Nunca esqueceremos este 21 de novembro.
Hoxe foi un día moi especial por dúas razóns. Primeiro porque veu Celtia Figueiras a autora de Lúa quere viaxar a... Marte! e segundo porque acudiu ao noso cole e a desfrutar dos títeres, a clase de 1º de primaria do CEIP Praia Xardín.
Nunca viramos tantos nenos e nenas no noso cole, pasámolo moi ben e ata a choiva nos deixou desfrutar un pouco do patio xuntos.
Tras a adquisición do libro Lúa quere viaxar a...Marte! decidimos completar esta viaxe cun teatro de títeres desta fabulosa historia de Lúa. Gustounos moito e tivemos unha misión importantísima, animar a Lúa a conseguir os seus obxectivos.
Por último, fíxonos moita ilusión que Celtia nos adicara o seu libro, o cal será unha valiosa parte da nosa biblioteca.
PREME NA IMAXE
