Celébrase o 2 de abril, coincidindo co nacemento do escritor danés Hans Christian Andersen. O obxectivo é espertar o interese polos libros e a lectura nos nenos e facer diso un hábito de vida.
Foi proclamado pola Organización Internacional para o Libro Xuvenil (IBBY), colectivo sen ánimo de lucro composto por asociacións e persoas de todo o mundo comprometidas coa idea de propiciar o encontro entre os libros e a infancia.
Cada dous anos, IBBY outorga o premio Hans Christian Andersen a un autor e a un ilustrador. Este premio é o máis alto recoñecemento internacional outorgado a autores de libros para nenos e novos.
Este é o cartaz deste ano. Titúlase Fame de Palabras.
Todos nós esperamos que non teñades fame de palabras. E para que vos alimentedes ben iremos subindo enlaces das páxinas que desinteresadamente nos ofrecen os seus títulos para que poidamos seguir lendo ainda que sexa a través do móbil, táblet ou ordenador.
Aquí tendes títulos de Baía Edicións para ir abrindo boca. Na sección "Este tempo na casa>Para ler" iremos poñendo máis enlaces que permitan a descarga de libros.
Felices lecturas a todos e todas!!!!
