Datos básicos do centro
Nome do centro: IES Cidade de Antioquía
Enderezo: Avenida de Ourense 186 Xinzo de Limia CP32630
Correo electrónico: ies.cidade.antioquia@edu.xunta.gal
Enderezo web: www.edu.xunta.gal/centros/iescidadeantioquia
Ensinanzas que imparte: ESO, Bacharelato, FP Básica de electrónica, FP de grao medio e superior da familia agraria en réxime ordinario e dual, e educación secundaria para adultos ESA.
Alumnado por etapas:
· ESO: 188 alumnos/as.
· Bacharelato: 66 alumnos/as.
· FP Básica: 8 alumnos.
· FP Grao medio: 33 alumnos/as.
· FP Grao superior: 51 alumnos/as.
· ESA: 0 alumnos/as.
Profesorado:
· PES: 55 profesores/as.
· Mestres: 5 mestras.
Breve xustificación do mesmo
A lei orgánica 2/2006 de educación do 3 de maio, establece:
No artigo 111 bis. Tecnoloxías da información e a comunicación:
• As administracións educativas e os equipos directivos dos centros promoverán o uso das tecnoloxías da información e da comunicación (TIC) na aula como medio didáctico axeitado e valioso para a realización das tarefas de ensino e aprendizaxe.
• O Ministerio de Educación e Formación Profesional elaborará e revisará, previa consulta ás comunidades autónomas, os marcos de referencia da competencia dixital que orienten a formación inicial e permanente do profesorado e faciliten o desenvolvemento dunha cultura dixital nas escolas e nas aulas.
• As Administracións Públicas velarán polo acceso de todo o alumnado aos recursos dixitais necesarios, para garantir o exercicio do dereito á educación de todos os nenos e nenas en igualdade de condicións.
No artigo 121 . Proxecto educativo:
• O proxecto educativo do centro incluirá [...] a estratexia dixital do centro.
No artigo 132. Competencias do director ou directora:
• Exercer a xestión pedagóxica, promover a innovación educativa e impulsar plans para acadar os fins do proxecto educativo do centro.
• Promover a experimentación, as innovacións pedagóxicas, os programas educativos, os plans de traballo, as formas de organización, etc.
A Resolución do 3 de setembro de 2021, da Secretaría xeral de Educación e Formación Profesional, dita as instrucións a seguir para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022, contempla:
No seu primeiro artigo “Obxecto e ámbito de aplicación” :
• Débense “Establecer as medidas de actuación relativas ao deseño, elaboración e implementación do Plan Dixital para o curso 2021-2022, nos centros docentes sostidos con fondos públicos”
OS DECRETOS 156/2022 e 157/2022, do 15 de setembro, polo que se establecen respectivamente a ordenación e o currículo da educación secundaria obrigatoria e o bacharelato na Comunidade Autónoma de Galicia, nos seus artigos 37 e 35 , aliña 1 din:
• Os centros docentes deberán incluír dentro do seu proxecto educativo e funcional a súa estratexia dixital a través dun plan dixital de centro, que se concibe como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e que se concretará anualmente na programación xeral anual a través das correspondentes actuacións.
A ORDE do 26 de maio de 2023 pola que se desenvolven os Decretos 156/2022 e 157/2022, do 15 de setembro, polo que se establecen a ordenación e os currículos da educación secundaria obrigatoria e do Bacharelato na Comunidade Autónoma de Galicia e se regula a avaliación nesa etapa educativa, di nos seus artigos 18 e 21 respectivamente:
O plan dixital concíbese como un instrumento para mellorar o desenvolvemento da competencia dixital da comunidade educativa, o uso das tecnoloxías dixitais no proceso de ensino e aprendizaxe e a transformación dos centros en organizacións educativas dixitalmente competentes, e incluirá, como mínimo, os seguintes elementos:
a) Introdución, cunha breve contextualización do plan no centro e unha xustificación del.
b) Análise do contexto, recollerá, como mínimo, a situación de partida no centro respecto do uso das tecnoloxías dixitais.
c) Obxectivos, dos cales se especificarán indicadores.
d) Procedemento de seguimento, avaliación e modificación do plan e, de ser o caso, de
difusión.
As Resolucións do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022 e do 18 de xuño de 2021, para as ensinanzas de FP, establecen nas súas disposicións adicionais quinta e terceira, respectivamente:
Plan dixital de centro:
• Os centros docentes elaborarán no curso 2021/22 o seu plan dixital de acordo coas instrucións que se diten.
Proceso de elaboración
Para a elaboración deste plan definíronse os seguintes obxectivos:
• Avaliar a competencia dixital do centro atendendo ás dimensións pedagóxica, tecnolóxica e organizativa para poder emprender un proceso de transformación, facendo uso das ferramentas de avaliación e diagnose: enquisa de autoavaliación SELFIE e Test de Competencia Dixital Docente.
• Realizar a diagnose de situación do centro, que foi concretada na análise DAFO (debilidades, ameazas, fortalezas e oportunidades).
• Deseñar accións específicas encamiñadas á mellora da competencia dixital do centro e da comunidade.
• Establecer un procedemento de seguimento e avaliación do plan de actuación elaborado, no que se recollen obxectivos, actuacións e métodos de avaliación e difusión dos mesmos.
