CEIP Plurilingüe Nosa Señora da Piedade

Segundo o disposto na  Orde. do  12 de marzo do 2013 ( DOG 26/12/2012) , pola que se regula o proceso de admisión de alumnado en centros sostidos con fondos públicos, ábrese o prazo para a solicitude de admisión de matrícula neste centro, de acordo coas seguintes normas:

   Os alumnos que queiran SOLICITAR PRAZA NESTE COLEXIO POR 1ª VEZ, poderán facelo  na Secretaría do Centro do 1 ao 29 de marzo  de 9:00 a 13:00h.

-          DOCUMENTACIÓN.

1.      Instancia a cubrir no centro.

2.      Fotocopia do DNI dos pais ou titores legais.

3.      Fotocopia do Libro de familia (de todas as páxinas cubertas).

4.      Certificado de minusvalía, se é o caso.

5.      Certificado de empadroamento expedido polo Concello.

6.      Certificación médica de que o neno/a está ben vacinado/a e non ten enfermidade contaxiosa.

7.      Fotocopia da Tarxeta Sanitaria.

8.      Dúas fotografías tamaño carné.

  ADEMAIS:

9.      A solicitude terá que estar asinada por calquera das/dos titulares da patria potestade ou representantes legais.

No caso de separación ou divorcio será necesaria a sinatura de ambas/os proxenitoras/es, agás que a patria potestade estea atribuída, con carácter exclusivo, a un deles. En ambos casos, será necesario presentar, xunto coa solicitude de admisión, a resolución xudicial correspondente para o seu cotexo polo centro educativo.

10.  Certificado do centro do que proceden no que conste o ano e ciclo que cursou ( só aqueles que fagan un traslado de colexio)

¨       O alumnado que xa está escolarizado neste centro e que quere continuar nel os seus estudos para o vindeiro curso, non terá que facer reserva de praza.

II  CONCURSO DE FOTOGRAFÍA

BASES DO CONCURSO:

·         TEMA do concurso: a VEXETACIÓN

·         PARTICIPANTES: poderán participar como autores/as das fotografías tódolos nenos/as matriculados en 3º, 4º, 5º e 6º curso de educación primaria deste centro.

SÓ SE PODE  PRESENTAR UNHA FOTOGRAFÍA POR ALUMNO/A

·         EXCLUSIÓNS:

-          Solo se admitirán fotos realizadas polos nenos/as:o xurado poderá descartar aquelas nas que se aprecie indicios de que foran realizadas por un adulto.

-          Non se admitirán fotomontaxes ou fotografías manipuladas máis alá  do que se considera un revelado dixital convencional (axuste de niveis, cor, enfoque)

-          As imaxes con lemas ou nomes sobreimpresos tamén serán descartadas.

-          Non se admitirán fotos nas que aparezan rostros de persoas.

·         FORMATO E PRESENTACIÓN:

-          Formato dixital: un arquivo por concursante, remitido por correo electrónico en formato .jpg á dirección: ticspiedade@gmail.com  

 No Asunto do e-mail deberá figurar “Concurso de fotografía 2016” e no Texto indicaráse claramente : nome,apelidos, curso e o lema (título) da foto, o cal deberá coincidir co nome do arquivo remitido.

-          Traela nun prendrive(pen)/memoria USB e entregarllo á titora.

-          Impresa en papel fotográfico ou nun folio.

·         CALENDARIO: só se admitirán fotografías recibidas ata o venres 20 de maio. As fotografías serán expostas na páxina web do centro.

·         XURADO: estará integrado por tres persoas entre as que figurará un representante do equipo de Tic´s do centro, un membro do claustro e un membro do persoal non docente do centro.

Os membros do xurado recibirán as fotos vía e-mail e valorarán cada una delas de 0 a10 puntos. As fotografías gañadoras serán as que maior puntuación obteñan do resultado da suma das tres valoracións.

·         PREMIOS: Haberá tres premios.

·         CESIÓN DE  DEREITOS DAS IMAXES: A participación neste concurso supón a cesión por parte dos autores das imaxes e/ou titores legais ao CEIP Nosa Señora da Piedade dos dereitos de uso e exposición para fins divulgativos das actividades realizadas no centro escolar.

                                                                    Vila de Cruces, a 11 de febreiro de 2016.

A vindeira semana celebraremos no colexio a tradición do Meco, sendo a participación voluntaria. As encomendas son acumulativas para ir completando pouco a pouco o noso disfraz de ESPANTALLO.

“Dona Mercedes e Don Senén

mándannos obedecer as súas ordes

se o queremos pasar ben.”

 O luns,  para a tradición do Meco non perder,

un calcetín de cada cor, ó colexio debes traer.

O martes, para o noso disfraz seguir,

con zapatos de diferentes cores, debes vir.

O mércores, no medio da semana de entroidada,

os Mecos dinche que toca chaqueta remendada.

O xoves, para vir

ben combinado,

trae o teu pantalón

remendado.

O venres, para o ESPANTALLO completar,

un sombreiro na cabeza debes colocar.

E se che gusta a cara podes pintar.