Skip to Content

PAISAXE E SUSTENTABILIDADE 2021-2022-2023

Loita contra a Emerxencia Climática - COMANDO CAMBIO

Ven, 19/11/2021 - 20:00 — CEIP Plurilingü...

Durante 2 sesións no mes de novembro, o alumnado estivo a participar nunhas charlas organizadas polo CEIDA, chamadas:

 

Afronta o Reto: Loita contra a Emerxencia Climática (Programa Para unha Transición Ecolóxica)

Afronta o Reto: Loita contra a Emerxencia Climática

Os obxectivos destas charlas eran os seguintes:

  • Entender as problemáticas das cales deriva a emerxencia climática e como esta nos afecta.
  • Dar a coñecer os escenarios futuros nos que nos poderiamos atopar de non comezar a actuar de contado.
  • Coñecer as ferramentas que posuímos para mitigalo e revertelo individualmente e como sociedade.

Fotografía da 1º sesión da charla: Porque estamos en emerxencia climática?

Fotografía da 2º sesión da charla: Calculamos a nosa pegada ecolóxica

FORMACIÓN EN SOSTIBILIDADE

Mér, 03/11/2021 - 20:00 — CEIP Plurilingü...

Este xoves comezamos a formación do profesoado en sostibilidade. Traballamos a regra das 3R, a economía circular e a compostaxe como ferramentas para por en marcha o proxecto de centro "CENTRO RESIDUOS CERO". É un proxecto a longo prazo e moi ambicioso, no que pouco a pouco tentaremos reducir os nosos residuos a cero, para así por o noso gran de area para o coidado do mediambiente e para facer comprender aos futuros adultos a importancia de coidar o mundo no que vivimos.

Tivemos dous relatores de luxo, GONZALO e CHIQUI, que nos mostraron todas as iniciativas que desenvolven nos seus centros dende fai anos e que sen dúbida puxeron as nosas cabezas a funcionar.

Algúns dos recursos que nos deixaron GONZALO E CHIQUI, MOITAS GRACIAS POLA VOSA EXPERIENCIA!

GOING GREEN!

Lun, 25/10/2021 - 09:44 — CEIP Plurilingü...

No cole este curso queremos dar un paso máis, e si, as nosas pequenas e pequenos son grandes expertas e expertos en reciclaxe, así o demostrou o alumnado de 1º a 6º de primaria que participaron nas charlas que recibimos este xoves sobre as 3R (reducir, reusar e reciclar) así como realizar compostaxe, algo que pronto comezaremos a facer no centro dentro do proxecto do comedor "Comedor residuos 0".

Alumnado de 1º, 2º e 3º de primaria

Alumnado de 4º, 5º e 6º de primaria

SEGUIMOS TRABALLANDO NO NOSO HORTO ESCOLAR

Lun, 27/09/2021 - 19:00 — CEIP Plurilingü...

Hoxe foi o alumnado de 1º, 2º e 3º de primaria as/os encargadas/os de ir ao horto buscar o resultado do que plantamos o curso pasado. As tomateiras seguen a darnos uns tomates riquísimos e as leitugas xa estaban listas, polo que no comedor ese día xa probamos as dúas cousas na nosa ensalada mixta. As ensaladas saben moito mellor se as plantamos nós!

A NOSA HORTA ESCOLAR

Mar, 04/05/2021 - 05:47 — CEIP Plurilingü...

Xa temos en marcha o noso invernadoiro escolar dende fai unhas semanas e non podemos estar máis contentas e contentos! Se queredes botar un ollo ao que andamos a facer nel iremos colgando imaxes e novidades das nosas plantiñas!

 

 

O OUTONO CHEGOU AO COLE!

Mar, 27/10/2020 - 20:00 — CEIP Plurilingü...

Continuamos durante este mes de outubro desfrutando do outono e estivemos a realizar moreas de actividades máis relacionadas con esta estación.

Este curso estamos a participar de novo no Plan Proxecta de paisaxe e sustentabilidade polo que todas as actividades que realizamos están relacionadas sobre a paisaxe da nosa contorna, analizando como cambia ao longo desta estación.

O alumnado de educación infantil, xunto co proxecto de Van Gogh e arte no que están a traballar durante o primeiro trimestre, fixeron as súas propias obras de arte pintando con témperas unha paisaxe dun bosque de outono con todos os seus elementos: árbores, follas, campos, ceo...

Tamén realizamos saídas escolares pola paisaxe, aproveitando todo o que temos ao noso arredor. O alumnado de primaria acudíu facendo unha camiñata ao muíño do noso compañeiro Martín, e o alumnado de Infantil non ía ser menos, e fixo a súa saída á preciosa Aula da Natureza que temos no noso concello. Alí collemos moreas de follas, de diferentes árbores, castañas, landras, flores...

E que fixemos con todos estes elementos da natureza? Contáronnos en clase que hai un tipo de arte que se chama land art, e aínda que non puidemos influir tanto no entorno como se fai nesta corrente de arte, xa que somos un pouco pequeniñas e pequeniños, decidimos facer mini-arte e creamos os nosos propios mandalas!

 

O muiño de Martín e senderismo polas paisaxes de Toques - PRIMARIA

Xov, 08/10/2020 - 19:00 — CEIP Plurilingü...

Comezamos o outono, unha das estacións que máis nos gustan no centro por todos os cambios que vemos na nosa paisaxe e ao noso arredor. Este ano aínda cobra máis importancia pola volta ao cole despois de moitos meses sen poder estar todas e todos xuntos e tamén pola situación sanitaria que aínda estamos a vivir, na que a seguridade e hixiene esta sempre nun primeiro plano. Pero a pesar disto, e mantendo sempre todas as medidas precisas para garantir a seguridade de todas e todos os participantes nas actividades, non queremos deixar pasar esta estación sen desfrutar dela como se merece, polo que vamos a realizar ao longo do mes diferentes actividades: saídas pola contorna para coñecer a nosa paisaxe e as cousas que temos na nosa vila, actividades na biblioteca escolar, celebración nas nosas aulas e biblioteca do Magosto e Samaín...

Este venres demos a saída a estas actividades con unha visita na que visitamos o precioso muiño do noso compañeiro Martín de 4º de primaria que, xunto ao seu pai, foron os nosos relatores e guías durante toda a visita.

Explicáronnos unha morea de cousas: como se fai a fariña, o funcionamento do muiño coa forza da auga do río, curiosidades sobre como era antes a vida e o traballo nos muiños, como se xeraba electricidade para as bombillas que había no lugar...

Aprendemos moitísimo e pasamolo xenial no camiño de ida e de volta atopando castañas, contando contos e, en definitiva, compartindo unha xornada diferente xuntas e xuntos. 

Moitas grazas Martín e familia polo gran día que nos fixéstedes pasar! 

SE PREMEDES EN GALERÍA PODEREDES VER MÁIS FOTOS DA XORNADA. 

Distribuir contido


by Dr. Radut