CEIP Plurilingüe As Solanas - Nicolás Gutiérrez Campo

→Fondo solidario de libros de texto(3ºe 4º EP): o pode solicitar todo o alumnado destes cursos; os libros dispoñibles repártense entre os admitidos por orde inversa á renda per cápita, ata que se esgoten. En todo caso recibirán: 6 libros (renda per cápita igual ou inferior a 6.000€) ou 4 libros (renda per cápita igual ou inferior a 10.000€).

→Axudas para adquirir libros de texto (1º e 2º de EP); vale por 240€ (renda per cápita igual ou inferior a 6.000€) ou vale por 160€ (renda per cápita igual ou inferior a 10.000€).

→Axudas para adquirir material escolar (1º, 2º, 3º, 4º, 5º e 6º de EP); vale por 75€ (renda per cápita igual ou inferior a 6.000€) ou vale por 60€(renda per cápita igual ou inferior a 10.000€).

→Os cursos 5º e 6º EP son Edixgal →todo o alumnado terá libros do fondo do colexio.

O procedemento de presentación da solicitude pode ser:

• Presencial: Presentación da solicitude no centro cuberta de xeito manual. No colexio temos os impresos para a solicitude, que unha vez cubertos deben presentarse na secretaría do centro.

• Por vía electrónica: Acceso dos cidadáns á aplicación Fondolibros para elaborar a solicitude (https://edu.xunta.es/fondolibros) ou a través da sede electrónica de Xunta de Galicia, https://sede.xunta.gal.

Documentos que hai que presentar:

• Solicitude cumprimentada (única para todos os fillos/as)

• Fotocopia do libro de familia onde figuren todos os membros computables.

• En caso de separación ou divorcio, sentenza xudicial e/ou convenio regulador onde conste a atribución da custodia do/a menor.

• No caso de violencia de xénero: documentación xustificativa.

Os documentos deberán ser válidos e eficaces no momento da súa presentación, e reflectir a situación persoal, familiar e económica a 31 de decembro de 2022.

O prazo de presentación da solicitude, xunto con toda a documentación, é do 21 de maio de 2024 ata o 21 de xuño de 2024.

Calquera outra dúbida poden consultala na secretaría do colexio (teléfono 886110075) ou no portal educativo da Consellería de Educación: http://www.edu.xunta.gal/portal/

PERCORRENDO A VILA DE A GUARDA

CON LUÍSA VILLALTA; LETRAS GALEGAS 2024.

Este ano a homenaxeada no día das letras galegas é a escritora, filósofa e violinista, Luísa Villalta.

Para festexar este día, o alumnado do CEIP Manuel Rodríguez Sinde, CEIP Plurilingüe As Solanas e o CEIP A Sangriña, realizaremos un percorrido polas rúas da Vila para divulgar a súa poesía e biografía, actividade organizada polo  Equipo de dinamización da lingua.

Estes serán os horarios e os lugares da Vila onde nos poderedes atopar. Encantaranos que nos veñades ver:

NOVAS DATAS

ACTIVIDADES NA SEMANA DAS LETRAS GALEGAS 2024

Durante a Semana das Letras Galegas o equipo de Dinamización propuxo unha serie de actividades as aulas: pintado da careta de Luisa Villalta, grabación duns poemas da autora, dossier para coñecer a vida de Villalta...

Ademáis o xoves 16 tivemos a xa tradicional chocolatada do ANPA Os Muiños.

VÍDEO ACTIVIDADES LETRAS GALEGAS Preme no enlace anterior para ver e escoitar ao noso alumnado homenaxeando a Luísa Villalta.
VÍDEO CHOCOLATADADO ANPA 2024 Moitas grazas a María, Maricruz,Mari, Ofelia, Gene e Marcos.

O alumnado de 2º de primaria fai unha plantación de bulbos: nardos, lirios, gladiolos, dalias e xacintos.

Na hora do recreo xogamos a... cambio de conos, relevos, golf hockey, petanca...

 Preme nas imaxes para ver o ben que o pasamos.

O alumnado de 5º e 6º de primaria tivo unha charla informativa/formativa sobre novas adiccións dunha axente experta das Forzas e Corpos de Seguridade do Estado.

Esta charla pertence ao Plan Director que é un programa para a convivencia e mellora da seguridade nos centros educativos.