Para comezar temos que distinguir varias posibilidades: o confinamento dun grupo de nenos/as dentro dun aula (na que o resto dos compañeiros/as seguirían asistindo), o confinamento do grupo aula enteiro (o cole segue aberto e o resto dos grupos segue a traballar) e un confinamento que implique o cerre de todo o colexio.
A continuación explicámosvos que fariamos en cada caso:
- Se confinan un grupo pero o aula segue funcionando:
Este caso se produciría se hai un pequeno/a que da positivo en COVID 19 e debemos poñer en corentena só aos rapaces/as do seu arredor.
Houbo novidades na lexislación neste sentido e debemos informarvos de que as clases presenciais seguirían coma sempre para o resto do alumnado.
Os traballos, deberes, etc dos rapaces/as confinados levaranse a cabo con eles/as a través do aula virtual ou e-dixgal, segundo o curso no que estén.
- Se confinan un aula enteira:
Este caso se produciría se resulta necesario confinar a toda a clase porque xurdiran varios casos de COVID 19 nela.
Os mestres/as especialistas darían as súas clases á hora na que o facían habitualmente seguindo os horarios de cada grupo a través de Falemos.
De terceiro de primaria en adiante, como os nenos/as xa son algo máis autónomos no uso das novas tecnoloxías, os titores darían clase por esa mesma plataforma seguindo os horarios que podedes ver nesta ligazón [1]na que se amosan os horarios espello. [1]
Combinarase a teledocencia conectando cos pequenos/as en directo e o traballo persoal na plataforma Edixgal ou o aula virtual.
Nos momentos da mañá en que non haxa docencia en directo a través de Falemos, os docentes seguirán en contacto cos rapaces/as através dos foros dos que dispoñen o aula virtual e e-dixgal de xeito que podan responder tódalas súas dúbidas.
No caso de Educación Infantil e os primeiros cursos de primaria, somos perfectamente conscientes da súa necesidade da compañía e respaldo dun adulto para levar a cabo as tarefas que propoñamos.
Por ese motivo parécenos preferible plantexarvos actividades a realizar nos momentos en que vos resulte posible. Como no caso dos maiores colgariámolas no aula virtual e se fose o caso grabariamos as explicacións, propostas, etc para que podades acceder a elas con comodidade e levalas a cabo cando o permita o horario familiar. Así mesmo os profesores/as estarán dispoñibles nos foros do aula virtual para responder ás vosas dúbidas e haberá un horario para falar con eles/as a través de Falemos, así como conexións cos rapaces/as.
As posibles entregas de tarefas, exames... con caracter xeral, faríanse tamén a través destas plataformas.
- Se pechan o colexio completo:
Se pechan o colexio enteiro seguiriamos un plan parecido ao do punto anterior. En breve colgaremos un documento para que podades ver todo o desenvolvemento polo miudo.
Máis aló de todas estas opcións:
Con caracter xeral lembrade que, se algo ocorre, comunicarémonos con vós a través do Abalar e a web do cole principalmente pero por suposto tamén empregaremos o email ou mesmo o teléfono para chegar a vós e aos nosos pequenos e pequenas.
Esperamos sinceramente que non sexa necesario empregar ningunha destas opcións pero de ter que facelo, sabede que estamos traballando moi duro para ter todo listo e seguir adiante co proceso educativo.
