O CEIP de Laredo é un dos doce centro educativos galegos seleccionados para participar no concurso-programa radiofónico do Ecopreguntoiro de Ecovoz da emisora Radio Voz. Este espazo, emitido para toda Galicia, intenta educar a poboación nos valores do respecto e compromiso na protección do medio ambiente, para mellorar o noso benestar e calidade de vida, e contribuír ao desenvolvemento sostible.

Ao longo de catro programas eliminatorios, os nosos alumnos de 6º de educación primaria, medirán con outros escolares os seus coñecementos e lanzarán diversos ecoconsellos cos que mellorar o coidado da nosa contorna. Os nosos alumnos serán tamén embaixadores do Concello de Redondela posto que explicarán a riqueza da biodiversodade do noso concello destacando o paraxe único da Enseada de San Simón que recomendarán visitar aos radioíntes de toda Galicia.

Maís info:

• http://www.sogama.es/es/programa/ecovoz
• http://www.lineaverderedondela.com/