Actividades nas aulas

O alumnado de primeiro asistiu á representación Eu cociño, ti cociñas da compañía Mamá cabra. Esta montaxe innovadora, coa gran cociñeira Coki, levounos a percorrer o mundo e coñecer as súas receitas.

Asemade, emprendemos a nosa propia viaxe por este mundo da arte culinaria e elaboramos unha receita moi saborosa e sinxela.

Ver fotos

Este trimestre recibimos a visita de tres deportistas do club de boccia e slalom TAMIAR-APAMP, que xunto cos seus auxiliares explicaron ao alumnado de 1º, 2º e 3º como practican o seu deporte, ademais de deixarnos participar del.

Moitas gracias pola visita destes grandes deportistas (Fran, Ana e Gonzalo) que nos deixaron unha fermosa pegada!

Sabes o que é unha bucket list? Si, iso é. Unha listaxe de desexos que queres cumprir antes de deixar este mundo. O alumnado de 6º compuxo a súa listaxe na asignatura de inglés dentro do Proxecto Abalar.

Aquí tes unha infografía coas presentacións que escolleron en cada aula realizando unha enquisa dixital.

Preme na imaxe ou no nome para ver cada presentación.

Iudo e baloncesto abriron as visitas de diferentes deportes ao noso centro este curso.

O monitor de Iudo, Aarón, volveu a facer a delicia do alumnado coas súas divertidas clases. Estivo con todos os grupos.

Cun importante staff de entrenadores, o club de baloncesto Seis do Nadal, visitou o noso centro e estivo co alumnado de 3º, 4º, 5º e 6º. Xogos, habilidades e torneos 4X4 para os maiores.

Grazas, unha vez máis, por acudir ao noso centro.

 Ver fotos baloncesto

 Ver fotos iudo

Estes días estivo polo colexio a nosa Concelleira de Medio Ambiente, Chus Lago. Unha recoñecida alpinista que alcanzou todos os oitomiles do planeta (todas as montañas de máis de 8000 metros de altitude).

Foi a primeira muller española en alcanzar a cima do Everest sen osíxeno artificial.

Explicou que aos 11 anos xa soñaba con escalar as montañas máis altas do mundo.

Animounos a perseguir os nosos soños, a poñernos retos e loitar por conseguilos. Indicounos que con esforzo e constancia non hai meta imposible de lograr.

Chus Lago enviounos un mensaxeiro anunciando a súa visita, e claro, chegou ao colexio en bicicleta. O mensaxeiro entregounos unhas mensaxes feitas en papel ecolóxico.

Ver fotos