Skip to Content

Actividades nas aulas

Cestería 2º

Mar, 20/03/2018 - 11:15 — admin

 A CESTERÍA

UNHA ACTIVIDADE EMOCIONANTE!!!!!!!!

Neste mes de marzo, nunha actividade enmarcada no proxecto de centro, o alumnado de segundo gozou da visita de Martín.

Este mestre cesteiro, coas súas hábiles mans, ensinounos como facer un cesto á vez que puidemos aprender os nomes dos diferentes materiais e ferramentas que se utilizan para este traballo.

Grazas Martín!!!

 

Ver fotos

 

Día Internacional da muller 2018

Mér, 07/03/2018 - 22:33 — elenadios

DÍA INTERNACIONAL DA MULLER 2018

EDUCANDO EN IGUALDADE

A primeira convocatoria do Día Internacional da Muller tivo lugar en 1911 en Alemaña, Austria, Dinamarca e Suíza. En 1977 a Asamblea Xeral da Organización das Nacións Unidas (ONU) proclamou o 8 de marzo como Día Internacional da Muller e da Paz Internacional.

No calendario escolar figura este día entre as conmemoracións a traballar e desde o centro invitamos ao alumnado a reflexionar sobre a desigualdade que aínda existe na nosa sociedade a través de varias actividades.

Entre elas destacamos dúas pinceladas:

  • Contos en feminino: desde a biblioteca invítannos a ler unha escolma de obras na que se destaca a figura feminina.
  • O alumnado de 5ºA, dentro do Proxecto Abalar, elaborou carteis dixitais nos que nos amosa o seu punto de vista.

LAZO SOLIDARIO

Xov, 15/02/2018 - 15:12 — admin

DÍA MUNDIAL CONTRA O CANCRO INFANTIL

O 15 de febreiro lémbrase a loita contra o cancro infantil. Desde o colexio sumámonos á iniciativa da Asociación Bicos de papel, asociación de axuda a nenos oncolóxicos do Hospital Álvaro Cunqueiro de Vigo, de elaborar un lazo dourado. Nesta creacion participou todo o alumnado que debuxou a súa man en papel para encher de luz este símbolo e colaborar na sensibilización sobre o reto ao que se enfrontan moitos nenos e nenas e as súas familias.

Planetas 5ºA

Sáb, 27/01/2018 - 22:31 — admin

O SISTEMA SOLAR 5ºA

Para a asignatura de Ciencias Sociais, os rapaces e rapazas de 5ºA contruíron o noso sistema solar empregando para elo diferentes materiais.

Non hai recuncho no universo que se lles resista a estes intrépidos astrónomos!

Ver fotos

Horto

Xov, 25/01/2018 - 21:44 — admin

A PRIMEIRA PLANTACIÓN DO ANO

Co novo ano comezamos unha nova plantación no noso horto escolar.

O alumnado de 6ºA preparou a terra e plantou allos agardando que a nova colleita sexa tan boa como a do curso pasado e que rematen nalgún prato dándolle ese toque especial.

Ver fotos

Galiñeiro

Xov, 26/10/2017 - 20:44 — admin

RECOLLENDO OS ÚLTIMOS OVOS!

Tras rematar o proxecto sobre os animais da granxa desenvolto o curso pasado, temos que proceder a dicir adeus ao galiñeiro.

Todo o alumnado pasou a despedirse das nosas hóspedes ás que lles agarda unha nova vida noutro espazo natural onde seguirán poñendo os seus ovos ecolóxicos.

Ai, que ricos estaban!
Ver fotos

Célula

Mar, 24/10/2017 - 22:08 — admin

 DESEÑANDO CÉLULAS EN CLASE

Na clase de Ciencias Naturais os rapaces e rapazas de 5ºA convertéronse en científicos construíndo células para poder estudar as súas partes.

Por certo!! Os grupos que usaron recipientes redondos, representaron células animais e os que os usaron cadrados ou rectangulares, células vexetais.

Agardamos que vos guste!

 

Ver fotos

Baloncesto

Mér, 04/10/2017 - 09:37 — admin

VISITA DO CLUB DE BALONCESTO

SEIS DO NADAL

Como todos os anos, visitáronnos os entrenadores do Club Seis do Nadal para facer unha xornada de achegamento ao baloncesto co alumnado de 3º, 4º, 5º e 6º.

Ver fotos

Judo

Xov, 28/09/2017 - 13:49 — admin

ACTIVIDADE DE JUDO 2017

A segunda semana do curso acompañounos Aarón, monitor de judo, nas clases de E. física. Foron unhas sesión magníficas: reviravoltas, técnicas, pequenas tretas,…

Os nenos quedaron encantados e piden repetir nos vindeiros cursos.
Grazas, Aarón.

Ver fotos

Conto colaboratorio 2017

Mar, 27/06/2017 - 10:20 — admin

CONTO COLABORATIVO

AS AVENTURAS DOS ANIMAIS DE CELIO GRANXEIRO

Durante este curso elaboramos de xeito colaborativo entre todas as aulas do colexio un conto sobre os animais da granxa ao que titulamos: As aventuras dos animais de Celio granxeiro.

Agardamos que vos guste e que participedes tamén del...
Distribuir contido


cep.celso.emilio.ferreiro@edu.xunta.gal

Tfno: 986 29 80 58 - Fax: 986 24 42 49

Rúa O Porriño s/n - 36209, Vigo - Pontevedra
by Dr. Radut