1. Introdución

1.1 Datos básicos do centro

A Escola Oficial de Idiomas de Vilagarcía de Arousa é un centro de ensinanzas de réxime especial de idiomas dependente da Consellería de Cultura, Educación e Universidade, no que se imparten ensinanzas de réxime especial, concretamente os idiomas alemán, francés, inglés, italiano e portugués. O centro conta coa páxina web corporativa www.eoivga.org, correo de contacto corporativo eoi.vilagarcia@edu.xunta.gal.

A comunidade educativa está integrada no curso escolar 2021-2022 por:
--- Alumnado oficial e libre – aproximadamente 900 matrículas o curso pasado – que inclúe, ademais do
alumnado oficial dos cursos ordinarios, alumnado dos cursos CALC e dos cursos That's English! que
se imparten no centro.
--- Claustro integrado por 22 docentes se ben o número de persoas que exercen a docencia pode variar
caso de existiren reducións de xornada.
--- Persoal non docente: integrado por 5 persoas. Dúas de persoal de limpeza, dúas de persoal
subalterno e unha persoa administrativa.

1.2. Contextualización do Plan Dixital no centro. Contribución ao Proxecto Educativo do Centro

A realidade do noso centro, Escola Oficial de Idiomas de Vilagarcía, conta con variables propias que ter en conta á hora de orientar a contextualización do Plan Dixital. Desde o noso entender, o obxectivo principal debe ser mellorar a competencia dixital docente para darlle unha mellor atención ao alumnado. Os resultados do Test CDD para o noso centro nos mostran que, de media en Galicia a EOI de Vilagarcía conta cun nivel B1 (Integrador/a). Isto son boas noticias pero tamén supón que a marxe de mellora existe para poder acadar osobxectivos marcados no plan de acción para o centro.
A nosa experiencia dos últimos anos mostra que a realidade do ensino de linguas cara o que se están a mover as EEOOII pasa pola creación e consolidación de novos procesos híbridos de ensino-aprendizaxe. O noso centro leva dous anos participando no Consorcio do CAFI con outras dez EEOOII de Galicia Erasmus+ Sblendid que versa sobre ensino semipresencial e desde o 2021-2022 integra na súa oferta educativa cursos semipresenciais de nivel B2.1, ampliados no curso 2022-2023 ao B2.2 en inglés e B1.1 en alemán. A previsión é que esta tendencia se consolide e se amplíe no futuro, debido á cada vez maior competencia dixital da cidadanía e do profesorado en conxunto.
A maiores destes procesos híbridos de ensino-aprendizaxe nas aulas, o noso centro vén desenvolvendo unha internacionalización e creación de redes de colaboración, que se consolidou desde o curso 2018-2019, cando iniciamos o proxecto Erasmus+ Observamos: Inclusión contra o abandono. Cabe destacar que cada vez máis, estas sinerxías de colaboración, ademais de ser físicas e presenciais no caso das mobilidades e estadías de aprendizaxe, en moitos casos están mudando cara á aprendizaxe deslocalizada en espazos virtuais, o que fai necesario unha competencia dixital consolidada por parte dos claustros docentes.
Para lograr a devandita competencia dixital docente, o noso centro prevé ofrecer liñas de formación integradas no PFPP (Plan de Formación Permanente do Profesorado) sostidas no tempo e que integren, idealmente, a totalidade do claustro. Liñas nas que crear, desenvolver e ampliar a capacitación, autonomía e seguridade dos e das docentes en materia de dixitalización. Liñas, en todo caso, abertas aos cambios que poida deparar o futuro da realidade nas EEOOII.

1.3. Breve xustificación do mesmo

O marco normativo que nos rexe neste Plan Dixital contempla as seguintes:
--- Art. 111 bis, Art. 121 e Art. 132 da LO 2/2006, de 3 de maio, de Educación

--- Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI,
EP, ESO e bacharelato no curso académico 2021-2022
---Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos
de FP do sistema educativo no curso 2021- 2022
--- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros
docentes sostidos con fondos públicos da Comunidade Autónoma de Galicia para o curso 2021-2022

1.4. Proceso de elaboración

O proceso de elaboración do plan dixital no curso 2021-2022 veu rexido polas indicacións e directrices do propio programa. No mes de novembro se inclúe unha liña de traballo no PFPP do centro, titulada “Plan dixital do centro. Integración didáctica das TIC. Traballo colaborativo en rede a través de espazos virtuais. Educación dixital” e do itinerario asociado Ano 1: Deseño e elaboración do Plan dixital de centro, xunto co grupo de traballo creado para tal fin P2105159 PFPP P2131129 Análise da competencia dixital do centro e elaboración do plan dixital. A partir de aí, selecciónase á persoa coordinadora á que se matrícula no espazo virtual do Plan Dixital, onde se obtén a mentorización directa da ADIX asignada ao centro, quen foi marcando os tempos e dando as directrices para poder ir elaborando as diferentes fases solicitadas polo programa de implantación.

O seguimento de avaliación do grao de desenvolvemento do plan dixital e da consecución de obxectivos, farase conforme ás seguintes indicacións:
- Avaliación procesual, que terá unha frecuencia de mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
- Avaliación final a frecuencia da súa realización será como mínimo unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

A pesar das dificultades de implementación da liña de elaboración do Plan Dixital durante o curso 2021/2022, no caso da EOI de Vilagarcía conseguiuse elaborar un plan que tiña como obxectivo dar resposta as necesidades do centro en materia de dixitalización, no conxunto total da comunidade educativa. Deste modo, realizouse unha temporalización durante os dous primeiros cuatrimestres, cos principais obxectivos a acadar. En canto as metas a conseguir durante o primeiro, segundo, e incluso terceiro cuatrimestre, puídose conseguir en practicamente a súa totalidade, tamén en parte por ser procesos xa interiorizados no propio centro. Tan só quedaron uns poucos procesos que, porque levarían a cabo una preparación moito máis exhaustiva, foron relegados para o terceiro trimestre ou comezo do curso 2023/2024.

Esta metodoloxía ideouse por tanto, idealmente, para rematar o curso 2022/2023 coa maioría dos obxectivos acadados, tal como é o caso.

As propostas de mellora céntranse en:

-         Acadar os obxectivos do Plan Dixital que non puideron ser levados a cabo este ano. 

-         Mellorar as instalacións e dispositivos do centro no relativo á:

o   A actualización dos PC que usa o alumnado na sala de Obradoiro,

o   A inclusión de ordenadores na Biblioteca, tralas achegas do alumnado na enquisa de funcionamento enviada en abril de 2023.

o   Incorporar a catalogación de fondos do departamento de inglés ás funcións da persoa Xefa do Servizo de Recursos TIC, xa que debido A0 grande volume de exemplares a súa axuda é necesaria, especialmente no departamento de inglés.

o   Rotar as mesas do profesorado das aulas para non dar ás costas A0 alumnado cando a persoa docente traballa ou consulta algo no ordenador.

o   Intentar integrar unha nova organización de aula, mesas, dispositivos... para unha mellora na metodoloxía (plan de nova arquitectura pedagóxica).

o   Monitorizar a inminente instalación dos paneis dixitais de aula e asegurar a formación técnica na súa utilización para o profesorado (integrala no plan de acollida A0 novo profesorado).

o   Que a impresora que se atopa na conserxería posibilite o envío do documento escanado por email, mediante conexión dixital a todos os docentes, xa que polo de agora só poden extraerse os arquivos escanados mediante un dispositivo de memoria ou USB.

De cara ao curso 2023-2024, e segundo se indica no apartado 1 deste documento, as directrices se integrarán na Programación Xeral Anual (PXA) e contribuirán a definir o Proxecto Educativo do centro. O plan dixital integrarase nos documentos de centro e a súa difusión se realizará entre toda a comunidade educativa, a nivel claustro e alumnado segundo o foro e o momento do ano. Presentarase ao Consello Escolar para a súa aprobación e tamén ao claustro.