Vista preliminar da
Vista preliminar da programación na que poderá consultar todos os apartados da programación.
1. Introdución (Elaborado)
A presente programación didáctica, elaborada para a materia de Proxecto Competencial do 1ºcurso da ESO, ten como referencia o currículo que establece Decreto 156/2022 do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
Para a elaboración das unidades didácticas que desenvolverá a programación tívose como referencia un currículo que ten como obxectivo o desenvolvemento das competencias transversais mediante a realización de proxectos significativos para o alumnado e a resolución colaborativa de problemas, reforzando a autoestima, a autonomía, a reflexión e a responsabilidade. e que se pode configurará neste curso como un proxecto interdisciplinar en colaboración con distintos axentes sociais.
Outro aspecto que foi tido en conta á hora de deseñar a presente programación foi o centro no que se ía implementar: as características do mesmo, as do seu alumnado e o seu entorno.
Esta programación didáctica está pensada para ser levada á práctica nun centro situado en Vila de Cruces. IES Marco do Camballón (Pontevedra). O contexto socioeconómico está vinculado ao sector primario, agricultura e gandaría. Na vila a actividade económica é de pequeno comercio e unha industria de maquinaria pesada. O alumnado matriculado no Proxecto Competencial de 1º ESO "Horta e produción sostíbel" está moi motivado e amosa moito interese polo proxecto. O proxecto é eminentemente práctico.
O número de alumnos e alumnas é de 20 de idades comprendidas entre os 11 e os 13 anos no inicio do curso.
4.1. Concrecións metodolóxicas (Elaborado)
Ao longo de todo o curso levarase a cabo o seguinte proxecto: "Horta e produción sostíbel"
As actividades propostas ao longo do curso están dirixidas a reforzar os aspectos máis transversais do currículo, favorecendo a interdisciplinariedade e a conexión entre os distintos tipos de coñecemento.
O proxecto será realizado en grupos de traballo cooperativo, nos cales cada alumna ou alumno adopta un rol concreto asumindo tarefas individuais que integrarán o resultado final do proxecto.
Na PRIMEIRA AVALIACIÓN, realizarase unha análise da importancia dun bon tratamento da terra con adubo orgánico e sen ningún fertilizante químico. O crecemento das plantas cun ritmo natural. As vantaxes dos produtos de tempada e estacional. Valorización dos produtos da nosa horta e como facer receitas e identificacións atractivas.
O alumnado deseñará unha planificación na procura e selección das fontes de información, visionado de modelos de hortos escolares.
Na SEGUNDA AVALIACIÓN, Seguiremos plantando os produtos estacionais, primavera e alén diso plantaremos plantas aromáticas e medicinais. Estudarán a importancia da combinación das plantas aromáticas como antiplaguicidas así como as súas propiedades medicinais e como tempero de alimentos.
Nesta etapa, recollerán datos e analizarán o seu impacto dunha produción sostíbel e de lento crecemento.
Na TERCEIRA AVALIACIÓN, O alumnado seguirá plantando e recollendo os produtos xa en fase de recolección e os produtos que quedarán plantados durante o período vacacional do verán. Nesta avaliación elaboraremos receitas cos produtos recollidos.
Neste proxecto, trabállanse as todas as competencias clave contribuíndo interdisciplinariamente ás seguintes áreas:
- Lingua Galega (expresión oral e escrita, comprensión da información, campos semánticos relacionados co proxecto coidando o emprego da variedade estándar)
- Bioloxía e Xeoloxía (funcións vitais, problemas ambientais, agricultura ecolóxica)
- Xeografía e Historia (coñecemento dos cultivos propios da comarca)
- Matemáticas (medidas de superficie e distribución das plantas)
- Física e Química (importancia do adubo orgánico)
- Economía ( xestión de recursos e dos produtos da horta como medida de aforro para as familias)
- Tecnoloxía e Dixitalización (buscas de información en rede, e visionado de modelos de hortos escolares)
- Educación Plástica e Visual (deseño de cartaces en madeira para identificar cada un dos produtos plantados)
5.1. Procedemento para a avaliación inicial (Elaborado)
Ao inicio de curso, nas primeiras sesións, realizarase unha proba inicial baseada en competencias clave. O seu obxectivo é facilitar información sobre distintos aspectos do alumnado, tales como posibles dificultades de aprendizaxe ou capacidades por riba da media do grupo. Dita información servirá para programar as adaptacións precisas, así como as actividades de reforzo e ampliación no caso de ser necesarias.
Os resultados de dita proba daranse a coñecer durante unha reunión establecida polo centro ao inicio do curso e na que se atopará a totalidade da xunta avaliadora. En función dos resultados obtidos, e sempre coa intervención do
Departamento de Orientación levaranse a cabo as medidas de atención pertinentes.
5.3. Procedemento de seguimento, recuperación e avaliación das materias pendentes (Elaborado)
Non aplica.
5.4. Procedemento para acreditar os coñecementos necesarios en determinadas materias (Elaborado)
6. Medidas de atención á diversidade (Elaborado)
Para os alumnos/as con Necesidades Específicas de Apoio Educativo serán deseñadas de xeito específico de modo que se facilite o desempeño do seu rol no proxecto. Do mesmo modo, prestaráselle unha maior atención na aula e nas acividades fóra da aula, estando pendentes en todo momento do seu desempeño así como da consecución das súas tarefas individuais. Todo isto sen prexuízo de que a medida que avance o curso poida detectarse a necesidade deste tipo de actividades individualizadas noutros alumnos/as establecéndose, de ser o caso, os necesarios reforzos educativos.
Por outra banda, tamén están previstas actividades de ampliación para aquel alumnado que presente un maior ritmo de aprendizaxe. Tratarase de actividades motivadoras, que en todo caso vaian máis aló dos xa afianzados mínimos da materia e que supoñan un maior desafío na busca de información, así como a interrelación dos diferentes contidos.
8.2. Procedemento de seguimento, avaliación e propostas de mellora (Elaborado)
A principal referencia da que se disporá para este procedemento de seguimento e autoavaliación será a temporalización definida ao inicio do curso, debéndose analizar de xeito periódico se o programado se corresponde coas necesidades do alumnado, de modo que o desenvolvemento das unidades didácticas siga o calendario previsto.
O documento elaborado para levar dito seguimento constituirase como un caderno de traballo na aula. Neste caderno da profesora, reflectirase o desenvolvemento efectivo das sesións, facendo fincapé no aproveitamento destas e dos recursos dispoñibles.