Axudas para material escolar e fondo solidario de libros de texto
Do 21 de mario ata o 22 de xuño estará aberto o prazo para presentar as solicitudes para material escolar e fondo solidario de libros de texto.
Informamos de que temos libros de 3º para todo o alumnado, polo que, se presentades a solicitude, seredes beneficiarios e recibiredes o préstamo dos libros.
As solicitudes presentaranse preferiblemente por vía electrónica no formulario normalizado (anexo I) dispoñible na aplicación informática «fondolibros» (https://www.edu.xunta.es/fondolibros) a través da sede electrónica da Xunta de Galicia, https://sede.xunta.gal.
Nós ofrecemos a posibilidade de facer o trámite vía telefónica, chamando ao 881 151191 para cubrir a solicitude, sendo necesario posteriormente vir ao colexio para asinala e traer a documentación complementaria (libro de familia ou certificado de convivencia, certificado de discapacidade, acreditación de ser vítima de violencia de xénero).