O equipo de concursos convocou como cada ano o Concurso de Fotografía de Solanas. Asociado co Proxecto de Biblioteca "O mundo máxico de harry Potter", propuxeron crear un ANIMAL FANTÁSTICO (mascota, peluche, xoguete...), facer unha foto e enviala.
O alumnado de 3º e 4º primaria tivo unha visita guiada polo Monte Santa Trega; roteiros, Citania, poboado de Mergelina, Ermita de Santa Trega, MASAT... foi unha xornada moi divertida. Aquí podedes ver a nosa experiencia:
Coñece as túas institucións é un programa da Consellería que ten como obxectivo que o alumnado poida coñecer de primeira man o funcionamento do Parlamento e da Xunta de Galicia. Son visitas guiadas conxuntas ás sedes do poder lexislativo e do poder executivo galegos para o alumnado de 5º e 6º de educación primaria.
Ademáis aproveitamos para coñecer a Cidade da Cultura.
Pilabots é un concurso de recollida de pilas e acumuladores en centros educativos da Xunta de Galicia: RECICLA CON ENERXÍA!.
Nesta 3º edición obtivemos o 2º premio na categoría de quilos recollidos por centro.
Ademáis a alumna de 2º de primaria, Lucia González, resultou gañadora no concurso artístico #eusonpilabots coa sua creación "Se regamos con pilas á natureza as plantas nacen tristes".
Tamén tivemos unha mención especial do xurado para Aday Maquieira de 4 anos, que fixo un robot coma a mascota Pilabots, por participar fóra de concurso (non hai categoría para educación infantil).
Ata Santiago de Compostela foi o alumnado de 2º de primaria a recoller o premio.
Moitas grazas a toda comunidade educativa de Solanas pola súa aportación na recollida de pilas porque sen eles este premio non houbese sido posible.
Convocamos como cada ano o Concurso de Fotografía de Solanas. Asociado co Proxecto de Biblioteca "O mundo máxico de harry Potter", propuxemos crear un ANIMAL FANTÁSTICO (mascota, peluche, xoguete...), facer unha FOTO e enviala. Moitas grazas a tod@s os participantes.
O alumnado de 3º e 4º de educación primaria fixo unha saída a Sala Ártika a ver a obra "A illa da lembranza" e ao Museo Liste que acolle unha colección de máis de 2000 pezas da cultura material e espiritual de Galiza.