CEIP Plurilingüe Santa María do Valadouro |

Chegou o fin do curso escolar 2020/21, unha nova etapa marcada polo Protocolo Educovid no que aos centros educativo atinxe e que unha vez superado, valoramos moi positivamente a adaptación da comunidade educativa a todas estas medidas, as cales, posibilitaron rematar o curso sen incidencias.

Para celebrar este punto e seguido da ampla maioría de alumnado, a ANMPA organizou no centro unha xornada enteira de xogos para o alumnado de infantil e primaria.

Así infantil ía pasando e alternando as tres actividades propostas que consistían nun taller de tatuaxes con purpurina, uns xogos e coreografías musicais , ademais de pasar polos inchables.

Primaria tiña un obradoiro de manualidades, uns xogos de precisión (xogo da ra, encestar aros nos conos), os esquís múltiples e tamén os catro inchables diferentes que estaban instalados no poli.

Con un sistema de rotación e tempo determinado, todos e todas disfrutaron dun día de diversión e entretemento moi ben estruturado.

preme aquí para ver fotos da festa

CAMIÑA OU VAI EN BICI ATA A ESCOLA

Ven, 28/05/2021 - 10:16 — admin

Estas derradeiras semana do mes de maio continuamos con plan do alumnado de Primaria " Camiña ou en bici ata a escola" co obxectivo de mostrarlle á rapazada que tanto camiñando como na bici, poden acudir ao centro diariamente, sempre poñendo por diante a seguridade nos desprazamentos en función do tipo de percorrido.

Isto potenciará unha autonomía necesaria, maior activade física cotiá, favorecer o transporte non contaminante e uns hábitos de vida saudable moi recomendables para o futuro.

A semana anterior foron camiñatas a lugares simbolicos do Concello do Valadouro, a igrexa da Casela e ao Pozo da Onza, rutas de 5 e 10 km resoectivamente, obervando e descubrindo a natrureza que nos atopamos.

Nesta, tocoulle a rutas en bici con distancias adaptadas a cada curso, con axuda de mestres e protección civil. Visita das parroquias anexas ao centro e explorar os distintos camiños do entorno.

Durante a semana, nas sesións de EF e recreos, prácticas previas, exercicios sobre a bici e estratexias para ir en grupo.

Para máis información, visiten os enlaces e vexan as fotos para deducir.

NOTA: facer clic nos enlaces para ver fotos.

CAMIÑATA BICI

FONDO SOLIDARIO DE LIBROS, AXUDAS PARA A ADQUSICIÓN DE LIBROS E MATERIAL ESCOLAR

Ven, 21/05/2021 - 11:02 — admin

ORDE do 06 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2021/22 (código de procedemento ED330B).

O prazo de presentación de solicitudes é do 21 de maio ao 22 de xuño de 2021.

A solicitude pódese cumprimentar de xeito manual, recollendo modelo na secretaría do centro ou a través da seguinte ligazón https://sede.xunta.gal/doc-invia/rest/anexos/11492459

A solicitude será única para todos os fillos e fillas admitidos no mesmo centro para o curso 2021-2022:

Fondo solidario de libros de texto en 3º, 4º, 5º e 6º de educación primaria.
Axudas para adquirir libros de texto en 1º e 2º de educación primaria
Axudas para adquirir material escolar destinadas ao alumnado matriculado en educación primaria.

Para ser beneficiario do banco de libros é condición indispensable ter devolto os libros de texto e/ou material reutilizable adquiridos coas axudas do curso 2020/2021, así como os libros emprestados no curso 2020-2021, agás o alumnado de 1º e 2º de EP que non terá que realizar a devolución.

OBRADOIRO DE DEBUXO CON LEANDRO LAMAS

Xov, 20/05/2021 - 09:46 — admin

O venres 14 de maio tivemos a sorte de que o ilustrador Leandro Lamas nos fixera unha visita ao noso cole para ensinarnos a debuxar a partir de trazos sinxelos os cales foron tomando forma e sentido pouco a pouco.

LETRAS GALEGAS 2021 - XELA ARIAS

Mér, 12/05/2021 - 13:18 — admin

Nestes vídeos explicamos como alumnado do cole que son as letras galegas, o seu significado para nós, o por que da súa celebración e quen é a escritora homenaxeada este ano. Por ela e por todos nós que reivindicamos a nosa lingua sen xenreira, disfrutemos do noso idioma!!

Todo sobre Xela Arias neste enlace : http://seminariogalan.org/inicio/2021/documentos

EDUCACIÓN SEXUAL

Ven, 07/05/2021 - 17:27 — admin

Hoxe o alumnado e 5º e 6º de educación primaria recibiu unhas charlas sobre Educación Sexual a cargo de Estefania e Miguel, médicos e sexólogos, nas que trataron o tema da sexualidade con moita naturalidade e tendo como pilar fundamental o afecto.

Dende o centro quixose contribuir á formación integral e desenvolvemento persoal do alumnado ofrecéndolles coñecementos para a súa saúde, benestar e dignidade.

As charlas foron dinámicas e entretidas polo que dende aqui queremos agradecerlles a súa labor.

23 DE ABRIL, DÍA DO LIBRO

Sáb, 24/04/2021 - 19:45 — admin

Para conmemorar o Día do libro decidimos facer un intercambio de libros entre o alumnado co seu grupo-clase, para iso trouxéronse libros da casa que xa se leran.

Agora eses libros teñen un novo dono e agardamos que os disfruten!