CEIP San Martiño

 

Admisión de alumnado

ADMISIÓN DE ALUMNADO PARA O CURSO 2019-20

Enviado por placer o Lun, 24/02/2014 - 09:41

PROCESO DE ADMISIÓN PARA O CURSO 2019-20

·        NORMATIVA REGULADORA.

Decreto 254/2012 do 13 de decembro (DOG do 26 de decembro de 2012).

Orde do 12 de marzo do 2013 (DOG do 15 de marzo de 2013).

Estes documentos están á súa disposición na secretaría do centro.

·        PRAZO DE PRESENTACIÓN.

O prazo de admisión para o curso 2019-2020 abrangue desde o 1  ata o 20 de marzo ambos os dous incluídos.

·        IMPRESO DE SOLICITUDE.

O impreso (ANEXO II da Orde do 12/03/2013) será facilitado gratuitamente no centro en horario de secretaría (de 9:30 a 10:20) ou na conserxería do mesmo. Tamén se pode descargar da páxina web da Consellería de Educación ou pinchando na seguinte ligazón:http://www.edu.xunta.gal/portal/sites/web/files/4anexos_formateados_ed550b_c_1.pdf

NOTA.- Cando entreguen no centro a solicitude de admisión, xunten tamén a fotocopia do Libro de familia e as dos DNI dos proxenitores e do/a alumno/a se o tivese.

Para máis información acerca do proceso de admisión, poden pinchar no seguinte ligazón: http://www.edu.xunta.gal/portal/node/8858 

 

·        OFERTA DE POSTOS ESCOLARES.

Curso

Prazas vacantes

INFANTIL DE 3 ANOS

22+3*

INFANTIL DE 4 ANOS

4

INFANTIL DE 5 ANOS

3

1º DE PRIMARIA

3+3*

2º DE PRIMARIA

1

3º DE PRIMARIA

0

4º DE PRIMARIA

3

5º DE PRIMARIA

4

6º DE PRIMARIA

3

*Nestes cursos reservaranse 3 prazas paras nenos/as connecesidades específicas de apoio educativo.

·        ÁREA DE INFLUENCIA.

   PERÍMETRO

  • Avenida Manuel del Palacio ( beirarrúa sur).
  • Avenida Fernández Ladreda ( beirarrúa sur).
  • Avenida de Vigo ata Bibiano Fernández Osorio Tafall.
  • Bibiano Fernández Osorio tafall (beirarrúa norte).
  • Pintor Virxilio Blanco ( beirarrúa oeste).
  • Pintor Urbano Lugrís ( beirarrúa norte) dende Pintor Virxilio Blanco.
  • Prolongación de Pintor Urbano Lugrís cruzando a rúa San Brais e atravesando a ponte sobre a circunvalación da autoestrada, deixando a un lado os lugares de A Igrexa ( Salcedo) e o Xistro, estando estes inclídos na área de influencia e deixando Matalobos ao outro lado, quedando excluído.
  • Quedan incluídos neste perímetro os lugares das parroquias de Salcedo, chamados: A Almuiña, A Igrexa(Salcedo), A Ruibal(Salcedo), O xistro, O Carballo do Pazo.
  • Adicionalmente quedan excluídos a Avda. Rosalía de Castro (dende a intersección coa ponte da autoestrada AP-9) e a súa prolongación pola carreteira PO-546 cara Marín (ata límite do Concello) (beirarrúa oeste) e Pontemuíños.      

    MAPAS ZONIFICACIÓN PONTEVEDRA. Para consultar os mapas das diferentes zonas de influencia dos centros do Concello de Pontevedra, pinche na seguinte palabra MAPAS.

    CENTROS ADSCRITOS.

O CEIP San Martiño está adscrito ao IES Gonzalo Torrente Ballester.

ÁREAS LIMÍTROFES.

Son áreas limítrofes deste centri as zonas de influencia do CEIP A Carballeira, CEIP de Cabanas, CEP de Campolongo, EEI Concepci´pon Crespoo Rivas, CEIP Froebel. Non se consideran zonas limítrofes o Concello de Poio nin o de Vilaboa.

 

·        SERVIZOS COMPLEMENTARIOS.

Transporte escolar.

O centro conta con dúas liñas de autobuses: a RUTA 1, que abrangue as paradas da Avenida de Fernández Ladreda e o lugar de A Ruibal e a RUTA 2, que conta con paradas nos lugares de Carballo do Pazo, Carramal, Campo da Porta, San Blas( Lavadeiro de Carrefour), Fontesanta, Praza de Paco Leis, Rosalía de Castro(Chalets marinos), Mollabao(Peluquería Laura Martínez), José Malvar e Poboado de Celulosas.

SOLICITUDE: Para obter unha praza no servizo de autobús deberá solicitarse entre o 20 de xuño e o 31 de agosto de cada ano. 

Comedor.

Está xestionado pola empresa ARUME e o seu horario é de 14:30h a 16:30h.

Plan Madruga.

Está xestionado pola empresa ARUME e o seu horario é de 07.45h a 09:30h, con ou en almorzo.

 

·        OUTRAS INFORMACIÓNS DE INTERESE.

  • Cada alumna e alumno só pode presentar unha única solicitude no centro no que solicite praza en primeiro lugar. A presentación de solicitudes de admisión en varios centros dará lugar a unha infracción que penalizarase coa perda dos dereitos de prioridade que poidan corresponderlle. Ademais, neste suposto, non se terá en conta a solicitude presentada e realizarase a escolarización pola Comisión de Escolarización ou, no seu defecto, polo Servizo Provincial de Inspección Educativa.
  • Será ineficaz aquela solicitude na que se comprobe a falsidade ou uso fraudulento da documentación achegada polo interesado ou interesada. Neste suposto, non se terá en conta a solicitude presentada e realizarase a escolarización pola Comisión de Escolarización ou, no seu defecto, polo Servizo Provincial de Inspección Educativa.
  • Aqueles alumnos e alumnas que teñen garantía de permanencia no noso centro, se presentasen solicitude de admisión noutro centro distinto deberán comunicalo, ao mesmo tempo, ao centro de orixe (este é o caso de todos os alumnos que xa están cursando estudos no noso centro, agás os nenos e nenas de 6º de Educación Primaria).
  • Aqueles alumnos e alumnas que teñen reservada praza no IES Torrente Ballester, se presentasen solicitude de admisión noutro Instituto,  deberán comunicar a renuncia á reserva antes do inicio do prazo de presentación de solicitudes de admisión.
  • No caso de ter que baremar nalgún dos cursos ofertados, pedirase ás familias a documentación acreditativa das circunstancias alegadas para o baremo no prazo comprendido entre o 24 de marzo e o 3 de abril.
  • Publicaranse as listaxes provisionais de admitidos e non admitidos ata o 25 de abril e as definitivas antes do 15 de maio.
  • O prazo para formular reclamacións será de 5 días hábiles contados a partir do día seguinte da publicación das listaxes provisionais.
  • O período de matrícula dos nenos admitidos é do 20 ao 30 de xuño.

 

LISTAXES DEFINITIVAS DE ALUMNADO ADMITIDO

Enviado por placer o Lun, 14/05/2018 - 04:51

PARA CONSULTAR AS LISTAXES DE ADMITIDOS, PINCHE NA SEGUINTE LIGAZÓN: LISTAXES

LISTAXES PROVISIONAIS DE ALUMNADO ADMITIDO

Enviado por placer o Xov, 05/04/2018 - 08:29

Segundo a normativa reguladora do proceso de admisión de alumnado, as listaxes provisionais de alumnado admitido nun centro serán publicadas cada ano antes do 25 de abril.

Tendo en conta ademais que o número de prazas ofertadas nos diferentes niveis educativos foron superiores ao número de solicitudes presentadas, non foi necesario baremar, polo tanto quedan admititidas todas as solicitudes de admisión para o curso 2018-19.

Para consultar as listaxes, pinche na seguinte ligazón:

LISTAXES PROVISIONAIS DE ALUMNADO ADMITIDO CURSO 2018-19

Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.