Boas!
Que tal estades? Espero que sigades ben!
Como xa estamos a piques de final de curso, esta semana propóñovos a última actividade de plástica.
A tarefa desta semana ten por título Deseña as túas sandalias (Design your own sandals). Premede sobre a imaxe e veredes un vídeo no que se mostran os pasos que debedes seguir para elaboralas.
A continuación, adxúntovos un documento con imaxes de cada un dos pasos necesarios para chegar ao resultado final.
Animádesvos a deseñar as vosas sandalias para ir á praia este verán?
Lembrade que me podedes enviar fotos desta manualidade ou de outras que fagades ao correo comparte.ceipcovas@gmail.com. Poñendo no asunto do correo Plástica 2º E.P.
Xa para rematar, gustaríame dicirvos que foi un auténtico pracer ser a vosa mestra de plástica durante este curso. Nunca esquecerei os bos momentos que compartimos xuntos.
Gozade do verán!
Unha aperta!