Articles

SAMAIN, HALLOWEEN E OUTONO

Estas son algunhas das imaxes de traballos feitos para estas datas de Outono.

le="width:426px;text-align:left;">

O C.E.I.P. "NOSA SEÑORA DOS REMEDIOS" NO CANAL TEA TV

Este xoves 30 de outubro nun programa de Canal Tea, a Televisión de Ponteareas, foi entrevistado o Director do noso colexio. Na entrevista déronse a coñecer os diferentes programas e proxectos de innovación que se traballan no noso Centro durante este curso 2008-09 e que nos sitúan na vangarda da educación galega.

Así temos seccións bilingües en 3º de E. Primaria, un Plan de Mellora da Calidade, o programa PROA e un Proxecto para o uso educativo das Novas Tecnoloxías, que está entre os 10 seleccionados entre todos os presentados por centros de ensino non universitario de Galicia.

SEGUE AS PEGADAS...

Proximamente vai comezar unha nova edición deste xogo en defensa da ecoloxía.

 

ESTADE ATENTOS/AS!!!!!!!

 

Tanto nesta web como no blog do colexio irá aparecendo información sobre o xogo.

Pronto presentaremos á mascota.¿Quen será?

RADIO FALADORA: A Radio escolar do C.E.I.P. "Nosa Señora dos Remedios"

Xa temos nome para a nosa radio: RADIO FALADORA. Este nome foi elixido polo alumnado entre as diferentes propostas feitas por eles mesmos/as.

Este mércores 22 de outubro emitirase para o colexio o 3º programa de Radio Faladora. Confiamos en que guste tanto coma os anteriores.

A RADIO ESCOLAR DO COLEXIO XA É UNHA REALIDADE

Este mércores 15 de outubro a radio escolar do CEIP Nosa Señora dos Remedios emitiu o seu segundo programa para o Colexio. A calidade da emisión xa é alta e a resposta por parte do alumnado está sendo moi positiva. 

Animamos ao alumnado e profesorado a participar nesta nova experiencia.

O C.E.I.P. "NOSA SEÑORA DOS REMEDIOS" SELECCIONADO PARA UN PROGRAMA DE INVESTIGACIÓN DA UNIVERSIDADE

O noso colexio vén de ser seleccionado xunto con outros 22 para participar nun proxecto de investigación que levan profesores da Universidade de Santiago de Compostela da súa Facultade de Ciencias da Educación.

Este programa de investigación busca chegar o deseñar un programa de intervención adaptado ao alumnado estranxeiro e do que se vai beneficiar tamén o demais alumnado.

Coa participación en proxectos como este, o noso Colexio sitúase unha vez máis na primeira liña de innovación.

O C.E.I.P. "NOSA SEÑORA DOS REMEDIOS" CONTA ESTE CURSO TAMÉN CUN PLAN DE MELLORA DA CALIDADE

No Diario Oficial de Galicia de onte aparece a resolución da convocatoria de Plans de Autoavaliación e Mellora da Calidade para os centros de ensino non universitario.

Este ano tamén volveu a ser seleccionado o proxecto presentado polo noso colexio entre os aproximadamente 40 de toda Galicia que van desenvolver un Plan deste tipo neste curso 2008-09. Isto supón un novo pulo ao traballo que se está a facer no colexio cara un ensino público de auténtica calidade.

Temos que destacar que todo o profesorado participa neste Plan polo que está garantido o seu éxito.

O PLAN MADRUGAMOS DA ANPA O LOUREIRO DO CEIP NOSA SRA. DOS REMEDIOS UNHA REALIDADE

A ANPA "O loureiro" do C.E.I.P. "Nosa Señora dos Remedios" puxo en marcha dende o primeiro día de clase deste curso o Plan Madrugamos. Con esta proposta dáselle a posibilidade a que aquelas familias que teñen dificultades para conciliar a vida laboral e a familiar poidan deixar os seus fillos/as antes no Colexio (pagando unha cantidade por recibir este servizo) a cargo dunha persoa contratada para atender a estes nenos/as.

O número de alumnos/as que utilizan este servizo é importante e confiamos en que a andaina deste Plan siga sendo todo un éxito.

 É importante que as familias vos unades á ANPA para traballar polo ben do colexio.

O C.E.I.P. NOSA SEÑORA DOS REMEDIOS SELECCIONADO PARA APLICAR UN PROXECTO DE NOVAS TECNOLOXÍAS

O C.E.I.P. Nosa Señora dos Remedios ven de ser seleccionado como un dos dez centros educativos de Galicia de ensino non universitario nos que se vai aplicar un Proxecto para o uso educativo das Tecnoloxías da Información e da Comunicación, elaborado e presentado polo noso Colexio diante da convocatoria da Consellería de Educación e O.U.

A selección deste proxecto fai que o noso colexio dea un paso de xigante no uso das novas tecnoloxías situándose na vangarda do ensino galego.

Pouco a pouco iremos falando deste importantísimo proxecto. 

No ficheiro adxunto está o proxecto seleccionado. 

 

GRATUIDADE DOS LIBROS DE TEXTO

 

INSTRUCIÓNS SOBRE OS IMPRESOS DE GRATUIDADE.

Alumnado de 1º, 2º, 3º e 4º E.Primaria.

  • 1) DEBERÁN ENTREGAR OS TRES IMPRESOS XUNTO CO CHEQUE NA LIBRARÍA QUE DESEXEN ANTES DO 10 DE XULLO.
  • 2) LEMBREN CUBRIR O RECADRO DOS TRES IMPRESOS ONDE APARECE ESCRITO "DECLARACIÓN DO PAI/NAI TITOR" ANTES DE LEVALOS Á LIBRARÍA.
  • 3) NA PROPIA LIBRARÍA DECIDIREDES SI PREFERIDES QUE VOS TRAIAN OS LIBROS AO COLEXIO O SI PREFERIDES RECOLLELOS VOS MESMOS/AS NO MES DE SETEMBRO. HAI UN CADRO PARA MARCALO.
  • 4) O LIBREIRO/A LLES DARÁ UNHA COPIA SELADA DO IMPRESO QUE DEBERÁN CONSERVAR COMO XUSTIFICANTE DA RESERVA.
  • 5) XUNTO CO CHEQUE HAI UN DÍPTICO QUE CONTÉN INFORMACIÓN PARA O USO DO CHEQUE. NON É NECESARIO ENTREGALO NA LIBRARÍA.

Máis cuestións sobre os libros de texto.

 NOS CURSOS DE 3º E 4º ADEMÁIS DOS IMPRESOS DE GRATUIDADE DEBERÁN MERCAR 2 CADERNOS DE ACTIVIDADES QUE ESTÁN FÓRA DA GRATUIDADE.

Alumnado de 3º. 

-Música 3. Proxecto Século XXI.Editorial Galinova.

-Bugs 3. Activity Book. Editorial Macmillan.

 Alumnado de 4º.

-Música 4. Proxecto Século XXI.Editorial Galinova.

-Bugs 4. Activity Book. Editorial Macmillan.

Alumnado de 5º e 6º.

OS ALUMNOS DE 5º E 6º RECIBIRÁN OS LOTES DE LIBROS CANDO SE INCORPOREN Á ESCOLA NO MES DE SETEMBRO.

UNICAMENTE DEBERÁN MERCAR OS SEGUINTES CADERNOS:

Quinto Curso:

-Música 5. Proxecto Século XXI.Editorial Galinova.

-Bugs 5. Activity Book. Editorial Macmillan.

Sexto curso:

-Música 6. Proxecto Século XXI.Editorial Galinova.

-Bugs 6. Activity Book. Editorial Macmillan