Taboleiro

Un paseo emocionante polo Mondoñedo de Cunqueiro 5º e 6º de EP

Mér, 19/12/2018 - 17:40 — admin

Ao longo da mañá do día de hoxe, Mércores 19 de decembro de 2018, os alumnos de 5º e 6º curso fixeron unha saída pola vila.

Dende o concello invitáronnos a coñecer a iniciativa de “Mondoñedo e familia, un paseo emocionante polo Modoñedo de Cunqueiro” cun percorrido duns 45 minutos aproximadamente con audioguía ficcionada.

MES DA CIENCIA - "XOGAMOS COA CIENCIA"

Ven, 30/11/2018 - 01:30 — admin

Con motivo do mes da Ciencia en novembro, dende Biblio Merliño ocorréusenos organizar uns experimentos levados a cabo polo alumnado de 5º e 6º curso de Educación Primaria para todo o centro. Hoxe tivemos a súa exposición no salón de actos.

Pasámolo xenial e aprendemos moito!

Grazas a todos os participantes por mostrarnos os vosos experimentos.

25 Novembro. Violencia de xénero

Mar, 27/11/2018 - 18:36 — admin

“Entendemos que inculcar igualdade, empatía e respecto dende que somos nenos é unha das claves para atallar estas condutas espeluznantes”. Leire Martínez, Haritz Garde, Álvaro Fuentes, Pablo Benegas Xabi San Martín/La Oreja de Van Gogh

Ecopilas en Mondoñedo

Xov, 22/11/2018 - 22:45 — admin

A “Fundación ecopilas” estivo esta mañá na nosa vila. Por iso se achegaron os alumnos e alumnas de 1º, 2º, 3º e 4º de Educación Primaria para coñecer un pouco máis acerca da importancia da reciclaxe de pilas, posto que o seu nivel de contaminación é moi alto.

https://ecopilas.es/

CHARLA DO SECTOR MADEIREIRO - ASOCIACIÓN DE EMPRESARIOS (LUGO)

Mér, 21/11/2018 - 18:58 — admin

O martes 20 de novembro a Asociación de Empresarios do sector madeireiro de Lugo impartiu unha charla no noso cole acerca da importancia deste sector na nosa provincia.

Falouse do proceso cíclico que comeza dende a tala, transformáse e acaba coa semente para unha nova producción madeireira.

BRAULIOTUBER

Mér, 14/11/2018 - 01:39 — admin

Esta tarde o alumnado de 3º de Educación Primaria do noso cole recibiu a visita de Braulio Bolechas. Alí estiveron os nenos e nenas de 3º e a súa mestra Lorena gravando un capitulo para o programa da TVG “Brauliotuber”.

Adiantamos que falaron da vida do noso coñecido Álvaro Cunqueiro Mora e das súas obras.

O programa será emitido nos seguintes meses a través da canle dos Bolechas, procuraremos deixarvos o enlace pola nosa páxina web para que toda a comunidade educativa o poida visualizar.

Magosto 2018

Mér, 07/11/2018 - 17:23 — admin

O pasado venres 2 de novembro festexamos o magosto no noso cole. Por cursos participamos nunha xincana con actividades variadas e adaptadas a todos os niveis. Así como tamén degustamos as castañas asadas que os nenos e nenas foron traendo ao longo da semana.

PASÁMOLO XENIAL!