As vacacións de Nadal comprenden do 21 de decembro de 2019 ao 7 de xaneiro de 2020, ambos inclusive. O venres día 20 non haberá servizo de biblioteca.

Desde O CEIP Plurilingüe Monte dos Postes desexámosvos un moi Bo Nadal.

Estimadas familias:

 O día 12 de decembro está convocada unha Folga de persoal docente.

 1. O colexio abrirá as súas portas en aplicación da Orde da Xunta de servizos mínimos, polo que vostedes poderán exercer o dereito de enviar aos seus/súas fillos/as á escola.

 2. Non se pode garantir que se impartan as aulas de xeito normalizado, porén manterase a vixilancia e coidado dos/das menores de idade que acudan ao centro.

 Independentemente dos prexuízos que esta medida pode causar nas familias o exercicio á folga é un dereito recoñecido pola nosa Constitución (art. 28.2).

 O servizo de transporte e comedor funcionarán con normalidade.

 Un saúdo,

 A dirección do Centro.

Estimadas familias:

A partir do luns 25 de novembro non se poderá acceder co coche á explanada superior do centro. A zona de aparcamento quedará restrinxida ás prazas que existen na pendente de entrada. Esta restrición afectará a calquera vehículo particular durante todo o día.

A dirección do centro toma esta medida xa que o grande volume de vehículos que circula no centro non nos permite garantir a seguridade dos peóns. O espazo de aparcamento, polo tanto, verase reducido. Recoméndase aparcar fora do recinto escolar sobre todo pola tarde. Lémbrase que a porta que dá as Cancelas estará aberta de 16.00 a 18.30 horas.

Un saúdo,

Equipo Directivo.

Estimadas familias:

O Departamento de Educación do Concello de Santiago de Compostela ten previsto a realización dun programa de conciliación laboral e familiar no período das vacacións de Nadal 2019 (días 23, 24, 26, 27, 30 e 31 de decembro de 2019 e o 2, 3 e 7 de xaneiro de 2020). Este programa comprende a realización dun conxunto de actividades a desenvolver nas instalacións do CEIP Monte do Postes e do CEIP Ramón Cabanillas destinadas á poboación escolarizada en educación Infantil e Primaria do municipio de Santiago de Compostela.

A continuación adxúntase a información e a folla de inscrición. (Lembrade que a folla de inscrición debe achegarse ao Rexistro Xeral do Concello).

Información

Folla Inscrición

Estimadas familias:

O xoves, 31 de outubro, é o día do Ensino que figura como día non lectivo no calendario escolar deste curso 2019-2020. O venres, día 1 de novembro é festivo xa que é o día de Todos os Santos.

Un saúdo.

Estimadas familias:

O vindeiro martes día 22 de outubro en horario de 16.30 a 18.30 horas poderá visitarse unha exposición fotográfica de Xosé Mosquera Pérez, coñecido como "O vello dos contos". Foi unha figura sacada da carballeira de Santa Susana. Foi unha figura clave do galeguismo.

Un saúdo.

Estimadas familias:

Hoxe, 1 de outubro de 2019, comezan con normalidade as Actividades Extraescolares programadas pola ANPA. Todas as actividades, agas Balonmán e o grupo de Robótica de 1º a 3 de primaria, conseguiron alumnado suficiente para poderense levar a cabo.

Un cordial saúdo,

ANPA.

Estimadas familias:

Está aberto o prazo para a presentación de becas para o alumnado con Necesidade Específica de Apoio Educativo (NEAE) desde o 28 de xullo de 2019 ata o 26 de setembro de 2019.

Enlace á páxina do Ministerio de Educación