Benvidos ao CEE de Panxón!


É un Centro de Educación Especial que depende da Consellería de Cultura e Educación da Xunta de Galicia. Traballamos con alumnado con Trastorno Grave de Conduta.

 

MENU 2ª SEMANA ABRIL

Achegámosvos o menú desta segunda semana de Abril, ás portas do merecido descanso vacacional de Semana Santa. Como curiosidade decirvos que o venres 12 de abril celébrase o Día Mundial dos Vóos Espaciais Tripulados, en conmemoración do primeiro viaxe espacial tripulado polo home e que tivo lugar un 12 de abril de 1961 a cargo do ruso Yuri Gagarin, cuxas palabras no momento do despegue foron: Поехали! (Poyejali!, “Ímonos!”).

No CEE imos realizar tamén o noso primeiro proxecto aeroespacial, "DE PANXÓN AO CEO", do que tendes máis información na correspondente entreada da nosa web, á que podedes ir clicando na imaxe de Gagarin

BO PROVEITO!!

DE PANXÓN AO CEO

Esta semana fixemos a presentación do noso proxecto aeroespacial "DE PANXÓN AO CEO", grazas ao cal pretendemos enviar un globo cunha sonda que recolla datos atmosféricos e cunhas cámaras de gravación para recoller as imaxes tanto da subida coma da bixada. Asi mesmo levará un sistema GPS para poder localizala en cada momento e así poder recollela no lugar onde aterrize.

Nesta presentación estivo con nós Juan Fernández,  Alcalde do Concello de Nigrán,  que sempre nos apoia e participa nos proxectos que levamos a cabo, e Fernando Puga, Presidente da empresa aeronáutica Delta Vigo, situada no parque empresarial Porto do Molle (Nigrán) e que tamén vai participar neste proxecto.

Agradecemos xa desde aquí a colaboración do noso asesor científico David Ballesteros que nos vai acompañar ao longo do desenvolvemento deste apaixoante proxecto. Deixámosvos o programa de radio de Frikeando nas Ondas no que se explica en qué consite o proxecto e dúas reseñas da prensa local que se fan eco do mesmo e ás que podes acceder clicando nas imaxes.

LONG LIVE & PROSPER!!

 

 

ENTRELOBOS

O pasado mércores 3 de abril tivemos unha visita moi especial, por unha banda contamos coa presencia do naturalista Marcos Parente, un experto noa observación e estudio do lobo ibérico que nos ensinou moitas cousas acerca da bioloxía e comportamento deste animal fascinante, ademáis de coñecer cales son as súas técnicas de estudio.

Por outra banda, tamén contamos coa presencia de Marcos Rodríguez Pantoja, que cando tiña 8 anos de idade foi adoptado por unha manada de lobos en Sierra Morena, vivindo con eles e no medio da natureza durante 12 anos. Compartiu con nós moitas das súas vivencias durante eses 12 anos na Serra, quedando todos totalmente abraiados.

Coma non podía ser doutro xeito,non deixamos escapar a oportunidade de entrevistalos e así poder facer unha nova edición de Frikeando nas Ondas, o programa de maior éxito radiofónico do momento, gracias ao cal podemos compartir con vós todo o que nos amosaron eles.

Aquí podes escoitalo:

 

 

MENU 1ª SEMANA ABRIL

Comezamos o mes de Abril, coa primaveira recén estreada...aquí tendes o menú semanal do COMEDOR ESCOLAR

BO PROVEITO!

MENU 4ª SEMANA MARZO

Rematamos o mes de marzo, na semana na que o día 27 celébrase o Día Mundial do Teatro creado polo Instituto Internacional do Teatro (ITI) en 1961.

Durante este día celébranse en todo o mundo actos e eventos relacionados coa escena. Un dos máis importantes é a mensaxe internacional por parte dunha figura de talla mundial por invitación do ITI. Nesta mensaxe, unha persoa de relevancia comparte as súas reflexións acerca da cultura e o teatro.

O Instituto Internacional do Teatro anima a toda a sociedade a celebrar o Día Mundial do Teatro: teatros, centros e institucións das artes escénicas, universidades, institucións gobernamentais, ministerios de cultura, profesionais ou amantes do teatro de todo o mundo están convidados a celebrar o Día Mundial do Teatro.

FELIZ SEMANA E BO PROVEITO!!

MENU 3ª SEMANA MARZO

O menú desta semana máis curta por mor do festivo...

BO PROVEITO!!

MENU 2ª SEMANA MARZO

Logo dos días de Entroido, volvemos,e aquí vos deixamos o menú desta semana.

BO PROVEITO!!

MENÚ COMEDOR 1ª SEMANA MARZO - DÍA INTERNACIONAL DA MULLER

O 8 de marzo celébrase o Día Internacional da Muller, que outrora se chamaba Día Internacional da Muller Traballadora, eliminando este último adxectivo por considerar que todas as mulleres, traballen fóra de casa ou non, son traballadoras, xa que o traballo doméstico é considerado como un traballo duro e sen remunerar, pero en definitiva, traballo.

O Día Internacional da Muller foi institucionalizado pola ONU en 1.975 pero celébrase historicamente desde 1.911 e conmemora a loita das mulleres pola súa participación activa na sociedade en igualdade de oportunidades. Todos os anos elíxese un tema para a celebración deste día.

O tema para 2019 é: "Pensemos en igualdade, construamos con intelixencia, innovemos para o cambio" e céntrase nas formas innovadoras nas que podemos avogar pola igualdade de xénero e o  empoderamiento das mulleres, en especial nas esferas relativas aos sistemas de protección social, o acceso aos servizos públicos e a infraestrutura sustentable.
Máis información facendo clic na imaxe de arriba.

Tamén vos adxuntamos o menú destes dous días

BO PROVEITO!!

Ricardo Blach, patrón do Alakrana

O pasado 30 de xaneiro visitounos Ricardo Blach, que fora patrón do atuneiro Alakrana, e comprtiu con nós as súas vivencias ao longo de toda a súa extensa vida adicada ao mar, incluindo tamén o ataque que sufriron no 1999 por parte dos piratas somalíes nas augas do Índico.

Gracias Ricardo por compartir as túas vivencias con nós!

 

Distribuir contido