EXCURSIÓN FIN DE CURSO DE 6º A MADRID

Fai unha semaniña que os nos@s maiores de 6º estaban tod@s nervios@s porque o martes, moi cedo, marchaban para a súa excursión de fin de curso a cidade de Madrid e arredores.

Foron uns días intensos compartidos cos compis de 6º dos coles de Forcarei e Cerdedo así como cos profes: Estela, Manolo e Xavi...

Mil e unha aventuras que viviron,algunha si que nos contaron claro, pero que de seguro... nunca nunca esqueceran...Segovia, Acueducto, Catedral, Madrid, Estadio Santiago Bernabeu, Parque Europa, O Rei León, a Warner, o Zoo...

Aquí vos deixamos unha presentación con algunhas fotiños que nos trouxeron...que a disfrutedes!!!

 

 

 

                                                                                   
                                                                                                                                                     EXCURSIÓN MADRID 2018

GRADUACIÓN DE 6º. CURSO 2017-2018

CARRILEOTECA

Como xa chegou o bo tempo, dende a biblioteca decidimos que se estaba moi ben no patio do colexio, así que enviamos para alí á nosa nova amiga:

CARRILEOTECA.

Como é unha nova compañeira, ímosvola presentar pero... que saibades que é moi fermosa, alegre, divertida e o que máis lle gusta son os libros, sempre vai cargadiña de libros e está máis que disposta a compartilos con aqueles nenos e nenas que lle apeteza ler, ollar, mirar, investigar e mesmo falar sobre os libros que ela nos trae ao patio.

AQUÍ ESTÁ:

 

E.. MIRADE QUE BEN O PASAN OS NENOS E NENAS CON ELA

E COMO A AXUDAN A ELIXIR OS LIBROS QUE MÁIS MOLAN PARA SACAR AO PATIO

 

Peregrinaxe pola senda do Lérez

  Como xa sabedes,dende o curso 2014/2015 estase a levar a cabo un Plan de Formación Intercentros da comarca de Terra de Montes. Os tres centros participantes son: o CEIP Nosa Señora das Dores (Forcarei) o CEIP de Soutelo de Montes (Soutelo de Montes- Forcarei) e o CEIP San Xoán Bautista (Cerdedo). O obxectivo é acadar os coñecementos e destrezas necesarias para deseñar e aplicar as programacións LOMCE. Seguindo as directrices do novo curriculo cada centro deseñará unha tarefa integrada dentro dun marco común para os tres (a nosa comarca), aplicará dita tarefa e expoñeraa á comunidade educativa como broche final á formación recibida ao longo destes catro cursos. Na nosa tarefa priorizamos a investigación (lectura e comprensión) a expresión oral, o traballo en grupo, as aprendizaxes significativas, as Tics e as emocións.

 

 

A relación coas outras UDIS, é que cada centro deseñou a súa tarefa dentro do marco común que é a comarca, onde se traballaron todo tipo de aspectos: características sociais e naturais, patrimonio cultural e artístico, historia... O noso centro traballou a contorna natural( río,fauna e flora) e o patrimonio cultural e histórico ( muíños e pontes) tomando como centro de interese o río Lérez. A temporalización foi no 2º e 3º trimestre do curso 2017/2018. 

O produto final presentado polo noso centro foi unha maqueta interactiva do río Lérez, outra maqueta en realidade aumentada dun muíño, ademais de diferentes técnicas de cantería e unha ponte tamén en 3D para logo expresar todo o traballado nunha fermosa curta.
 
Este é o cartel anunciador do evento que foi o día 18 de maio no auditorio de Cerdedo.

 

A continuación ímosvos mostrando o noso traballo, paso a paso.

 

En primeiro lugar, o traballo de avaliación inicial, pescuda de información, así como de investigación e  conclusións recollímolo nesta publicación:

 

 

 

 


 
Unha vez documentados o segundo paso, foi plasmar o aprendido en diferentes maquetas

 

 

 

 

 

Esta é unha maqueta interactiva xa que a través do escaneado dos códigos Qr proporciona información adicional. Dita información preséntase a través de vídeos explicativos. E esta vez os que explican non son os mestres senón o propio alumnado.

 

ESCOITADE, ESCOITADE CON MOITA ATENCIÓN!!!

 

 

 

 

 

 

 

 

E agora vén o mellor, nuns días publicaremos a película, estade atentos á peregrinaxe de Frei Bieito!!!

PODEREDES VELA NA BARRA LATERAL ESQUERDA DESTA PÁXINA!!!

Esperamos que vos guste!!!

Nós pasámolo moi ben con este proxecto, aprendimos moitas cousas e démonos conta de que vivimos nun concello fermosísimo, cheo de historia, tradición e natureza.!!!

Distribuir contido