SECRETARÍA 881930480
ORIENTACIÓN 881930482
FAX 881930483
MATRÍCULA 2019-2020
|
Do 1 ao 20 de marzo estará aberto o prazo para presentar as solicitudes de admisión de novo alumnado para o curso 2019-2020. Haberá visitas guiadas os martes 19 e 26 de febreiro e o 12 de marzo en horario de 17:00 a 18:00 horas. Máis información...
|
ENTROIDO 2019
Un ano máis celebramos o Entroido con moitas actividades:
degustacións, desfile polas rúas de Pontedeume e actuacións dascomparsas no Pavillón da Casqueira.
Grazas pola vosa colaboración.
|
DÍA DE ROSALÍA
Aquí vos compartimos a actividade organizada polo Equipo de Dinamización da Lingua Galega do noso colexio, que realizamos este curso para o Día de Rosalía e no que participou todo o alumnado, o profesorado e o persoal do noso centro escolar.
"EU SON ROSALÍA" forma parte do Proxecto de Dinamización Plurianual: "O Galego nas Nosas Mans", que este ano unimos co PDI do colexio: Bo Proveito!!!
As poesías seleccionadas de Rosalía, están vinculadas á comida e a fame e participaron na elaboración dos traballos desde 4º de Educación de Infantil ata 6º de Educación Primaria.
Parabéns a todas e todos pola vosa participación!!!!
CONTACONTOS
Un ano máis Sara e Álex, os nosos amigos da fábrica de contos Kalandraka, viñeron ao
noso cole a contarnos e cantarnos uns fermosos contos.
Tamén incorporamos unha nova remesa de "mangas" nos andeis da biblioteca.
DÍA DA PAZ E DA NON VIOLENCIA
Día da Paz e Non Violencia"Non hai camiño para a Paz: a Paz é o camiño".
- Mahatma Ghandi -
Este día celébrase o 30 de xaneiro, dedicado a conmemorar nas escolas unha cultura de non violencia e paz.
Estamos a preparar as actividades artísticas, plásticas e musicais para participar xunto con toda a Comunidade Educativa nos actos centrais da Non Violencia e a Paz.
Imos cantar e bailar unha canción de Mamá Cabra, pero tamén imos traballar coa mestura de cores para procurar o branco que simboliza a PAZ. Para iso faremos un xoguete tradicional "o zumbador". Adoita facerse cun botón grande e xa zumba pero como nós ademais queremos facer a cor branca ollade neste vídeo como facelo e como funciona.
|
A ALIMENTACIÓN NA HISTORIA
Bo Proveito!: A alimentación na historia O alumnado de 5º e 6º ao longo do 1º trimestre estivo a investigar dentro do PDI a evolución da alimentación. Estiveron observando o reflexo da alimentación na pintura das diferentes épocas, dende a Prehistoria ata a Idade Contemporanea. Dende a arte das cavernas ata a pintura máis actual.
Logo de visitar o Museo de Belas Artes na Coruña, onde lles amosaron como observar un bodegón o un cadro costumista para observar a alimentación tanto das clases altas como das clases populares, pescudaron, na biblioteca e na rede principalmente, os cambios alimenticios da humanidade vendo a sua pegada na arte pictórica.
|
PROXECTO INTERCENTROS "O SISTEMA SOLAR"
|
Xa rematado o Nadal, voltamos ás aulas. Na escola esperaba aos nenos e nenas de 4º, 5º e 6º de primaria unha interesante proposta sobre o Sistema Solar
|
NADAL 2018
Tras varios días de ensaios, este xoves e venres pasados puidemos gozar coas actuacións do festival de Nadal deste ano. Tanto traballo e ilusión foron recompensados cunha morea de aplausos por parte de alumnado e familias.
Aquí podedes ver un resumo das actuacións.
