Dimos peche ao curso académico 22-23 co festival fin de curso. Desexamos agradecer enormemente a colaboración dos membros da ANPA que, como xa é costume, adican desinteresadamente o seu tempo na organización do evento. Tamén a destacar o feito de que foron elas as responsables da elaboración das fotos grupales que lles foron entregadas aos vosos fillos recentemente. Moitas grazas.
Tamén nos gustaría agradecer o grande esforzo realizado para levar a cabo con éxito o festival ás familias, ás titoras e tamén ao alumnado. Sen a colaboración de todos non tería sido posible.
Os rapaces de 4º E.P. cambian de ciclo para o curso que ven e tamén de mestra. A profe Alba elaborou un video montaxe de despedida cos momentos máis sinalados destes dous cursos académicos. Grazas pola vosa implicación¡¡¡
Despedimos con moita tristura ao noso alumnado de 6º de EP que remata a súa etapa no centro. Un grupo estupendo de nenos e nenas, formado por boas persoas cun gran corazón que esperamos que teña todo o éxito do mundo no futuro. Deixámosvos un video montaxe na súa honra elaborado a través de Radio RumorOza.
O prazo de matrícula para o alumnado DE NOVA ADMISIÓN no centro para o curso académico 2023-2024 (alumnado que comeza 4º de Infantil e alumn@s que son novos no centro en outros cursos) ábrese o vindeiro 20 de xuño e concluirá o 30 de xuño de 2023.
A matrícula deberá presentarse na secretaría do centro en horario de 9.30h a 14.30h cubrindo o impreso que aparece na parte inferior desta entrada.
Presentámosvos a penúltima entrega de episodios elaborados polo alumnado de Radio Rumoroza.
Luci Rey e Mario Dopazo, alumnos de 4º E.P. viaxan á época visigoda, onde se atopan cos seus compañeiros Manu e Irene. Posteriormente, Eric e Inés regresan uns centos de anos despois onde coñecen a un pobre campesiño e ao conde que goberna esas terras (coa particpación de Izan e Ángela da clase de 3º E.P)
Manu Ledo e Vera viaxan igualmente á Idade Media, onde coinciden cunha invasión Viquinga e coñecen a Bluetooth e a Lagerta, dous famosos nórdicos representados por Martina e Izan.
Luci Loureda, Daniela e Saúl viaxan á Florencia do ano 1500, alí coñecen a Leo Da Vinci e Michelangelo, representados por Asier e Carlota de 5º E.P. Non é de perder¡¡¡
No día de hoxe, dúas voluntarias da Cruz Vermella achegáronse ao noso centro para guiarnos na prevención e detección temperá da problemática do acoso escolar.
Deixámosvos nesta entrada novos capítulos creados polo noso alumnado de Radio RumorOza.
Os nenos de 4º andan a xogar ca máquina do tempo que construiron os maiores do cole. Neste programa visitan varios momentos da prehistoria. Colaboración especial de Luci, Iván, Enzo, Xoel e Noa, das aulas de 4 e 5 anos.
Por outra banda, Aylín, Manu, e Dani viaxan no tempo ata a época na que os Romanos conquistaron Galicia. Este Podcast conta ca colaboración especial de Antón , Marco e Olivia da clase de 1º de Primaria.
O vindeiro sabado 10 de xuño o Concello de Oza-Cesuras organiza un roteiro nocturno polos petroglifos descubertos recentemente na parroquia de Seselle, entre as 21h e as 00h. A actividade inclúe unha merenda e seguro de balde. Máis info na imaxe inferior.
Publicamos grazas á xentileza e dedicación dos membros da ANPA un vídeo resumo con imaxes das diversas actividades extraescolares organizadas polo Concello de Oza dos Ríos durante este curso académico. Aproveitamos para lembrarvos que estedes atentos durante este mes, xa que en breve sairá a data de matriculación para as actividades extraescolares do vindeiro curso.