CEIP PLURILINGÜE DE CONMENIÑO

O CEIP Plurilingüe de Conmeniño acaba de recibir o Distintivo de Calidade de Centros Docentes "Selo de Vida Saudable 2024" que outorga o Ministerio de Educación , Formación Profesional e Deportes a aqueles centros educativos que fomenten a aprendizaxe da saúde no ámbito educativo, así como a posta en marcha de prácticas de vida saudable e unha educación física que permita o axeitado desenvolvemento persoal e social ao longo da escolarización do alumnado. 

 Entre as iniciativas destacadas do noso centro atopamos a Carretera do Conmeniño, dinámica para aumentar o consumo de froita entre o alumnado; espertares máxicos; descansos activos (ioga ...); corredores dinámicos; carné saudable; mochila deportiva viaxeira; almorzos saudables; plan lector dinámico; ligas internas de fútbol; semana sen fume sobre rodas; roteiros saudables, etc. 

A concesión deste Selo é unha motivación para continuar desenvolvendo e mellorando as prácticas que aseguren un futuro máis saudable. Moitas grazas ao profesorado, familias, e, por suposto, alumnado, por participar e axudar á promoción dunha vida saudable.

Publicación no BOE

Pinchando no arquivo adxunto podedes descargar a listaxe de libros para o vindeiro curso.

*Recomendamos que non se merquen ata setembro. 

Horario de atención ao público

O horario de atención na secretaría para a recollida de documentación será o seguinte: 

Xoves 20 : de 11.15 a 15.30h. 

Venres 21: de 9.00 a 15.30h. 

Do luns 24 ao venres 28: de 10.00 a 13.00h. 

A continuación terá lugar a entrega de medallas e festa final con sesión de DJ e merenda.

Esperámosvos a todos/as!!!!

Entre o 20 e o 30 de xuño estará aberto o prazo para formalizar a matrícula do alumnado de nova incorporación para o vindeiro curso 24-25. Na imaxe podedes ver a documentación necesaria que haberá que entregar no centro. 

Podedes descargar o anexo III e os cuestionarios nos arquivos adxuntos ou ben solicitalos no colexio. 

Horario de atención en secretaría: todos os días de 9.00 a 9.35h, de 11.15 a 12.05h e de 14.00 a 15.00h. 

Pinchando na imaxe da nosa mascota podedes ver as novas entradas do blog da biblioteca, celebración do Día da Bicicleta, Día Internacional contra o Acoso Escolar ... e moitas máis cousas!

Xa está aquí á "II Semana sen fume sobre rodas" do CEIP Plurilingüe de Conmeniño, que ten como obxectivo fomentar hábitos de vida saudable entre o noso alumnado. Durante esta semana todos aqueles nenos e nenas que o desexen poderán traer ao centro as súas bicis, monopatíns, patinetes ... iso si, sempre ben equipados!

Este martes 21 de maio todo o alumnado e profesorado do centro puidemos disfrutar dun espectáculo de Migallas nomeado "Brincadeiras da lingua", que nos permitiu coñecer a enorme riqueza e variedade de ditos e recitados da literatura popular infantil de Galicia, a través de xogos, cancións e contos. 

Estimadas familias:

Informarlles que segundo a ORDE do 7 de maio de 2024 pola que se regula a participación no fondo solidario de libros de texto e se convocan axudas para adquirir libros de texto e material escolar , este martes, 21 de maio, abre o prazo para solicitar as axudas correspondentes para o vindeiro curso 24/25. 

DESTINATARIOS: 

Fondo solidario de libros de texto: para o alumnado que no vindeiro curso estea matriculado en 3º e 4º de EP. O alumnado de 5º e 6º curso estará excluído da participación xa que teñen E-Dixgal. Non obstante, si poderán solicitar a axuda para adquirir material escolar cando reúnan os requisitos establecidos na Orde. 

Axudas para adquirir libros de texto: para o alumnado que o vindeiro curso estea matriculado en 1º e 2º de EP; así como as axudas que pode recibir o alumnado incluído na disposición adicional primeira (discapacidade maior ou igual 65%) e na disposición adicional segunda (Necesidades específicas de Apoio Educativo, NEAE). 

Axudas para adquirir material escolar: para o alumnado que o vindeiro curso estea matriculado en EP ( o vale para a adquisición de material escolar vai dirixido a todas as familias con renda per cápita igual ou inferior aos 10.000€, con dous tramos de renda). 

*O alumnado que vaia cursar 1º da ESO o vindeiro curso deberá tramitar a solicitude no IES correspondente. 

PRAZO: 

Entre o 21 de maio e o 21 de xuño de 2024. 

PRESENTACIÓN DAS SOLICITUDES: 

As solicitudes presentaranse preferiblemente por vía electrónica, no formulario normalizado dispoñible na aplicación informática Fondodelibros, a través da sede electronica da Xunta de Galicia, accedendo ao procedemento ED330B. 

Opcionalmente, poderanse presentar as solicitudes presencialmente no centro no seguinte horario: 

De luns a venres en horario de 9 a 9.35h, de 11.15 a 12.05h e de 13.45 a 15.00h. 

DOCUMENTACIÓN A PRESENTAR: 

As persoas interesadas deberán achegar coa solicitude (ANEXO I) a seguinte documentación:

a) Anexo II, comprobación dos membros computables da unidade familiar.

 b) Copia do libro de familia ou documento equivalente, onde figuren o alumno/a e os demais mebros computables da unidade familiar. 

E ademais, de ser o caso: 

- sentenza xudicial de separación e/ou convenio regulador.

- volante de convivencia.

- documentación xustificativa de violencia de xénero, que se poderá acreditar de calquera das formas que se enumeran no artigo 5 da Lei 11/2007, do 27 de xullo.

 - certificado do grao de discapacidade (recoñecido por un órgano que non pertenza á Xunta de Galicia). 

 * Nos arquivos adxuntos podedes consultar a Orde de convocatoria e os anexos.