Última xornada dos OBRADOIROS DE IGUALDADE pola ANPA do noso centro.
Nesta xornada o alumnado de 1º,2º e 3º de primaria estivo a traballar no obradoiro ilustrando a igualdade.
O alumnado de 4º, 5º e 6º de primaria estivo a realizar un role play mediante o cal descubriron que significa o teito de cristal e as dificultades que moitas mulleres, aínda a día de hoxe, teñen para conseguir traballar e vivir en igualdade de condicións que os homes, especialmente nalgúns campos laborais.
Sen dúbida é un remate xenial para esta semana adicada ao 25 de novembro e ás diferentes situacións e violencias existentes na nosa sociedade, moitas delas, camufladas inocentemente no noso día a día.
Grazas a ANPA e ao Pequeno Besbello por esta oportunidade para as nosas nenas e nenos!
