Plan proxecta

Hoxe 18 de maio é o DÍA INTERNACIONAL DOS MUSEOS...o grupo de EXPERIMENT-4º estivo pescudando sobre 3 pezas do Museo das Peregrinacións en Santiago de Compostela...e co gallo da celebración aproveitou para facer unha visita virtual do museo....aquí deixamos a proposta da actividade. 

 Carmen 4º EP

O grupo de EXPERIMENT-4º seguindo coas actividades propostas para O Camiño creou na área de Educación Plástica uns "mandalas" con diferentes símbolos do Camiño, aquí deixo a proposta e algunha foto dos que foron chegando!!!!.

O grupo de 5º de Educación Primaria propuxo unha actividade co mesmo producto final pero un enfoque matemático, aquí deixamos a segunda proposta:

Os DULCELOCOS están traballando arreo durante este confinamento....a súa mestra elaborou unha serie de actividades interactivas para que nestes días as tic sexan unha boa ferramenta de aprendizaxe sobre O CAMIÑO. 

Aquí tedes unhas fotiños dos DULCELOCOS trballando cos seus dispositivos!!!!!

O VT (pensamento visual) é unha metodoloxía que consiste en manipular e expresar ideas por medio de debuxos simples e sinxelos e recoñecer creando entre eles conexións por medio de mapas mentais co obxectivo de entendelas mellor, identificar problemas/solucións, simular procesos ou xerar novas ideas.

No espazo do Camiño de Santiago do cole, comezamos a realizar un mural nos vidros das fiestras do corredor coas etapas do Camiño Portugués dende A Guarda, empregando a técnica do Visual Thinking. 

No espazo de información do Camiño de Santiago no primeiro andar do cole xunto a aula de EXPERIMENT-4....tedes un pequeno recuncho no cal saber máis cousiñas sobre o Camiño de Santiago....algunhas destas cousiñas que podedes atopar son traballos voluntarios dos alumnos/as.

IRIA : 4º EDUCACIÓN PRIMARIA (Monumentos de Baiona).

TANIA FERNÁNDEZ: 4º EDUCACIÓN PRIMARIA (Historia de Baiona).

CLAUDIA : 4º EDUCACIÓN PRIMARIA (O Camiño Inglés).

A mestra Gema de Educación Musical realizou esta actividade para os alumnos/as de Educación Infantil e 1º e 2º Primaria.

Trátase de escoller un número e ir respostando as preguntas...relacionadas co CAMIÑO DE SANTIAGO...se non as responden farán un RETO....siiiii....un RETO....cantar unha canción, facer ritmos con palmas, bailar estilo charlestón....

  A nosa mestra de Educación Musical, Gema, realizou un KAHOOT sobre a "Música no Camiño" para os cursos de 3º, 4º, 5º e 6º de Educación Primaria, aquí deixamos o seu enlace,  podedes empregar a tablet, o teléfono, ordenador de mesa.....e xogar en equipo, en familia, individual....onde poderedes amosar os vosos coñecementos sobre algo tan importante tamén no camiño como é a MÚSICA, de seguido os pasos para facelo: 

-pincha no enlace.

https://create.kahoot.it/share/a-musica-no-camino-de-santiago/0d888456-1db0-498c-ab68-62ace730903f

-pincha en  Play as guest 

-pincha Classic ( un dispositivo por persoa) ou ben Team Mode ( varias persoas para o mesmo dispositivo).

- Introduce o código numérico no teu dispositivo (podes descargar antes KAHOOT no dispositivo ou ir a páxina de KAHOOT  e picar en  Play 

- Introduce o teu nome de xogador ...e a xogar aprendendo!!!!!!!

Na aula de infantil DULCELOCOS decoran a súa asamblea cos símbolos máis importantes do Camiño de Santiago: cabazas, cunchas, fitos.....cada mañán vístense de peregrinos para pasar lista!!!!!!.

Diante da aula de 4º de Educación Primaria, EXPERIMENT-4º,tedes un lugar onde poder coñecer máis cousas do Camiño Portugués : mapas, rutas,símbolos,fotos, as etapas do Camiño Portugués dende a Guarda, traballos voluntarios feitos polos alumn@s....será o que alí atoparedes. 

Neste Entroido 2020 o grupo de 4º de Educación Primaria, EXPERIMENT-4º, foi de Peregrino.

Aquí podedes ver unhas fotos do día e do proceso de elaboración do mesmo.