AXUDAS EN RELACIÓN COS LIBROS DE TEXTO E MATERIAL ESCOLAR

CURSO 2024/2025

Informamos que xa poden solicitar as axudas en relación cos libros de texto e material escolar para o curso 2024/2025 (ORDE do 7 de maio de 2024, publicada no DOG do 20 de maio):

TIPOS DE AXUDAS SEGÚN OS CURSOS

*1º e 2º de E.P. poderán solicitar axudas para a adquisición de libros de texto e de material escolar.

*3º e 4º de E.P. poderán solicitar o préstamo de libros e a axuda para a adquisición de material escolar.

*5º e 6º de E.P. poderán solicitar axuda só para a adquisición de material escolar (xa que están incluídos no proxecto E-DIXGAL e non utilizan libros impresos).

SOLICITUDES

*Terán que cubrir os impresos (Anexos I e II) na aplicación Fondolibros https:/www.edu.xunta.es/fondolibros. Poden cubrilos directamente na aplicación ou imprimilos e cubrilos manualmente.

*As axudas serán solicitadas polos pais, nais ou representantes legais do alumnado.

*Presentarase unha única solicitude para todos os fillos que estean no mesmo centro para o curso 2024/25 (si se fai por vía electrónica presentarase unha solicitude para cada alumno/a).

*As solicitudes serán asinadas polo pai, nai e resto dos membros da unidade familiar computables para os efectos de renda (exercicio fiscal do ano 2022), excepto nos casos de separación ou divorcio, nos que asinará o proxenitor que teña a custodia do menor. Nos casos de custodia compartida asinarán os dous proxenitores.

PRESENTACIÓN DE SOLICITUDES

*Dúas opcións:

-Presentación no colexio: terán que imprimir os dous anexos, asinar nos apartados correspondientes e aportar tamén a documentación solicitada.

-Presentación na Sede Electrónica da Xunta de Galicia, xunto coa documentación.

*O prazo de presentación é ata o día 21 de xuño.

Para evitar aglomeracións establécense uns días para cada nivel (teñan en conta que se refire aos niveis do vindeiro curso). Rogamos que na medida do posible se axusten ás datas establecidas, en horario de secretaría (10,50 h. a 11,40 h.) En casos de irmáns poderán escoller o día que lles vaia mellor.

DOCUMENTACIÓN OBLIGATORIA

*Copia do libro de familia no cal figuren todos os membros da unidade familiar.

*No caso de non ter libro de familia ou cando a situación familiar, a 31 de decembro de 2022, non coincida coa reflectida no libro, terá que presentarse documentación acreditativa do número de membros da unidade familiar, tales como:

-Sentenza xudicial de separación ou divorcio e/ou convenio regulador onde conste a custodia do causante.

-Certificado ou volante de convivencia.

-Informe dos servizos sociais ou órgano equivalente do concello de residencia, que acredite a situación familiar.

Estimadas familias:

Desde o pasado día 30 de abril e ata o vindeiro 13 de setembro estará aberto o prazo para a presentación de solicitudes das Becas e axudas para o alumnado NEAE (Necesidades específicas de apoio educativo).

Poderán facelo dende o seguinte enlace:

https://sede.educacion.gob.es/sede/login/inicio.jjsp?idConvocatoria=2109

Dende a ANPA queremos ofrecervos a posibilidade de poder deixar aos vosos nen@s no CAMPAMENTO DE VERÁN organizado por CÓXEGAS.
Dende o 24 de xuño ata o 10 de setembro, con horario opcional de 08:00 a 16:00.
Onde os nenos disfrutarán dunha convivencia ademáis de realizar actividades de cociña , xogos, cine , manualidades...
Para máis información podedes chamar ao teléfono: 635 768 655 ou escribir ao mail:

coxegasanimacion@gmail.com

Grazas! Agadámosvos!

Infórmase que foi admitido todo o alumnado que presentou solicitude neste centro para o vindeiro curso escolar 2024/2025.

Do 20 ao 30 de xuño terase que realizar a Formalización de matrícula polo que preto desas datas deberán estar pendentes desta web xa que se publicará información ao respeto.

*Convocarémosvos por correo electrónico a unha reunión nesas datas.

Podedes aproveitar para entregar a documentación solicitada.

Dende a empresa de comedor comunícannos que este xoves 14 de marzo celebraremos a xornada gastronómica de Roma cun menú típico e actividades diversas relacionadas coa cidade italiana.

Comunicámoslles que do día 1 ao 20 de marzo incluído estará aberto o prazo de presentación de solicitudes de matrícula para o vindeiro curso 2024/25.

*Poderán cubrir ou descargar os impresos na seguinte aplicación

www.edu.xunta.es/admisionalumnado

Para presentar unha solicitude deberá seguir algunha das opción descritas a continuación:

1-Cubrir a solicitude informáticamente, descargala e presentala asinada de xeito manual no centro.

2-Cubrir a solicitude informáticamente e asinala en Sede Electrónica: 
Para presentar a solicitude a través da Sede Electrónica deberá acceder a admisionalumnado con usuario de Chave365 ou con certificado dixital. Ademais debe achegar escaneada toda a documentación pertinente á hora de presentar a solicitude.
3-Cubrir a solicitude manualmente e presentala asinada presencialmente no centro.

*A solicitude irá acompañada da seguinte documentación:

- Fotocopia do libro de familia (todas as follas que estean cubertas).

- Certificado do colexio de procedencia no que conste o nivel cursado durante o curso 2023-2024 (só alumnado procedente doutro centro).

- Xustificante de empadronamento conxunto (onde figuren todas as persoas que convivan no domicilio familiar).

- Convenio regulador ou Resolución xudicial en caso de separación ou divorcio.

- Copia do DNI do solicitante e membros computables da unidade familiar cando se opoñan á consulta automática dos datos.

* Si escolle a opción de presentar a solicitude coa documentación no colexio poderá facelo en horario de Secretaría: de luns a venres de 11:00h. a 11:40h.

INFORMACIÓN IMPORTANTE:

*Na solicitude poderán pedir ata 6 colexios por orde de preferencia.

*A solicitude entregarase no centro solicitado en primeiro lugar.

*A solicitude de admisión é única para cada alumno/a, por tanto non se poden presentar solicitudes en varios colexios. Só se podería facer si se renuncia á solicitude anterior (para iso tería que indicalo no recadro correspondente na nova solicitude que se presente).

*A existencia de varias solicitudes (sen renuncia) poderá ser causa de perda do dereito a participar no procedemento.

*Datas:

-Publicación de listaxe provisional de admitidos e non admitidos: 25 de abril

-Publicación de listaxe definitiva de admitidos e non admitidos: 15 de maio

-Formalización de matrícula para Infantil e Primaria: do 20 ao 30 de xuño