O C.P.R. San José é un centro de titularidade privada que está situado na parroquia de Borreiros, no concello de Gondomar.
Sitúase no enderezo Barrio Telleiro, 12 Borreiros, C.P. 36378 Gondomar. O correo electrónico é cpr.sanjose.gondomar@edu.xunta.gal. Tamén conta con páxina web https://www.guarderiasanjose.com.
Trátase dun centro de doble línea que imparte a etapa de Educación Infantil. No curso escolar 2023/2024 conta con un total de 108 alumnos matriculado é disbribuidos en 6 unidades. O claustro está composto por 7 profesores.
O C.P.R. de Educación Infantil San José, dirixido polas Misioneiras de María Mediadora, atópase situado na zona rural de Borreiros, o seu ámbito sociocultural é heteroxéneo, xa que polo seu enclave xeográfico, tres concellos conflúen no Centro: Gondomar, Baiona e Nigrán.O plan dixital é un instrumento de planificación integrado no Proxecto Educativo que persegue fundamentalmente o desenvolvemento do tratamento da información e competencia dixital e a integración das TIC como ferramenta didáctica nos procesos de ensino-aprendizaxe.Para facer o noso Proxecto Educativo temos en conta que é un Centro único e exclusivamente de 1º e 2º Nivel de Educación Infantil, e desde esta realidade elaboramos o noso Proxecto e facemos todas as programacións. O Centro non pode permanecer á marxe das novas tecnoloxías da información e da comunicación. Os nenos e as nenas conviven desde o seu nacemento con todo tipo de equipos tecnolóxicos, e é un feito que viven con máis interese as actividades escolares e que manteñen mellor a atención se na aprendizaxe empréganse medios tecnolóxicos: ordenador, Taboleiro dixital.… Polo tanto, a linguaxe audiovisual e as tecnoloxías da información e da comunicación presentes na vida infantil requiren un tratamento educativo que inicie aos nenos e ás nenas na comprensión das mensaxes audiovisuais e na utilización adecuada, identificando o papel que estas novas tecnoloxías teñen nas súas vidas.
Este Plan vai ser “o instrumento que adecúe e facilite o uso dos medios dixitais no proceso de ensino-aprendizaxe, entendido desde o obxectivo do desenvolvemento pleno e integral do alumnado e profesorado”. Para iso é fundamental dar un enfoque ao uso dos recursos pedagóxicos dixitais, aproveitando as posibilidades e recursos dispoñibles, de modo que se converta nun proxecto compartido para os membros da comunidade educativa, que dea coherencia e guíe o uso das tecnoloxías. Será un instrumento que forme parte do Proxecto Educativo e da Programación Xeral Anual para o curso 2023-2024.
O Plan Dixital está concibido como un documento vivo que contén os acordos alcanzados no centro con respecto aos obxectivos xerais do plan, as estratexias de dinamización e xestión dos recursos tecnolóxicos e a inclusión das TIC. Supón un compromiso por parte de toda a comunidade educativa. Cada un na medida das súas posibilidades e o seu nivel actual de formación.
A Educación é un recurso clave para asegurar a igualdade social, a promoción das persoas e máis xenericamente a mellora das condicións de vida de comunidades e persoas. Así pois, a Estratexia Europa 2020 recoñece a necesidade dunha transformación dos sistemas de educación e formación que garanta a adquisición de competencias dixitais, que a súa vez permitan aproveitar as oportunidades. Por outra banda, as organizacións educativas temos a necesidade de revisar as nosas estratexias co obxectivo de mellorar a capacidade para promover a innovación e sacar o máximo partido das tecnoloxías da información e comunicación, e dos recursos educativos dixitais.
Tal e como se recolle na Lei Orgánica 3/2020, do 29 de decembro, pola que se modifica a Lei Orgánica 2/2006, do 3 de maio, de Educación, o uso xeneralizado das tecnoloxías da información
e comunicación en múltiples aspectos da vida cotiá acelerou cambios profundos na comprensión da realidade e na maneira de comprometerse e participar nela, nas capacidades para construír a propia personalidade e aprender ao longo da vida, na cultura e na convivencia democráticas, entre outros.
Ademais da anterior lei mencionada para a elaboración do Plan tívose en conta a seguinte normativa:
Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022.
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022.
