Vista preliminar da
Vista preliminar da programación na que poderá consultar todos os apartados da programación.
1. Introdución (Elaborado)
A materia de Lingua Castelá e Literatura mantén en bacharelato unha continuidade coa etapa anterior, ao tempo que ten uns fins específicos en consonancia cos obxectivos desta etapa. Así, a educación lingüística e literaria debe contribuír á madurez persoal e intelectual da mocidade; brindar os coñecementos, habilidades e actitudes que lle permitan participar na vida social e exercer a cidadanía democrática de maneira ética e responsable, así como capacitala para o acceso á formación superior e ao futuro profesional de maneira competente.
O propósito da materia de Lingua Castelá e Literatura oriéntase tanto á eficacia comunicativa na produción, recepción e interacción oral, escrita e multimodal, como a favorecer o uso ético da linguaxe que poña as palabras ao servizo da convivencia democrática, a resolución dialogada dos conflitos, e a construción de vínculos persoais e sociais baseados no respecto e na igualdade de dereitos de todas as persoas. Desta maneira, a materia contribúe á progresión no desenvolvemento de todas as competencias recollidas no perfil de saída do alumnado ao remate da ensinanza básica.
Os obxectivos de Lingua Castelá e Literatura en bacharelato marcan unha progresión a respecto das da educación secundaria obrigatoria, dos que se parte nesta nova etapa. O afondamento a respecto da etapa anterior consiste nunha maior conciencia teórica e metodolóxica para analizar a realidade, así como na mobilización dun conxunto maior de coñecementos, articulados a través de
instrumentos de análise que axuden a construír e a estruturar o coñecemento explícito sobre os fenómenos lingüísticos e literarios tratados. Proponse tamén favorecer unha aproximación ampla á cultura, que afonde nesta etapa na relación continua entre pasado e presente.
4.1. Concrecións metodolóxicas (Elaborado)
As exposicións realizadas polos docentes resultan ser o modelo máis rendible, pois permiten transmitir con rapidez os contidos. Porén, a eficacia deste método está a ser moi cuestionada, porque téñense producido grandes cambios no alumnado e as súas estratexias de aprendizaxe e incluso a súa capacidade de concentración. Por todo isto, recurrirase a ese modelo en determinadas ocasións e durante un tempo reducido, para evitar que o alumnado se descolgue da explicación teórica. Empregarase, por exemplo, para introducir unha corrente literaria, acompañado de ferramentas que faciliten o acceso ós contidos a través da imaxe, en relación coa consolidación da cultura visual. Así, combinarase o método clásico coa lección comunicativa, que permite que a intervención do alumnado durante a exposición, facendo que o intercambio comunicativo sexa bidireccional.
- Método demostrativo: consiste en transmitir a información por medio da realización dun modelo co objectivo de que o alumnado poida executar prácticas similares de forma autónoma. Resulta útil nesta materia para a adquisición da habilidade necesaria para a execución de comentarios de texto literarios ou de análise sintáctica.
- Método por descubrimento: plantexamento da realización de traballos de investigación grupales ao longo do curso, guiados mediante a aportación de bibliografía e que poden rematar cunha exposición na aula.
- Método interrogativo: A súa aplicación desenvólvese de forma puntual, fundamentalmente para levar a cabo a evaluación dos contenidos adquiridos por medio de probas escritas. Tamén se pode empregar este sistema de preguntas e respostas mediante outro tipo de actividades, coma as preguntas na aula ou os debates sobre cuestións académicas.
Ademais, entre todas as competencias, daráselle prioridade á competencia de comunicación lingüística, e en segundo lugar, ás competencias persoal, social e de aprender a aprender e de conciencia e expresións culturais.
No relativo á Lingua, traballarase o enfoque comunicativo, sin esquecer o gramatical. Este estudiarase de forma práctica, para mellorar a cohesión textual e a adecuación ortográfica e léxica do alumnado. Intentarase traballar con frecuencia un texto periodístico relacionado con temas de actualidade, que sirva neste curso para familiarizarse e afianzar o comentario crítico en formato de texto argumentativo.
En canto á Literatura, os alumnos/as lerán pola súa conta, na casa, os libros de lectura obrigatoria, pero adicaránselle algúns días aos libros na clase: un primero de motivación á lectura, lendo algún fragmento e adiantando o argumento e algunhas claves de lectura; outro de evaluación; e outro de conclusión, valorando as aportacións do libro.
Os textos clásicos serán lidos na clase e comentados, para facilitar a súa comprensión; será así especialmente co xénero lírico.
Finalmente, a miúdo os alumnos terán que traer lidos da casa pequenos relatos, textos, poemas para traballar sobre eles na clase seguinte.
Tendo en conta a perspectiva que se adoptará na clase no tratamento dos contidos literarios, é fundamental adestrar a capacidade de comprensión e valoración crítica dos textos literarios (habilidade que será evaluada con distintos instrumentos, incluidos os exames). Debe quedar claro que saber literatura non consiste en memorizar as características de épocas e autores, senón en valorar de forma crítica, xustificada e razoada as obras literarias, sabendo vencellalas ao contexto da época da súa creación.
En cualquera momento, o docente pode realizar unha proba breve sobre o tema do día. Serán preguntas non moi esixentes, pero que non poderá contestar quen non teña lido o tema. A non superación da proba valorarase negativamente.
Frecuentemente pediráselle ao alumnado que realice traballos de investigación sobre un autor, un acontecimento histórico ou un movimento literario empregando internet e/ou enciclopedias. Para guiar este tipo de traballo, proporcionaráselle bibliografía adaptada e referencias sobre webs que sexan axeitadas para a súa consulta. Empregarase a aplicación Google Classroom tanto para subir documentos bibliográficos coma para recibir os traballos ou borradores elaborados polo alumnado.
5.1. Procedemento para a avaliación inicial (Elaborado)
Na primeira semana de curso, se se considera necesario, elaborarase unha proba escrita con dúas partes: comentario de texto e cuestionario tipo test. O comentario de texto avalía especificamente a capacidade de comprensión e expresión escrita, e o test recolle os contidos curriculares básicos da materia a nivel de 4º de ESO. Se a docente dispón de datos suficientes sobre a evolución do alumnado nesta materia ó longo da súa escolarización na etapa educativa anterior (ESO), esta proba non se realizará.
5.3. Procedemento de seguimento, recuperación e avaliación das materias pendentes (Elaborado)
Non é de aplicación.
5.4. Procedemento para acreditar os coñecementos necesarios en determinadas materias (Elaborado)
Non é de aplicación nesta materia.
6. Medidas de atención á diversidade (Elaborado)
As aulas reflicten a diversidade da sociedade na que vivimos. O recoñecemento da diversidade do alumnado constitúe un principio fundamental que debe rexer toda acción educativa. Unha das finalidades da educación é asegurar a igualdade de oportunidades de todos os alumnos e alumnas poñendo os medios para evitar o fracaso escolar e o risco de abandono do sistema educativo.
A atención á diversidade enténdese como o conxunto de actuacións educativas dirixidas a dar resposta ás diferentes capacidades, motivacións e intereses, ritmos e estilos de aprendizaxe e situacións persoais do alumnado. Estas medidas oriéntanse a alcanzar os obxectivos e as competencias establecidas para o bacharelato e réxense polos principios de equidade, calidade e igualdade de oportunidades, non discriminación, integración, accesibilidade e cooperación da comunidade educativa.
As medidas de atención á diversidade deben atender ao principio de inclusión educativa. Isto supón recoñecer a lexitimidade das diferenzas de todas as persoas, asumíndoas como un valor que enriquece o contexto educativo. Este principio establece que todos os alumnos e as alumnas, sexa cal sexa a súa condición persoal, poden aprender sempre que a súa contorna educativa ofreza condicións necesarias de acceso e outorgue experiencias de aprendizaxe significativas para todos e todas.
Neste sentido, faise preciso establecer medidas, metodoloxías e compoñentes que permitan ao profesorado abordar con garantías a diversidade das súas aulas. O plan de atención concretarase nos seguintes elementos:
- Combinación de metodoloxías e fíos condutores das unidades didácticas, vinculados ao desenvolvemento emocional do alumnado e á súa integración no grupo. Uso de métodos diferenciados que teñan en conta os diferentes ritmos de aprendizaxe do alumnado e favorezan a capacidade de aprender por si mesmos.
- Diversidade de agrupamentos e tarefas propostos, articulación de itinerarios diferenciados e combinación de linguaxes e soportes orientados a satisfacer as esixencias de aprendizaxe de cada alumno ou alumna e a permitir o seu desenvolvemento individual.
- Deseño de programas específicos reforzo e ampliación destinados a mellorar as posibilidades de alcanzar os obxectivos da etapa.
- A resolución de problemas e conflitos en colaboración e a toma de decisións baseadas en xuízos morais, co fin de contribuír á adquisición das competencias necesarias para seguir os procesos de pensamento, utilizar o razoamento e analizar criticamente os problemas sociais e históricos.
- A gradación da aprendizaxe. O desenvolvemento das capacidades e dos contidos deberá facerse dun xeito gradual e progresivo, de maneira que se vaian adquirindo habilidades máis complexas que propicien a aprendizaxe individual e autónoma. A gradación entre cursos non se establece principalmente mediante a distribución diferenciada de contidos, senón en función da diferente complexidade dos textos, das habilidades de comprensión ou expresión requiridas, da metalinguaxe necesaria para a reflexión sobre os usos ou do grao de autonomía do alumnado.
- Realización de proxectos significativos para o alumnado. O deseño de tarefas e proxectos de traballo deben basearse en contextos auténticos e recoñecibles para resultar significativos. Alén diso, o traballo colaborativo en proxectos debe potenciar que cada adolescente teña os seus tempos e os seus espazos de protagonismo e o recoñecemento da súa valía persoal e da súa capacidade de contribuír a desenvolver a actividade, reforzando así a autoestima, a autonomía, a reflexión e a responsabilidade.
- O traballo cooperativo, coa proposta de tarefas nas que o alumnado debe regular a súa conduta, a súa expresión e a súa capacidade para relacionarse cos demais. A través do diálogo e da interacción entre o alumnado, contribuirase a desenvolver a capacidade de participar activamente nun equipo, a reflexión sobre as propias ideas, o respecto crítico a outros puntos de vista, o recoñecemento dos propios valores e limitacións, a adaptación ás necesidades colectivas, a asunción de responsabilidades e o respecto ás normas acordadas.
Así mesmo, empregaranse as ferramentas elaboradas pola Consellería para a prevención, detección precoz e tratamento da diversidade, como son os protocolos específicos dirixidos a favorecer a inclusión educativa do alumnado.
8.2. Procedemento de seguimento, avaliación e propostas de mellora (Elaborado)
A programación didáctica da materia de Lingua Castelá e Literatura estará dispoñible para a comunidade educativa do centro e, ademais, a comezos de curso, proporcionarase ao alumnado un extracto da mesma cos seus puntos esenciais: obxectivos, criterios, instrumentos e procedementos de avaliación, materiais didácticos e sistema de recuperación.
A programación didáctica será obxecto de seguimento e avaliación a través da aplicación PROENS e poderá sufrir as modificacións precisas para adaptarse ás necesidades educativas do alumnado, en beneficio da correcta evolución do proceso de ensino-aprendizaxe e da consecución dos obxectivos establecidos. As ditas modificacións, debidamente xustificadas, figurarán tamén nas actas das reunións de departamento e na memoria final da materia.
A avaliación da programación realizarase a través dos seguintes indicadores de logro:
- A programación didáctica elaborouse de maneira coordinada coa colaboración de todo o profesorado do departamento.
- A programación didáctica especifica e completa as decisións adoptadas na concreción curricular fixada no Proxecto Educativo de Centro.
- Os criterios de avaliación establecidos valoran con efectividade a consecución dos obxectivos propostos.
- Os procedementos e instrumentos de avaliación axústanse aos criterios de avaliación indicados.
- As actividades desenvoltas adáptanse á metodoloxía didáctica programada.
- A programación didáctica contempla e manexa con eficacia os recursos e materiais necesarios para favorecer a adquisición dos contidos e obxectivos.
- A programación didáctica organiza axeitadamente os espazos e tempos destinados á realización das actividades previstas.
- A programación didáctica inclúe actividades de reforzo, ampliación e recuperación adecuadas ao perfil, características e necesidades do alumnado.
- A programación didáctica é revisada ao longo do curso e inclúense nela as modificacións pactadas e realizadas.
- A programación didáctica adáptase ao contexto escolar do centro educativo.
Así mesmo, realizarase o seguimento de cada unidade didáctica a través da aplicación PROENS, estipulando e modificando, de ser o caso, a data de inicio e final da explicación de cada unha delas, o número de sesións dedicadas ao seu desenvolvemento, especificando as previstas ao comezo e as realizadas finalmente, así como o grao de cumprimento dos obxectivos indicados.
As propostas de mellora da programación didáctica derivarán da análise da efectividade da mesma e dos resultados académicos obtidos nas distintas avaliacións e examinados nas reunións de departamento celebradas ao longo do curso, cuxo contido quedará reflectido nas actas correspondentes. Ademais, na memoria final, contemplaranse as propostas de mellora, vinculadas especialmente á adaptación da metodoloxía, materiais e recursos empregados para favorecer a consecución dos obxectivos establecidos.