BENVIDA
No CEIP Mosteiro-Bembrive ofertamos un modelo de ensinanza afectiva e acolledora, aberta á comunidade, inclusiva, motivadora e participativa, coa finalidade de que, día a día, o noso alumnado experimente multitude de vivencias que lles permitan medrar como persoas con valores.
BENVIDOS/AS Á NOSA ESCOLA!
Datos Xerais
Datos xerais
Enviado por Anónimo o Lun, 22/09/2014 - 19:31  |
|
| Enderezo: | Estrada de Bembrive, 161 (Mosteiro) |
| Localidade: | Bembrive |
| Código Postal: | 36214 |
| Concello: | Vigo |
| Telefono: | 886120216/17 |
| Correo electrónico: | ceip.mosteiro.bembrive@edu.xunta.es |
| Coordenadas GPS | 42.206118, -8.6924 |
A actividade do centro pretende o pleno desenvolvemento da personalidade humana, o respecto aos dereitos e liberdades individuais, a coeducación, a defensa e conservación do medio ambiente e as peculiaridades socioculturais galegas.
A participación activa dos membros da comunidade educativa está reforzada polo funcionamento de comisións mixtas nas que se integran pais/nais, profesorado e alumnado para organizar diversas actividades coma a Festa de Aniversario en Educación Infantil, a biblioteca, a horta escolar…
Impártese inglés a partir dos tres anos.
Saídas escolares dentro do Plan de Actividades Complementarias en todos os niveis e, colonias, a partir de tres anos, a distintos lugares de Galicia pasando dunha a tres noites segundo a idade.
Programación de festas anuais: Magosto, Nadal, Paz, Entroido, Letras Galegas, Fin de curso, cumpres de Infantil, Graduacións infantil e primaria. Biblioteca escolar e actividades semanais de formación de usuarios/as e animación á lectura. Equipo de Novas Tecnoloxías e Plan de tratamento das TICs. Departamento de Orientación e actividades de desenvolvemento do Plan de Acción Titorial e de Convivencia.
