1.1. Datos básicos do centro
CEIP O Castiñeiro
Rúa Castiñeiro Nº 1, Laza – 32620 – Ourense 988 42 20 14
ceip.castinheiro@edu.xunta.gal www.edu.xunta.gal/centros/ceipcastinheiro
Oferta Educativa:Eucación Infantil e Educación Primaria Número de alumnado: 27
Número de profesorado: 4 mestres/as, 1 mestra PROA+, 1 mestra especialista AL (itinerante), 1 orientadora (itinerante) e 1 mestra de relixión (itinerante)
1.2. Contextualización do Plan Dixital no centro. Contribución ao Proxecto Educativo do Centro
- Característica socioeconómicas e culturais do contexto do centro.
No marco socioeconómico atopámonos en Laza, un concello de carácter rural, no que as actividades tradicionalmente incluídas nos sectores secundario e terciario teñen escasa importancia, limitándose a algunhas industrias artesanais de explotación familiar.
No eido cultural, cabe reseñar as carencias: non hai biblioteca pública, non hai ximnasio nin clubs federados, non existen centros para continuar estudos...
Cabe destacar o fondo arraigo de tradicións ancestrais como o Entroido ou festas coma as do Santo Cristo .
- Incardinación e contribución do PD ao Proxecto Educativo. Relación con outros Plans e proxectos do centro: traxectoria no ámbito das novas tecnoloxías, programas de innovación nos que participa.
No noso centro existe dende hai bastantes anos un consenso de toda a comunidade escolar, impulsada dende a dirección, de introdución das TIC na práctica educativa cotiá do centro. Este consenso levounos a levar adiante accións en tres frontes para acadar un uso normalizado das mesmas. Nun primeiro lugar para ter unha dotación de equipamentos suficiente, tanto a nivel de adquisicións propias (PDI, ordenadores e proxectores en cada aula, dotación dunha sala de recursos para profesorado...) como participando en diversos programas de innovación educativa como Abalar dende a súa creación. Dende a Biblioteca Escolar se realizouse unha importante achega de recursos, aínda que se deu de baixa o PLAMBE que imos solicitar para o vindeiro curso (tablets, ordenadores de sobremesa...) e se acadaron doazóns de institucións (ANPA) que nos permitían, agora xa non, contar cunha dotación suficiente na aula de informática. Nun segundo plano fomentouse a formación do profesorado no emprego das novas tecnoloxías. Neste eido subliñar os traballos realizados dende hai máis de 20 anos, con Clic 2.0, Jclic, EdiLIM, Ardora, HotPotatoes, eXelearning, Moodle, etc. A participación na formación do profesorado sempre foi maioritaria e permitiu ir avanzando aos poucos na elaboración de produtos educativos propios e na incorporación destes na práctica educativa cotiá. A pandemia incrementou o compromiso coa formación do profesorado e o uso que se fai no centro da aula virtual. Tamén nestes últimos anos e á calor das necesidades de comunicación xeradas polo confinamento, fíxose evidente a necesidade do uso das canles corporativas para evitar o emprego de mensaxerías comerciais, feito que se viu reflectido na elaboración e aprobación dun plan de comunicación no curso 20-21. O terceiro eudo no que se ten traballado é na creación dun espazo web e un perfil en redes sociais (Facebook, Instagram) que achegue unha imaxe dinámica do centro, amose as súas actividades dun xeito aberto e democrático, permitindo a todos os usuarios coñecer os nosos documentos, programacións e actividades. Os programas relacionados coas novas tecnoloxías nos que particia o noso centro son Abalar e distintas actuacións relacionadas coa biblioteca escolar, como son os programas de Radio Escolar, a robótica, programación.
Programas de innovación nos que participa:
- Proxecta+: Aliméntate ben (modalidades: Xermoliño-Xermolón, Froita na escola) e Proxectos de vida activa e deportiva – PVAD (Milla diaria).
- Contribución do PD á Programación Xeral Anual do curso 22/23.
O Plan Dixital de Centro, sen dúbida, vai influír en diferentes aspectos na Programación Xeral do vindeiro curso, xa que nel van reflectidos distintos compromisos de formación e de actuacións que terán que ter a súa cabida na PXA, en tanto serán eidos primordiais das actividades de formación do vindeiro curso académico. Por outra banda, cada ciclo terá que determinar, tal e como se verá nos obxectivos deste plan dixital, os contidos a traballar co alumnado para a realización do itinerario de formación básica en contornos dixitais. Estes contidos serán integrados nas Programacións de Aula e farase referencia a eles na propia PXA coma obxectivos de ciclo.
1.3. Contextualización normativa o Plan Dixital do noso centro:
- Art. 111 bis, Art. 121 e Art. 132 da LO 2/2006, de 3 de maio, de Educación.
- Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
- Artigo 30.1 do DECRETO 150/2022, do 8 de setembro,polo que se establece a ordenación e o currículo da educación infantil na Comunidade Autónoma de Galicia.
- Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
- Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
- Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.
1.4. Proceso de elaboración
Esta revisión do Plan Dixital foi elaborado pola Coordinadora e membros do Equipo de Dinamización do Plan Dixital.