D.O

.


 


 

TEST DE INTELIXENCIAS MÚLTIPLES

A Teoría das Intelixencias Múltiples foi desenvolta polo psicólogo Howard Gardner para contrarrestar o paradigma dominante da intelixencia única. Segundo Gardner, a intelixencia é a capacidade que temos cada un de nós para resolver problemas cotiáns ou para ofrecer servizos dentro do propio ámbito cultural. Para el trátase dunha destreza que, en parte, vén marcada xeneticamente, pero que á súa vez se pode desenvolver. As nosas capacidades pódense potenciar dunha maneira ou doutra dependendo do medio ambiente, as nosas experiencias, a educación recibida, etc. 

A partir de aquí Howard Gardner desenvolveu a súa famosa teoría das Intelixencias Múltiples. O desenvolvemento humano está vinculado a varias intelixencias que non poden entenderse como un conxunto unitario de pensamento, senón como unha rede de conxuntos autónomos que poden relacionarse entre si. Esta teoría explícanos que non temos unha soa capacidade mental, senón varias, concretamente oito intelixencias múltiples, aínda que esta cifra pode variar conforme avancen as investigacións. 

Preme na seguinte imaxe se queres realizar o test de intelixencias múltiples.

 

 

 

COMPRENDENDO O AUTISMO

Presentación elaborada por Arasaac para dar a coñecer á poboación as necesidades e características do autismo. Trátase dun material que pode ser de utilidade para formar e sensibilizar ao alumnado.

 

 

DESCARGA EN PDF

 


 


PALABRAS CLAVE PARA RESOLVER PROBLEMAS MATEMÁTICOS

Nas matemáticas, a capacidade de ler e comprender o que nos expón un problema, é tan importante como as habilidades básicas de suma, resta, multiplicación e división. Os alumnos deben ser introducidos aos verbos clave ou palabras de advertencia, que aparecen frecuentemente nos problemas de matemáticas e a práctica de resolución de problemas que utilizan estes termos.

A continuación achégase unha táboa con algunhas palabras clave que adoitan a aparecer en moitos problemas matemáticos.


 DESCARGA EN PDF

 


 

 

Despacio me tranquilizo

 

Un bo recurso para acadar o autocontrol dos nosos impulsos é o traballo  de César García Rincón de Castro e Celia del Barco Canales, co que a través dunha canción aprenderemos a canalizar as nosas perrenchas. A letra é a seguinte:

Respiro muy deprisa cuando me enfado

si me tranquilizo respiro más despacio.

Hablo muy deprisa cuando me enfado

si me tranquilizo hablo más despacio.

Y cuando me enfado…

1 2 3 4 5 6 7 8 9 10

yo me tranquilizo

Si vuelvo a enfadarme…

1 2 3 4 5 6 7 8 9 10

sé tranquilizarme.

Ando muy deprisa cuando me enfado

si me tranquilizo ando más despacio.

Me duele la cabeza cuando me enfado

si me tranquilizo se me va pasando.

Y cuando me enfado…

1 2 3 4 5 6 7 8 9 10

yo me tranquilizo

Si vuelvo a enfadarme…

1 2 3 4 5 6 7 8 9 10

sé tranquilizarme.

Pierdo los papeles cuando me enfado

si me tranquilizo los voy encontrando.

Salen mal las cosas cuando me enfado

si me tranquilizo mejora el resultado.

Y cuando me enfado…

1 2 3 4 5 6 7 8 9 10

yo me tranquilizo

Si vuelvo a enfadarme…

1 2 3 4 5 6 7 8 9 10

sé tranquilizarme. 

Respiro muy deprisa cuando me enfado

si me tranquilizo respiro más despacio.

 


 

Becas para alumnos con necesidade específica de apoio educativo

O MEC abriu o prazo de solicitude a becas para alumnos con necesidade específica de apoio educativo dende o 15 de agosto ata o vindeiro 27 de setembro. Pódese acceder á plataforma online para consultar as bases así como para formalizar a solicitude na seguinte ligazón:

acceso ao servizo online

 

 Tipos de axudas que se convocan:

a) Axudas directas para o alumnado, incluíndo ao afectado por TDAH (trastorno por déficit de atención por hiperactividade), que requira por un período da súa escolarización ou ao longo de toda ela, determinados apoios e atencións educativas específicas derivadas de discapacidade ou trastornos graves de conduta.
b) Subsidios por necesidades educativas especiais derivadas de discapacidade ou trastorno grave de conduta para familias numerosas.
c) Axudas para programas específicos complementarios á educación regrada para alumnado con necesidade específica de apoio educativo asociado a altas capacidades intelectuais.

 

Consellos para este curso

Pedro J. Cifuentes compartiu na súa páxina http://krispamparo.tumblr.com este fantástico traballo en Visual Thinking onde propón unha serie de consellos para comezar con bo pé este novo curso.

consellos para este curso

 

 

 

DISLEXIA

A dislexia é un trastorno da aprendizaxe da lectoescritura, de carácter persistente e específico, que se dá en nenos que non presentan ningún impedimento físico, psíquico nin sociocultural e cuxo orixe parece derivar dunha alteración do neurodesenvolvemento.

A clave está no diagnóstico axeitado no momento preciso. Necesítase que o neno teña algúns coñecementos sistemáticos sobre a linguaxe, lectura e escritura para estar seguros que é dislexia. Ten que avanzar na escolarización, polo menos ata segundo ou terceiro grao.

Segundo o CIE-10, os disléxicos manifestan de forma característica dificultades para recitar o alfabeto, denominar letras, realizar rimas simples e para analizar ou clasificar os sons. Ademais, a lectura caracterízase polas omisións, substitucións, distorsións, investimentos ou adiccións, lentitude, vacilacións, problemas de seguimento visual e déficit na comprensión.

Na páxina de Educación 3.0 hai numerosos recursos para traballar os problemas específicos da dislexia. Entre outros cabe destacar a app para dispositivos móbiles DytectiveU lanzado pola empresa Change Dyslexia.

 

21 de Marzo, Día Mundial do Síndrome de Down

Para celebrar o Día Mundial do Síndrome de Down este ano, DOWN ESPAÑA lanza ‘"Auténticos"’, a súa nova campaña para aumentar a visibilización das persoas con esta discapacidade intelectual e, desta forma, mellorar a súa inclusión social.

Esta campaña busca reflectir a autenticidade das persoas con síndrome de Down, a súa naturalidade e espontaneidade. O auténtico é o que non ten imitación, o xenuíno, o que se mostra tal e como é, sen artificios. Os protagonistas expoñen o seguinte: " Non somos un bicho raro, non somos enfermos, somos persoas" . "Sen medo ao diferente, ao descoñecido". " estamos aquí para loitar xuntos cara ao futuro".

Por outra banda, en Youtube xurdiu unha bonita iniciativa na que 50 nais cantan no coche xunto aos seus fillos para apoiar o Día Mundial do síndrome de Down. Nais e fillos cantan xuntos o tema "A thousand Years", de Christina Perri, e fano en makaton, un sistema de comunicación que combina a linguaxe de signos coa voz falada. Moitas das nais do grupo aprendérono vendo vídeos de Singing Hands, que aplican terapia musical para mellorar a comunicación con nenos con diferentes minusvalías.


 

8 de Marzo Día da Muller Traballadora

A piques está a chegar o día 8 de marzo, unha xornada especial porque representa a loita das mulleres en todo o mundo en conmemoración do cabodano da morte de 146 mulleres obreiras na fábrica de textil Cotton, en Nova Iorque, por defenderen os seus dereitos. Morreron calcinadas nun incendio provocado por bombas incendiarias que lles lanzaron por negarse a abandoar o encerro que fixeran na fábrica para protestar polas pésimas condicións laborais ás que as sometían. Entre as súas reclamacións estaban: reducción da xornada a 10 horas, descanso dominical e igual salario por igual traballo ca os homes.

En homenaxe a aquelas traballadoras do téxtil, as mulleres militantes europeas fixaron o día 8 de Marzo como Día Internacional da Muller Traballadora.

No noso centro educativo a través dos diferentes plans educativos traballamos por unha educación en valores co fin de lograr unha sociedade máis igualitaria e xusta que rompa cos derroteiros de desigualdade e preveña contra a violencia exercida cara ás mulleres.

Nas seguintes ligazóns pódense descargar algúns recursos, dirixidos aos alumnos de Educación Infantil e Primaria, para traballar estes días de cara ao día da Muller Traballadora.

 Caderno de educación en valores "Nosoutras creamos mundo" (Infantil-primaria)

 

Unidade Didáctica ·El juego y el juguete" (Educación Infantil)

 

Unidade Didáctica "Las personas trabajan" (Educación Infantil)

Unidade didáctica "O conto da nena que quixo contar outra historia" (primaria)

Unidade didáctica "Coeducación desde la corresponsabilidad paterna" (infantil-primaria)

 

Emotiva carta dunha nai a súa familia cansa xa de ser a "raíña" da casa. Carta dunha nai a súa familia (5º-6º curso de primaria)


 

 

Distribuir contido