4º Infantil A

OBRADOIRO COCIÑA

4º Infantil A

MÉRCORES 9 DE FEBREIRO

Conmemoramos o Día Mundial da Pizza cun obradoiro de cociña. Despois de apuntar os ingredientes necesarios puxémonos mans á masa.

Fotos do resultado:

1 adxunto

Matemáticas

4º Infantil A

MARTES 8 DE FEBREIRO

Martes de Mates! Hoxe no cole tiramos de caderno. Para entrenar propoño a seguinte actividade de exemplo:

Poñemos 4 comiditas e o número 5 ao lado, se só pode haber 4 no prato, cantas quitamos?

Esta actividade manipulativa podemos repetila con varias cantidades e variando os xoguetes.

A continuación faremos a páxina 23 do caderno.

1.Na lagoa so hai espazo para 3 patos, cantos teñen que marchar?

2.No aparcadoiro hai sitio para 4 coches, cantos teñen que buscar outro sitio?

3.Na barca poden ir 5 persoas, cantas se teñen que cambiar para outra barca?

Xogo online de cantidades:

1 adxunto

Para os peques da casa

4º Infantil A

LUNS 7 DE FEBREIRO

Hoxe na escola seguimos investigando a letra S. Despois de ver algún vídeo, pensamos que palabras sabemos con esa letra e nesta busca saíron: serea, sopa, sete, Sara, Sofía, serpe...un montón!

En canto ao traballo, para poder empregar cousas que teñamos todos na casa, a idea é a seguinte:

Paseando pola casa, ir nomeando varios obxectos facendo fincapé no primeiro fonema para saber se ten a letra s. Cando encontremos uns poucos (como sofá, sopa, sudadera, silla,...) escribímolos nun folio con lapis e debuxamos os obxectos atopados.

Un pequeno xogo:

Camiño de Santiago

4º Infantil A

MÉRCORES 2 DE FEBREIRO

Continuamos co Camiño de Santiago. Na nosa contorna atopamos un montón de sinais, e o camiño tamén ten os seus sinais para garantir que todos os peregrinos e peregrinas chegan ao seu destino.

Coñecedes os que aparecen aí? Onde os vistes?

No seguinte traballo imos recortar algúns sinais que podemos atopar ao longo das etapas. Invítovos a que se atopades algunhas, saquedes fotos cos peques e así ampliar a información que temos deste proxecto.

2 adxuntos

Traballamos un pouquiño

4º Infantil A

MARTES 1 DE FEBREIRO

Ola familias! Xa que toca pasar uns días na casa, a través desta canle ireivos contando o que imos facendo na aula. Desta maneira @s peques poderán manter certa rutina.

Os martes toca facer páxina do noso caderno de matemáticas. Para comezar invítovos facer un xogo manipulativo coas cousas que teñades pola casa: xoguetes, cubertos, roupa…Con estes obxectos cotiás traballaremos a suma e a resta.

Exemplo: Temos 4 coches no aparcadoiro, se chegan 2 coches máis (que os vexan, que os poidan mover), cantos coches hai agora? Nun folio podemos ter escrita a recta numérica ata o 10 e que nos indique o resultado.

Este xogo sinxelo servirá para preparar a nosa mente para o traballo do caderno.

Caderno de mates

Nunha das mesas do comedor hai 4 alumnos. Se entran 2 e se sentan, cantos hai agora? Colorea o número correcto.

Noutra mesa están comendo 5 alumnos. Se chega 1 e se senta, cantos hai agora na mesa? Colorea o número correcto.