Xustificación do Plan Dixital
A elaboración do presente Plan Dixital de centro queda plenamente xustificada segundo a lexislación vixente:
-
Art. 111 bis, Art. 121 e Art. 132 da LO 2/2006, de 3 de maio, de Educación
-
Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia e se regula a avaliación nesa etapa educativa.
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implantación do Plan Dixital nos centros docentes sostidos con fondos públicos da Comunidade Autónoma de Galiza para o curso 2021-2022
-
Artigo 37.1. do DECRETO 156/2022, do 15 de setembro, polo que se establecen a ordenación e o currículo da educación secundaria obrigatoria na Comunidade Autónoma de Galicia.
-
Artigo 35.1 do DECRETO 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia.
-
Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro, polo que se establecen a ordenación e o currículo do bacharelato na Comunidade Autónoma de Galicia e se regula a avaliación nesa etapa educativa.
Contexto do Plan Dixital no centro. Contribución ao Proxecto Educativo do Centro
O I.E.S. Antón Alonso Ríos está situado no municipio de Tomiño, comarca do Baixo Miño, ó sur da provincia de Pontevedra, fronteirizo con Portugal e aproximadamente a uns 45 quilómetros de Vigo.
O centro creouse en 1994 para ofertar o ensino secundario aos mozos e mozas dos cinco colexios do concello que actualmente temos adscritos (CEP Plurilingüe Pedro Caselles Beltrán, CEIP de Barrantes, CEIP Pintor Antonio Fernández de Goián, CEIP de Sobrada e CEIP Plurilingüe Tebra) e que antes tiñan que desprazarse aos concellos veciños. Tamén cabe salientar que nos cursos superiores hai un incremento de alumnos e alumnas procedentes doutras zonas da comarca (Tui, O Rosal, A Guarda).
Actualmente, no IES Antón Alonso Ríos impártense as seguintes ensinanzas:
- Secundaria Obrigatoria (1º, 2º, 3º e 4º).
- Bacharelato (1º e 2º): Ciencias e Humanidades e Ciencias Sociais.
- Formación Profesional Básica: Agroxardiñería e Composicións Florais; Electricidade e Electrónica.
- Ciclos formativos de grado medio: Instalacións de telecomunicacións; Aproveitamento e conservación do medio natural.
A zona é rural e a meirande parte da súa poboación dedicase os labores agrícolas, aínda que nos últimos anos houbo incremento do sector servizos.
Respecto ao profesorado, polo xeral, o claustro consta de 65 profesores e profesoras. A maioría do profesorado ten destino definitivo, inda que nos últimos anos soe haber unha renovación importante do claustro, debido á alta mobilidade no Concurso Xeral de Traslados.
A esencia do Proxecto Educativo do noso centro é a procura da renovación pedagóxica constante e a innovación docente, o traballo colaborativo e a participación nos diferentes proxectos da Consellería de Educación. É a partir desta base onde o Plan Dixital pode ser unha ferramenta fundamental para potenciar esta innovación e colaboración, mellorando as ferramentas e infraestruturas que permitan esta renovación dun xeito áxil e coordinado. Ademais, o centro caracterízase por terse involucrado en moitos plans no eido dixital, como son o Programa Abalar, o Programa E-Dixgal en todos os cursos da ESO, Polo Creativo e recentemente o Club de Ciencia.
Proceso de elaboración e seguimento
Para a elaboración e seguimento do presente Plan Dixital, contamos cun grupo de traballo específico que traballa indistintamente en reunións de grupo, online e sesións individuais para a redacción do mesmo. Equipo responsable de Dinamización do Plan Dixital: Héctor Lago Almeida (Director do IES), Rocío Veiga Villar (Coordinadora Plan Dixital e Polos Creativos), Ledicia Seoane , Santiago Sesar Buján, Óscar Saborido Fins.
