Quen debe presentar a solicitude?
Todo o alumnado matriculado no centro que non foi usuario do servizo de transporte escolar durante o curso 2022-2023 e que desexe facer uso deste servizo no curso 2023-2024.
Todo o alumnado que foi usuario de transporte escolar das paradas Ponte do Ba 1 e Ponte do Ba 2 por seren ambas paradas excepcionais, polo que é necesario renovar a solicitude anualmente.
O resto do alumnado que fixo uso de transporte do resto das paradas durante o curso 2022-2023 NON é necesario presentar ningunha solicitude de renovación, faise de xeito automático.
Debo presentar solicitude de baixa no servizo de transporte?
Si, se sabe que durante o curso 2023-2024 non vai precisar este servizo. Así mesmo, en calquera momento do vindeiro curso non vai facer uso do mesmo é preciso solicitar a baixa do servizo.
Cando e como presentar as solicitudes de alta e/ou baixa no servizo de transporte?
Desde o luns 24 de abril ata o venres 19 de maio.
Poderase entregar a través do correo electrónico de administración: administracion@ceipdearteixo.org e poñendo como asunto da mensaxe: Solicitude alta/baixa/renovación servizo transporte segundo corresponda. En caso de elixir esta opción, confirmar telefonicamente ou ben a través dun correo se a súa solicitude foi recibida correctamente.
Tamén se poderá entregar de xeito persoal na secretaría do centro de luns a venres de 9:50 a 11:45 horas.
A continuación poden descargar os impresos necesarios así como consultar a circular informativa sobre este servizo. Os impresos tamén se poderán recoller en administración do centro no horario de atención ao público, tal e como se indicou anterioremente.
Impresos:
Circular informativa transporte escolar.
Solicitude alta/renovación de transporte escolar curso 2023-2024.
Solicitude de baixa no transporte escolar curso 2023-2024.