RECOMENDACIÓNS EDUCACIÓN INFANTIL DO CEIP PLURILINGÜE DE OCA.

Dado o carácter voluntario da etapa de Educación Infantil, a continuación expoño unha serie de recomendaciós para levar a cabo durante o período establececido de suspensión da actividade lectiva. Son as seguintes:

• Contar obxectos habituais do día a día, animais, elementos naturais (pedras,paus…).
• Buscar e recoñecer os números nos elementos da contorno: calendarios, sinais, carteis…
• Identificar cores.
• Realizar actividades plásticas: cortar, rasgar, cortar papeis, dobrar papeis, plastilina, pintar…
• Buscar formas xeométricas nos obxectos cotiáns: círculo, cadrado, triángulo, rectángulo…
• Comparar e clasificar obxectos por tamaños: grande, mediano e pequeño.
• Sinalar as partes do corpo en sí mesmos e nos demais. Podedes incidir sobre o coidado do corpo e tamén aproveitar para o tratamento da hixiene do corpo.
• Realizar un debuxo da figura humana. Conforme vai aumentando a idade dos nenos, os debuxos serán máis precisos e con máis detalles.
• Facer debuxos libremente e explicar o que debuxaron.
• Lerlles contos, poesías, adiviñas, xogos de palabras…Tamén eles poden contar un conto, xogar a modificar a historia, cambiar o final, inventar un personaxe novo…
• Ofrecerlles diferentes textos escritos sobre todo aos maiores, periódicos, revistas, receitas…
• Recoñecer letras en contos, imaxes…intentar adiviñar que pon, copiar palabras, ler palabras…
• Xogos de mesa, actividades en familia, xogos de movemento: reptar, gatear, saltar, correr…
• Falar moito con eles/elas de temas variados, empregando unha linguaxe normal, non de bebé. Correxilos cando vexades que poden falar mellor ou que empregan palabras que non corresponden ca súa idade.
• Xogar: construccións, pelotas, cartas, puzlles… sobre todo que disfruten.
• Darlles autonomía nas actividades diarias. Son capaces de facer máis cousas das que imaxinamos. Darlles responsabilidades, que axuden nas tarefas diarias.

A continuación déixovos (no arquivo adxunto) unhas ideas por idades do que os nenos/as por idades son capaces de facer.

Un saúdo