Deportes
CAMPO A TRAVÉS (XOGADE)
Como cada ano o CEIP Soutelo de Montes forma parte do programa XOGADE (xogos galegos deportivos en idade escolar), co obxectivo de fomentar e estender a actividade física e o deporte educativo e saudable a todos os escolares, dándolles a posibilidade de practicar e competir cos colexios da súa contorna.
O pasado mércores 22 de novembro o alumnado de 3º, 4º, 5º e 6º do CEIP Soutelo de Montes desprazouse ata Caritel (Pontecaldelas) para levar a cabo a primeira xornada de campo a través.
Aquí tedes un breve resumo deste día que rematou cun momento de convivencia con chocolatada incluída.
Grazas pola vosa participación e noraboa a todas e todos!
DESAFÍO SAUDABLE 2022 - 2023
A meirande parte do noso alumnado de primaria superou o 'Desafío Saudable' no curso 2022-2023. Grazas pola vosa participación e por contribuír a unha dieta saudable consumindo fruta nos recreos.
Noraboa a todos e todas!!
XOGADE: DEPORTE ESCOLAR
Este venres 19 de maio levouse a cabo unha xornada de deporte e convivencia seguindo coa planificación do programa: “XOGADE”. Por este motivo desprazámonos ao CEIP Pedro Antonio Cerviño para levar a cabo diversas competicións en tres modalidades: fútbol, balonmán e baloncesto.
Grazas a todas e todos pola vosa participación!!