Na segunda quincena de setembro, traemos solucións para os novos coordinadores E-Dixgal. Tamén para aqueles que se queiran actualizar ou formarse para unha futura coordinación. A actividade L2301019 Formación para as persoas coordinadoras E-Dixgal​​​​​​ emerxe como unha necesidade neste inicio de curso. Por iso, apostamos por docencias de calidade impartidas por expertos como Óscar Martínez Rama e Diego Sal Julio.

A actividade, de 12 horas de duración, terá lugar no CFR Lugo en horario de 17:15 a 20:15 horas. Os días elixidos son o 18, 20, 25 e 27 de setembro. O prazo de inscrición para esta actividade atópase aberto ata o 11 de setembro.

Obxectivos

1.Formar as persoas coordinadoras sobre cuestións técnicas do proxecto E-Dixgal.

2.Crear un espazo vivo de encontro e co-formación coas persoas coordinadoras E-Dixgal dos centros participantes neste proxecto.

3.Formar ás persoas coordinadoras na xestión de grupos e materias no entorno EVA.

Contidos

1.Moodle e EVA: Funcións avanzadas, avaliación de tarefas, creación de actividades.

2.Ferramenta de autor.

3.Configuración e uso da maqueta abalar nos equipos informáticos a nivel usuario.

4.Configuración da maqueta abalar a nivel administrador.

5.Novas metodoloxías e boas prácticas TIC.