O alumnado de 3º e 4º de primaria fixo o 14 de novembro unha saída a Vigo. Primeiro foron ao teatro de Afundación para ver a obra GAIA unha obra de teatro que ten como protagonista a Terra e destaca a importancia do coidado medioambiental.
Pola tarde visitaron a exposición SONORO EMPEÑO, tamén de Afundación, onde, guiados por unha monitora, viron cadros nos que o motivo principal era a música. E remataron a tarde participando nun taller que tiña como obxectivo plasmar nun cadro a música (tratábase de pintar o que quixeran, pero había que facelo ao ritmo da música que sonara nese momento).
Pasárono xenial, o único que non lles gustou foi o tempo: choveu moito ese día, e impediu que puideran correr e xogar no parque de Castrelos tal e como estaba previsto