PROTOCOLOS RELACIONADOS COA COVID-19 (ACTUALIZACIÓN)

Presentamos  a continuación os protocolos do centro actualizados ás directrices publicadas o 16 de setembro pola Consellería de Educación.

Ademais incluimos unha modificación do horario interno do centro amparados pola Resolución da Secretaría Xeral de Educación e Formación Profesional sobre a autorización excepcional de horarios polas xefaturas Territoriais da Consellería de Cultura, Educación e Universidades (publicada o 29 de setembro).

Tras celebrar hoxe o Consello Escolar e aprobar esta modificación queremos aclarar varios aspectos:

1º É unha modificación interna que NON AFECTA Á HORA DE ENTRADA E SAÍDA.

 Tal e como se contempla na citada resolución é unha medida excepcional e de duración limitada á situación de risco ocasionada pola pandemia COVID-19. Unha vez rematado este período o centro voltaría ao horario que está aprobado.

Non existe unha reducción da xornada lectiva, nin se condicionan os servizos de comedor nin transporte escolar.

 

 A reorganización horaria queda así:

Teremos 3 sesións de 50 minutos antes do recreo. Un recreo de 30 minutos. Ao rematar, a sesión de lectura e logo outras dúas sesión de 50 minutos, antes de ir ao comedor.

Deste xeito reducimos o tempo do recreo posterior ao comedor significativamente, por considerar que constitúe un risco, sobre todo nos días nos que o alumnado ten que permanecer dentro, debido ás circunstancias climatolóxicas. Ademais estamos aforrando  tempo nas sesión de clase ao non ter que realizar as correspondentes desinfeccións.

Para información máis detallada podedes consultar os protocolos premendo nos enlaces ou nos adxuntos:

ANEXO V: PROTOCOLO

PLAN DE ACOLLIDA 

PLAN DE CONTINXENCIA

 

HORARIO DA XORNADA LECTIVA DE OUTUBRO A MAIO

Lembrade que a partir de mañá xoves 1 de outubro e ata o 31 de maio a xornada lectiva comezará ás 10.00h e rematará ás 16.30H

 

Debido á pandemia actual dentro do Protocolo de Adaptación á situación COVID-19, fixemos unha regulación do horario (en base a criterios sanitarios) que modificará a hora do comedor. No actual horario, o alumnado comerá ás 15.00h quedando así anulado o recreo posterior por considerar que constitúe un risco, sobre todo nos días nos que se ten que permanecer dentro, debido ás circunstancias climatolóxicas.

NON SE VERÁ AFECTADA A HORA DE ENTRADA E SAÍDA AO CENTRO.

    

ENTRADA: 10:00h

SAÍDA: 16.30h

Para información máis detallada consultar o protocolo COVID-19 do centro a partires do luns día 5 de outubro, no que se farán as modificacións pertinentes. 

 

 

 

 

 

CONCELLO DE FORCAREI. Bases das Axudas de apoio ao estudo para este curso 2020/2021

Aquí vos deixamos o documento do concello de Forcarei, onde podedes informarvos sobre as axudas que podedes solicitar para este curso.

Como novidade este ano a axuda inclúe  novos conceptos de gasto como material informático (impresoras, tablets, memorias USB, etc.) ou artigos de prevención sanitaria e hixiene contra o covid-19 como máscaras ou xel hidroalcohólico. Ademais, poderán destinarse tamén á compra de material escolar, libros (excluíndo os de texto que sexan subvencionados ou cedidos por outras administracións) e materiais básicos (mandilón, chándal, calzado, zapatillas de deporte, mochila, frauta, etc.)

PREMEDE NO SEGUINTE ENLECE OU ABRIDE O ADXUNTO PARA PODER LER O DOCUMENTO:

ENLACE

Distribuir contido