1. Contextualización do Plan Dixital de Centro.
1.1 Características socioeconómicas e culturais do contexto do centro
O presente Plan Dixital desenvolverase no CEIP Eduardo Pondal de Vigo, que está situado no barrio de Sampaio en Vigo. É un centro educativo pequeno, actualmente conta con 6 unidades (2 de infantil e 4 de primaria) e cun total de 68 alumnos/as. O alumnado procede de familias de situación socioeconómica media-baixa. A maior parte do alumnado pertence a familias compostas de pai-nai e irmáns, en moitas familias o apoio do entorno familiar é moi frecuente, avós, tíos, etc. Incluso as vivendas, en moitos casos, son fogares nos que na mesma construcción conviven máis dunha unidade familiar. O entorno social é de barrio, o que implica unha forte socialización dos rapaces e rapazas que conviven moito con outros en espacios urbáns. Estos son fonte de relacións, de xogo e de normalización nos comportamentos.
1.1 Xustificación do Plan Dixital
O Plan Dixital de centro é un documento a través do cal analizaremos a nosa realidade en relación ao uso das tecnoloxías dixitais e, a partir desta situación de partida, definiremos un plan de actuación que incluirá os obxectivos a conseguir, as actuacións específicas para implementar este plan, a súa avaliación e a súa difusión. O obxectivo final da posta en marcha do Plan Dixital é mellorar o desenvolvemento da competencia dixital do alumnado e o uso das tecnoloxías dixitais na aprendizaxe a través do desenvolvemento da competencia dixital do profesorado -tanto individual como colexiada- e da transformación dos centros en organizacións educativas dixitalmente competentes.
Este Plan Dixital queda recollido nas leis e nos artigos que se citan a continuación:
-
Art. 111 bis, Art. 121 e Art. 132 da LO 2/2006, de 3 de maio, de Educación.
-
Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
-
Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
-
Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
-
Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
-
Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
O noso Plan Dixital inclúese dentro do noso Proxecto Educativo, tal e como se establece na lexislación citada anteriormente, xa que este se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións.
A partir do Informe SELFIE elaborado xa fai dous cursos, o centro poderá xerou unha análise DAFO que foi de utilidade para analizar a situación e para a elaborar as liñas fundamentais do Plan Dixital en termos de obxectivos e actuacións. Nestes obxectivos e actuacións temos en conta elementos como as infraestruturas tecnolóxicas, a competencia dixital docente e do alumnado e a actitude favorable cara ao uso das tecnoloxías como medio de mellora do proceso de ensino-aprendizaxe.
