Plan do centro
Vixencia
Introdución
Contexto DAFO
Obxectivos
Seguimento
O procedemento para o seguimento do plan será o seguinte:
1. O equipo de dinamización do Plan Dixital realizará unha xuntanza por trimestre para valorar as evolucións deste plan. Para poder valoralo, será necesario medir o grado de consecución dos obxectivos que nos marcamos. Tamén será necesario probar a efectividade das actuacións levadas a cabo. Para levar a cabo dita avaliación, teremos en conta os seguintes instrumentos e ferramentas: os indicadores de avaliación asociados a cada un dos obxectivos e accións. O plan avaliarase en función dos resultados obtidos no marco dos obxectivos e prazos previstos. O informe de progreso formará parte da memoria anual de centro.
2. A mentora Adix, realizará unha visita ó centro cando a mentora ou a coordinadora así o precisen.
3. A coordinadora do Plan Dixital terá acceso á ferramenta Educalidade para rexistrar os avances e avaliacións deste plan.
Para este primeiro trimestre tiñamos programado acadar as seguintes accións:
- Contratar unha empresa externa para solventar problemas relacionados co equipamento dixital do centro. ACADADO. Empresa de mantemento informáticoViagal.
- Mover os portátiles dende a aula dixital á biblioteca do centro e facer un recuncho cos mesmos. ACADADO. Movéronse un total de 10 portátiles.
- Levar un portátil a cada aula para que poidan empregar os alumnos e alumnas. NON REALIZADA. Decidiuse no claustro que preferían manter os equipos na biblioteca.
- Comprobar que todas as familias teñan instalada a aplicación de Abalar Móbil. ACADADO. Enviouse unha enquisa en papel a todas as familias do centro.
- Enviar enquisa para resolver posibles dificultades que teñan as familias coa aplicación de Abalar. ACADADO. Enviouse a enquisa e resolvimos as dificultades.
- Xuntanza cada trimestre para coñecer novas aplicacións de creacións de recursos dixitais. ACADADO. Novas aplicacións: wordwall e pictotraductor,
- Xuntanza cada trimestre para que cada mestre/a comparta co resto de claustro un recurso dixital (pode ser de elaboración propia ou non). NON ACADADO. Posponse para o seguinte trimestre.
Para este segundo trimestre tiñamos programado acadar as seguintes accións:
- Xuntanza cada trimestre para coñecer novas aplicacións de creacións de recursos dixitais. ACADADO. Novas aplicacións: Quizizz, Educaplay.
- Xuntanza cada trimestre para que cada mestre/a comparta co resto de claustro un recurso dixital (pode ser de elaboración propia ou non). ACADADO. Unha mestra compartiu un Genially a modo de Escaperoom polo Día da Paz.
Para este terceiro trimestre tiñamos programado acadar a seguintes accións:
- Realizar dúas visitas mensuais por parte da empresa externa para solventar problemas relacionados co equipamento dixital do centro.
- Xuntanza cada trimestre para coñecer novas aplicacións de creacións de recursos dixitais
- Xuntanza cada trimestre para que cada mestre/a comparta co resto de claustro un recurso dixital (pode ser de elaboración propia ou non)
- Solucionar os problemas que teñen as familias coa aplicación de Abalar
- Potenciar o uso de ABALAR mediante o envío de notificacións periódicas
Avaliación
Este Plan Dixital é un documento vivo que debe ser revisado e avaliado de forma continua. Se queremos alcanzar a excelencia na integración das tecnoloxías dixitais debemos definir unhas estratexias e ferramentas de avaliación que sexan fáciles de aplicar e rigorosas na súa aplicación. Decidimos construír unhas rúbricas cos indicadores de logro de cada un dos obxectivos establecidos no apartado anterior. É un instrumento idóneo debido a que permite diseccionar as tarefas complexas que conforman o Plan Dixital en tarefas máis simples distribuídas de xeito gradual e operativo. Ditas rúbricas deberán ser analizadas a principio de cada curso, podendo ser adaptadas á realidade da situación atendendo á actualidade do momento e aplicadas ao final do mesmo para avaliar os obxectivos alcanzados e propiciar o necesario feedback que nos permita adaptar o Plan ás necesidades e posibilidades do noso centro educativo. Ditas rúbricas xa están integradas nas táboas dos obxectivos o que vai facilitar esta tarefa.
Por outra banda cómpre indicar que a avaliación será procesual e final. No tocante a avaliación procesual a frecuencia da súa realización será como mínimo unha vez ao trimestre. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.
Comunicación e difusión
Segundo o establecido no Plan de Comunicación do Ceip Eduardo Pondal a estratexia que se define co fin de responder de maneira específica á publicidade e á súa difusión agruparanse en tres eixos de actuación:
1. Comunicación Interna: Entre os membros docentes e non docentes do CEIP Eduardo Pondal. Inclúe a difusión dos informes de avaliación intermedia e final do proxecto. Esta estratexia da Comunicación interna ten como obxectivo a sistematización e estruturación da información de forma que garanta unha xestión eficaz así como asegurar unha fluída e eficiente comunicación membros docentes e non docentes do centro a sistematización e estruturación da información de forma que garanta unha xestión eficaz e transparente do Plan dixital. Isto preténdese alcanzar mediante o uso das seguintes ferramentas:
- Correo electrónico e telefonía móbil, sendo as ferramentas de xestión de intercambio de información máis usadas, podendo iniciarse a posibilidade do uso das videoconferencias para a súa difusión.
- Reunións periódicas.
2. Comunicación Externa: Cos destinatarios directos e os potenciais beneficiarios dos resultados do proxecto. (Plataforma do equipo Adix).
3. Difusión Xeral: Informarase á sociedade en xeral a través da publicación na páxina web da realización do Plan Dixital e a través da Plataforma Educalidade.
Plan Dixital 2023/2024 enlazado na web do centro.