Celebración dos Maios 2011
O día 9 de maio os nenos e nenas do ceip Labarta Pose trouxeron moitas flores fermosas e fiúncho para facer dous Maios. Pola mañá os cativos de infantil foron buscar máis fiúncho nos campos dos arredores do colexio.
Os rapaces de infantil e de 1º ciclo fixeron un, e os rapaces de 2º e 3º ciclo fixeron outro. Como nos sobraba aínda moitas flores e fiúncho, os de infantil tamén elaboraron unha alfombra floral.
Ao rematar todos os cursos leron poemas sobre os Maios.
Aquí vos deixamos unhas cantas fotos para ilustrar este día tan floreado.
