blogue deadmin

DE PANXÓN AO CEO

Estamos a días de relizar o lanzamento da nosa sonda á estratosfera, gracias á cal esperamos ter as nosas imaxes desde alturas superiores aos 20000 metros e datos atmosféricos obtidos de primeira man. Para coñecer o día a día deste apaixoante proxecto, o equipo de comunicación do proxecto creou un blogue no cal podedes obter información actualizada dos pasos que se están a seguir, das posibles traxectorias, da historia do proxecto,etc..

invitámosvos a viaxar con nós ata os límites do espacio,non tes máis que clicar na imaxe superior para acceder ao blogue

 

MENU 3ª SEMANA MAIO

Chegamos a unha semana importante para a nosa Lingua, a semana na que celebramos o Dïa das Letras Galegas,  celebración  instituida en 1963 pola Real Academia Galega para homenaxear a aquelas persoas que destacasen pola súa creación literaria en idioma galego ou polo seu defensa da devandita lingua. Cada ano dedícase a unha personalidade diferente, escollida pola Real Academia Galega, tendo en conta que se esixen polo menos dez anos desde o seu falecemento.
A data de celebración deste evento, o 17 de maio, débese a que en tal día como ese, en 1863, publicouse en Vigo o primeiro exemplar da obra Cantares Gallegos, de Rosalía de Castro, que marcaría o inicio do " Rexurdimento" ou renacemento cultural do galego.
Este ano está adicado a Antón Fraguas: escritor, historiador, antropólogo e etnógrafo dá  lingua e cultura  galegas..

Así que

BO PROVEITO E BOA SEMANA DAS LETRAS

MENÚ 2ª SEMANA MAIO

Nesta segunda semana de Maio o día 8 conmemoramos o Día Internacional da Cruz Vermella e da Media Lúa Vermella, en conmemoración do nacemento de Henry  Dunant, o fundador da Cruz Vermella.

O obxectivo do Día Mundial da Cruz Vermella e da Media Lúa Vermella é recoñecer o encomiable labor de voluntarios e empregados que todos os días salvan vidas e cambian mentalidades.

BO PROVEITO!!

MENU 1ª SEMANA MAIO

Adxuntamos o menú da semana na que deixmaos atrás o mes de Abril e comezamos o mes de Maio, celebrando o Día Internacional do Traballador.

Feliz Semana e BO PROVEITO!!

MENU 4ª SEMANA ABRIL

Voltamos coas baterías cargadas logo das vacacións para afrontar a recta final deste curso!! E voltamos na semana na que o día 23 de abril celebramos o Día Internacional do Libro: unha data simbólica para a literatura mundial porque ese día en 1916 supostamente faleceron Cervantes, Shakespeare e Inca  Garcilaso de la Vega. A Unión Internacional de Editores propuxo esta data á UNESCO, co obxectivo de fomentar a cultura e a protección da propiedade intelectual por medio do dereito de autor. A Conferencia Xeral da UNESCO aprobouna en París o 15 de novembro de 1995. E desde entón celébrase o Día Mundial do Libro e dos Dereitos de Autor.

LER FAINOS VIAXAR COA IMAXINACIÓN!!

 

BO PROVEITO!!

 

MENU 2ª SEMANA ABRIL

Achegámosvos o menú desta segunda semana de Abril, ás portas do merecido descanso vacacional de Semana Santa. Como curiosidade decirvos que o venres 12 de abril celébrase o Día Mundial dos Vóos Espaciais Tripulados, en conmemoración do primeiro viaxe espacial tripulado polo home e que tivo lugar un 12 de abril de 1961 a cargo do ruso Yuri Gagarin, cuxas palabras no momento do despegue foron: Поехали! (Poyejali!, “Ímonos!”).

No CEE imos realizar tamén o noso primeiro proxecto aeroespacial, "DE PANXÓN AO CEO", do que tendes máis información na correspondente entreada da nosa web, á que podedes ir clicando na imaxe de Gagarin

BO PROVEITO!!

DE PANXÓN AO CEO

Esta semana fixemos a presentación do noso proxecto aeroespacial "DE PANXÓN AO CEO", grazas ao cal pretendemos enviar un globo cunha sonda que recolla datos atmosféricos e cunhas cámaras de gravación para recoller as imaxes tanto da subida coma da bixada. Asi mesmo levará un sistema GPS para poder localizala en cada momento e así poder recollela no lugar onde aterrize.

Nesta presentación estivo con nós Juan Fernández,  Alcalde do Concello de Nigrán,  que sempre nos apoia e participa nos proxectos que levamos a cabo, e Fernando Puga, Presidente da empresa aeronáutica Delta Vigo, situada no parque empresarial Porto do Molle (Nigrán) e que tamén vai participar neste proxecto.

Agradecemos xa desde aquí a colaboración do noso asesor científico David Ballesteros que nos vai acompañar ao longo do desenvolvemento deste apaixoante proxecto. Deixámosvos o programa de radio de Frikeando nas Ondas no que se explica en qué consite o proxecto e dúas reseñas da prensa local que se fan eco do mesmo e ás que podes acceder clicando nas imaxes.

LONG LIVE & PROSPER!!

 

 

ENTRELOBOS

O pasado mércores 3 de abril tivemos unha visita moi especial, por unha banda contamos coa presencia do naturalista Marcos Parente, un experto noa observación e estudio do lobo ibérico que nos ensinou moitas cousas acerca da bioloxía e comportamento deste animal fascinante, ademáis de coñecer cales son as súas técnicas de estudio.

Por outra banda, tamén contamos coa presencia de Marcos Rodríguez Pantoja, que cando tiña 8 anos de idade foi adoptado por unha manada de lobos en Sierra Morena, vivindo con eles e no medio da natureza durante 12 anos. Compartiu con nós moitas das súas vivencias durante eses 12 anos na Serra, quedando todos totalmente abraiados.

Coma non podía ser doutro xeito,non deixamos escapar a oportunidade de entrevistalos e así poder facer unha nova edición de Frikeando nas Ondas, o programa de maior éxito radiofónico do momento, gracias ao cal podemos compartir con vós todo o que nos amosaron eles.

Aquí podes escoitalo:

 

 

MENU 1ª SEMANA ABRIL

Comezamos o mes de Abril, coa primaveira recén estreada...aquí tendes o menú semanal do COMEDOR ESCOLAR

BO PROVEITO!

MENU 4ª SEMANA MARZO

Rematamos o mes de marzo, na semana na que o día 27 celébrase o Día Mundial do Teatro creado polo Instituto Internacional do Teatro (ITI) en 1961.

Durante este día celébranse en todo o mundo actos e eventos relacionados coa escena. Un dos máis importantes é a mensaxe internacional por parte dunha figura de talla mundial por invitación do ITI. Nesta mensaxe, unha persoa de relevancia comparte as súas reflexións acerca da cultura e o teatro.

O Instituto Internacional do Teatro anima a toda a sociedade a celebrar o Día Mundial do Teatro: teatros, centros e institucións das artes escénicas, universidades, institucións gobernamentais, ministerios de cultura, profesionais ou amantes do teatro de todo o mundo están convidados a celebrar o Día Mundial do Teatro.

FELIZ SEMANA E BO PROVEITO!!

Distribuir contido