º B)

 

Terapia con cans 1ºA

Ven, 03/06/2016 - 21:06 — admin

TERAPIA CON CANS 1ºA

O mércores 11 de maio tivemos a 2ª sesión  de terapia con cans. Os nenos e nenas tiveron a oportunidade de peitear e acicalar a Bronce. Nesta ocasión todo o alumnado atreveuse a acaricialo, tamén asistiron uns alumnos de 1º B.

O mércores 25 de maio, na 3ª sesión, tivemos unha sorpresa. Visitounos unha amiga de Bronce, chamada Brisa, de pelaxe moito máis clariño. A monitora traballou cos nenos e nenas as diferenzas entre as dúas cadelas. Despois fixeron un debuxo delas para  participar nun concurso.

 

Vigo Recicla 2º

Xov, 12/05/2016 - 09:30 — admin

VIGO RECICLA

O día 9 de maio estivo no noso colexio Dinoseto para aprendernos a separar o lixo nos distintos colectores. Foi moi divertido!!!

 
 VER FOTOS

Encontro Marcos Calveiro 3º

Mar, 10/05/2016 - 09:40 — admin

ENCONTRO CO ESCRITOR

MARCOS CALVEIRO - 3º

O día 4 de maio. tivemos unha sesión co escritor Marcos Calveiro, logo de ler o seu libro Unha casiña branca. Explicounos como no mundo de inxustizas que compartimos moitos nenos viven como Nenoradio e Nenapilas grazas ao lixo. Fixemos preguntas sobre diversos finais do libro e finalmente o autor agasallounos coa sinatura de libros.

 

Terapia con cans 1ºA

Ven, 06/05/2016 - 19:01 — admin

TERAPIA CON CANS - 1ºA

O mércores 27 de abril o alumnado de 1ºA tivo a visita de Bronce, un can adestrado por profesionais que o concello oferta aos centros educativos do Programa Terapia con cans.

A visita resultou moi sorprendente e educativa, a pesar de que algúns nenos e nenas non están familiarizados con estes animais.

 
VER FOTOS

Charla primeiros auxilios cole

Lun, 02/05/2016 - 09:40 — admin

CHARLA SOBRE PRIMEIROS AUXILIOS

Durante os últimos días, tres nais de alumnas e alumnos do cole, ofreceron os seus coñecementos en enfermería ao alumnado de 1º a 5º de Primaria a través dunhas charlas sobre primeiros auxilios (explicando como actuar ante golpes, feridas, queimaduras, mareos, ataques epilépticos, atragantamentos e incluso como facer unha reanimación cardiopulmonar).
Foi unha experiencia moi positiva da que, esperamos, todos poidamos sacar un bo proveito.
Moitas grazas pola colaboración: Laura, Mercedes e Marena!

Encontro autora_María Canosa

Lun, 25/04/2016 - 09:48 — admin

RUBICUNDO DE MARÍA CANOSA - 4º

O outro día, María Canosa estivo no noso cole. María é a autora de Rubicundo. Os nenos e nenas de 4º de primaria lemos este libro. Estivo connosco para explicarnos cousas que non entendiamos do libro e para contestar as preguntas que nós lle fixemos: "en que te inspiraches para escribir o libro, cando o escribiches,…"

Cando rematamos as preguntas, María Canosa asinounos os nosos libros e púxolles unha dedicatoria como: “Que polo mundo encontres moitos Rubis amables e cariñosos”.

Gustounos moitísimo este encontro coa autora de Rubicundo.

Graciñas.

Daniel e Zaíra
VER FOTOS

 

Encontro autora-Mar Guerra

Ven, 22/04/2016 - 09:32 — admin

CHARLA COA ESCRITORA MAR GUERRA - 6º

O mércores 13 de abril a escritora do libro Xenaro e a negra sombra, Mar Guerra, veu ao noso colexio para darnos unha charla moi interesante.

Fixémoslle moitas preguntas e elas contestounas moi ben e con moitas anécdotas. A pregunta máis interesante foi: "Como te inspiraches na personaxe de Xenaro?".

Respondeunos que ela é como Xenaro, un pouco pesada ao falar e tamén un pouco "tiquismiquis". A charla foi moi divertida e instrutiva.

Logo, aos nenos que tiñan o libro, firmoullo cunhas agradables e simpáticas palabras.

Paseino moi ben, e gustaríame que sacase máis libros.

 
VER FOTOS
Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut