Benqueridas Familias!
O vindeiro venres 19 de xuño, remata oficialmente o curso escolar 2019/2020.
Ao igual que na 2ª avaliación, as cualificacións publicaranse na aplicación Abalar Móbil. Seguindo instrucións da Consellería, este curso non haberá terceira avaliación, polo que as cualificacións serán Ordinarias ou Finais.
Nesta ligazón tedes máis información sobre a aplicación e como descargala.
É importante que o fagades xa que o venres 19 publicaranse as notas finais deste curso 2019/2020 e esta será a única canle para poder velas neste momento, debido á situación na que nos atopamos.
Esta vai ser a canle principal de comunicación do centro coas familias a partires de agora, ademais da páxina web do centro.
Con respecto ao próximo curso, en canto teñamos instrucións da Consellería sobre o seu desenvolvemento, publicarémolo neste páxina web.
Finalmente, queremos deserxarvos a todos e a todas un feliz verán e agradecervos o enorme esforzo feito durante estes meses.
Saúdos cordiais
