Benvidos ao CEE de Panxón!


É un Centro de Educación Especial que depende da Consellería de Cultura e Educación da Xunta de Galicia. Traballamos con alumnado con Trastorno Grave de Conduta.

 

VISITA IGAFA E ACUARIO DO GROVE

                                                        

Hoxe fomos de visita ao IGAFA (Instituto Galego de Formación en Acuicultura), onde da man de Ventura Villar, o seu Vicedirector, puidemos coñecer os estudios que alí se imparten e as instalacións que teñen:

OFERTA DE CURSOS NON REGRADOS DE MARISQUEO E MERGULLO

TÉCNICO EN OPERACIÓNS SUBACUÁTICAS E HIPERBÁRICAS

TÉCNICO EN CULTIVOS ACUÍCOLAS

TÉCNICO EN CULTIVOS ACUÍCOLAS

Tamén coñecemos todo o proceso de cria e cultivo de diferentes especies acuáticas: rodaballo, lubina, dourada, besugo, lumbrigante, centola, vieira, ameixa.. Moi interesante.

Logo de repoñer forzas ao aire libre na Punta Cabalo da Illa de Arousa completamos a visita no Acuario do Grove, onde contemplamos o máis de cerca posible unha grande variedade de fauna das nosas costas.

Agora.. a polo noso Acuario!! Mentras,aquí tendes un resumo fotográfico da xornada

 

 
Álbum: CURSO 19/20 -> VISITA IGAFA ACUARIO GROVE

MENÚ 2ª SEMANA MARZO

Avanzamos neste mes de marzo, xa próximos a rematar o inverno e recibir unha nova estación, a primaveira. Para iso debemos de estar fortes e preparados, así que este é o noso menú para esta segunda semana do mes de marzo. Lembra que o podes visualizar e descargar facendo clic no adxunto...

BO PROVEITO!!!

CREAMOS A NOSA CURTAMETRAXE

Despois de varias semanas de crear unha historia, facer o guión, decidir localizacións, planificalas, facer o casting de actores...chegou o día de rodaxe: hoxe estivemos gravando todos os planos necesarios para facer a nosa curtametraxe, un proxecto que levamos adiante no Obradoiro de Curtametraxe da Área Social FICBUEU, aos que lles agradecemos o seu traballo.

Tamén queremos agradecer aos alumnos do CPI Arquitecto Palacios de Panxón que fixeron os papeis protagonistas da nosa historia.

Xa vos informaremos da súa estrea, de momento vos deixamos con algunhas imaxes da xornada de hoxe!!

 

Álbum: CURSO 19/20 -> CREAMOS A NOSA CURTAMETRAXE

APRENDEMOS MODELADO

Continuamos buscanbdo intereses, hoxe na rama artística, traballamos o modelado de cerámica co artesán Javier Aguilera, unha actividade divertida e moi interesante onde deixamos sair ese escultor que levamos dentro.

Aquí tendes algunhas imaxes...

Álbum: CURSO 19/20 -> BUSCANDO INTERESES...APRENDEMOS MODELADO

TOLEAMOS 4.0

O proxecto do noso centro, Toleamos SenMáis, xa está quentando motores..

Esta edición está adicada ao mundo da tecnoloxía: apps. aparellos, cicuitos,etc...polo qu edecidimos chamarlle TOLEAMOS 4.O

Aquí tendes unhas imaxes nesta galería para ir facendo boca (nunca mellor dito...), xa vos iremos anunciando datas e novidades!! Seguide atentos!! 

Álbum: CURSO 19/20 -> TOLEAMOS 4.0

O CEE DE PANXÓN NOS MEDIOS


No documento adxunto podes ter acceso aos diferentes enlaces onde podes ter acceso ás novas dos xornais, da TV,... nos que saiu o noso centro!!

Pasa o cursos por riba das imaxes e fai clic na mesma para acceder ao seu contido!

DISFRUTA!!

DIA DA MULLER E DA NENA NA CIENCIA

O pasado 11 de febreiro foi o Día Internacional da Muller e a Nena na Ciencia. Este Día Internacional da Muller e a Nena na Ciencia foi proclamado no 2015 pola Asemblea Xeral das Nacións Unidas co fin de lograr o acceso e a participación plena e equitativa na ciencia para as mulleres e as nenas.

Con motivo desta celebración, na Biblioteca do CEE de Panxón tivemos a visita de dúas científicas:

  • Luisa Martínez, da Unidade de Cultura Científica do CSIC-Galicia (Consejo Superior de Investigaciones Científicas)
  • Aurkene Belasco, da ECIMAT (Estación de Ciencias Mariñas de Toralla) da Universidade de Vigo

que nos explicaron cales foron os seus inicios nas súas carreiras como investigadoras e tamán compartiron con nós o seu traballo actual, tendo a oportunidade de poder ver con elas organismos vivos obxecto das súas liñas de traballo: Zooplancto(Artemia Salina, copépodos,...),larvas de lenguado, aparellos bucais de cefalópodos (polbo, choco...)

Desde aquí queremos dar as gracias a TODAS as mulleres investigadoras polo seu traballo, e dun xeito especial a Luisa e Aurkene por ter a ben facer un oco nas súas axendas e compartir con nós todo o seu saber e experiencia.

 

Álbum: CURSO 19/20 -> DIA DA MULLER E DA NENA NA CIENCIA

MENÚ ENTROIDO

E chegamos a unha das festas máis esperadas do curso: o Entroido!! e con ela o noso menú do comedor. A disfrutar da festa e..

BO PROVEITO!!

BO NADAL!!

XA O TEMOS AQUÍ!!!

Como xa ven sendo unha tradición neste últimos anos, aquí tendes o noso vídeo para felicitarvos a todos as Festas, feito con todo o cariño e agardando pasedes un ratiño agradable e divertido.

BO NADAL E PRÓSPERO ANO NOVO 2020!!!

 

Distribuir contido