Muíña da Ruxida e Pena Xiboi

Volven as saídas e con elas a ilusión, alegría, aprendizaxe, convivencia... Aquí un vídeo da gran xornada vivida.

Maxia en Parga

in

Dende o centro tamén queremos das as grazas a todas as familias e membros da ANPA pola súa colaboración e participación ao longo de todo o curso académico. Unha demostración deste bo facer é o espectáculo de maxia organizado para todos/as a cargo de Fani Triana e Martín Camiña.

Imos ao cine!

Se algo botaron de menos, os rapaces e rapazas, foron as excursións, sempre tan divertidas e didácticas. Este ano fíxose esperar, pero finalmente puidemos gozar dunha saída en compañía. A película non puido estar máis entretida e a ensinanza non puido ser máis acertada. Se todos colaboramos e nos axudamos, somos máis fortes ("Raya y el último dragón")

Entrega de diplomas

Entre moitas das actividades programadas para este fin de curso, festexouse a entrega de diplomas para poñer fin a un ano académico no todos/as mereceron o maior dos premios, pola súa paciencia e bo facer. PARABÉNS A TODOS/AS.

Pintura sobre tea

Aproxímase o verán e os alumnos/as de 5º e 6º decidiron dar cor á súa roupa. Modelos de todas as formas e cores. Quedaron moi bonitas. Quen sabe, quizais sae de aquí un famoso deseñador/a.

 

Fondo libros 2021/2022

No DOG do día 20 de maio de 2021 publícase a Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22.   

BENEFICIARIOS

O espazo - 3º de Primaria

O alumnado de 3º de Primaria cada vez está máis convencido de que o desexo de viaxar ao espazo pronto se fará realidade. Co gallo desta premonición, convertéronse en astrónomos de primeira e a día de hoxe poderían despegar rumbo a Marte e saber cantas horas dura un día no planeta, onde está a constelación Tauro, quen foi o primeiro home en pisar a lúa ou mesmo quen foi Laika. Máis info.

Graffiti de Rosalía de Castro

Este será o mural de Rosalía de Castro que decorará o noso centro, próximamente. 

Maite Ferreiro: "Son propostas que invitan a achegarse á figura de Rosalía de Castro desde unha perspectiva actual, con linguaxes e argumentos que conectan coa mocidade e que permiten poñer en valor todas as dimensións da figura de Rosalía, autora cabeceira da nosa literatura, pero tamén referente na defensa das mulleres, dos dereitos sociais e da lingua e da cultura”

Distribuir contido